MAADOCO 9:32 - Wanaadi A'deddu

³² Ñoowanoomadö dhowaanäcäiñe’da cönäätaacä yääje ya’deuwödö. Tönwanno tösaade cönä’ja’to, yää jäcä ecamma’jo’se’da.

MAADOCO 9:32 ပူးပေါင်းရင်းမြစ်များ

MAADOCO 16:14

Yää ’jeje mmaja jeene Jesuuquidiito cönäänejoi chea ñanno amoojadooto de’wä tooni’chomo wwäiñe, yääwashinchädaawäiñe. Töwö cömjiiyemeecöicho aneecamjö’da yei’jocoomo jo’tädööje, chäänönge’da chö’tajäätödööcomo weichö jo’tädööje mmaja, töwäämaajo jonno töwaadoncaajä tänennamo’jödö aneecamjö’da yei’jocoomo weijäcä.

MAADOCO 7:18

Jesuuquidiito cönä’döaacä chäwwäiñe: —¿Änwanno jadä’jödöödä äntö’tammecö’da maato dea? ¿Odhoowanääcäiñe’da ca’ nai tameedä jönaawono womongajä soto choone’majai’cha yeichö?

MAADOCO 8:33

Jesuuquidiito cönä’jedennacai yaawä tönoowanoomadö wwadäädäiñe. Peedhodo cömjiiyemeecöi yaawä; cönä’döaacä chäwwä: —Ääsecaacä yoowajonno amäädä Caajushawa. Soto tö’tajäätödö nönge mma ätö’tajä’a, Wanaadi tö’tajäätödö nönge’da mma; quee Jesuuquidiito cönä’döaacä Peedhodo wwä.

MAADOCO 9:10

Yääje yeijäcä ñoowanoomadö töwwäädäiñe mma cönnöicho yää. Tönwannoje dea töwäätäcamma’jo cönä’ja’to: —¿Aaquene töwä’dö’se yeichö mädä “töwäämaajo jonno waadoncanä”, quee cönä’döa’dö? quee töwäätäcamma’jo töweiye cönä’ja’to.

DUUCA 18:34

Ääta’da cönä’jaacä chäwwäiñe yääje ya’deuwö’jödö. Dhowaanäcäiñe’da Jesuuquidiito cöna’deuwacä, etaajai’cha yeichomjäcä.

DUUCA 2:50

Tönwanno dhowaanäcäiñe’da cönäätai ya’deuwödö.

DUUCA 24:45

Yaawä töwö cuntui shejjedööcomo Wanaadi a’deddu imennaajä dhowaanäcäiñe yä’dötoojo.

DUUCA 9:45

Ñoowanoomadö dhowaanäcäiñe’da cönäätaacä yääje ya’deuwödö, etaatojo ’je’da yeijäcäiñe. Tösaade cönä’ja’to, Jesuuquidiito ecamma’jo’se’da yääje yä’dö’jödö jäcä.

JUAN 12:16

Awa’deene Jesuuquidiito nowaanomaadö yää imennaajä äntö’tammecö’da cönä’ja’to. Jesuuquidiito wöta’jäcä caju ña yaawääne cöntö’taicho yää imennaajä Jesuuquidiito jäcä yeichö; yää weja’dätä’jödö jäcä cöntö’taicho dea.

JUAN 16:19

Jesuuquidiito dhowaanäcä cönä’jaacä täcamma’jo’se yeichöcoomo. Töwö cönä’döaacä chäwwäiñe: —¿Ane’cäämö jäcä mätääcamma’jaato, yääje wä’dö’jödö jäcä ’ja: Eduuwaiche mma yeene’da maato’de; yäätonno numa’da mma cäneeato’dede; quee wä’dö’jödö jäcä ca mätääcamma’jaato?

JUAN 4:27

Yaawä ñoowanoomadö cönä’döicho; cone’da cönä’döjoicho yaawä wodi acä ya’deuwödö weijäcä. Yääje yeichaame aneecamma’jo’da cöneiya’to. “ ¿Ane’cäämö mijummaanä? ¿Ane’que’nei mä’dä acä adha’deujä’anä?” ca’da cönä’ja’to.