MAADOCO 9:35 - Wanaadi A'deddu

³⁵ Yaawä Jesuuquidiito cönaatajiimai; tönoowanoomadö cöna’dejjaicho, ñanno amoojadooto de’wä aaco’como. Töwö cönä’döaacä chäwwäiñe: —Ñäädä cajiichaanaje töwei’shato tameedä dho’noncomooje eijai ña, tameedä soto anoonöcoomoje mmaja; quee cönä’döaacä.

MAADOCO 9:35 ပူးပေါင်းရင်းမြစ်များ

MATEO 23:11

Ñäädä tameedä anooje naadö ñäädä ñäädä cajiichaanajaato.

MAADOCO 9:36

Yaawä mude’cä’cä cönnöi dhantawäiñe; tänaawä tödöödö’jo töwö cönä’döaacä tönoowanoomadö wwäiñe:

DUUCA 18:14

Öwö yääje wä’döa äwwäiñe: Ñäädääne, acu’shänä jödaatai i’jummaneiñe töcoone’nadiiyö täncwanno’jo cönennacai tömmai chaca, jaadiseeojöönööne. Ñäädä o’jodhaato tö’tajäätödö dho’noncomooje nä’döja’de. Ñäädä dho’noncomo tö’tajäätödö mmaane o’jodhe nä’döja’de; quee cönä’döaacä Jesuuquidiito.

DUUCA 22:26

Änwanno mmaane yääje eijai’cha maato. Ñäädä adhantawäiñe cajiichaanajaato, odho’noncomo nönge eijai ña; ñäädä adhaanontäneichomo, anooje mmaja eijai ña dea.

SANTIYAACO 4:6

Töwö Wanaadi aashicha töweichö woije cö’wa’tätäiñe weneene. Edääje dha’deddu imennaajä jäcä nä’döa: “Wanaadi nä’jädu’ta o’jodhaato tö’tajäätödö jäcä; o’jodhe chö’tajä’jönö mmaane töwö töni’wa’tä weneene, aashicha töweichö woije;” quee nä’döa.