MAADOCO 9:25 - Wanaadi A'deddu

²⁵ Yaawä töwwadäädä jooja’como soto we’jummadööcomo eneea’jäcä Jesuuquidiito odo’sha cöneuwöi; cönä’döaacä: —Odo’sha ana’deudeme’jojöönö, aneetajoojönö mmaja, yääje wä’döa äwwä, dhacanno adheeja’cacä. Dhaca mmaja yää ’jeje odhoomomöi’chede; quee cönä’döaacä.

MAADOCO 9:25 ပူးပေါင်းရင်းမြစ်များ

MATEO 12:22

Yääje mma yaawä ñanno soto odo’sha ’jano cönnejooto Jesuuquidiito wwadäädä. Ñäädä cönä’jaacä tänuuque’da, ta’deude’da mmaja. Jesuuquidiito cönaadoncai yaawä. Ñäädä cöna’deutai yaawä; cönäänu’täi chea.

MATEO 17:18

Yaawä Jesuuquidiito odo’sha cöneuwöi; odo’sha cöneeja’cai yaawä. Yaawä dea mma cönaadoncai ñäädä dhanwa’cä.

MAADOCO 9:15

Soto wwäiñe Jesuuquidiito eneea’jäcä ta’cwaiñe cönä’ja’to yaawä. Chäwwadäädä cöneeca’tömöicho yaawä, a’dejjadö wetä.

MAADOCO 9:24

Yaawä mude’cä’cä umö töcä’de cöna’deuwöi; cönä’döaacä: —Wecaanö’a; cö’wa’täcä chäänönge jeene wecamjöiye; quee.

MAADOCO 9:26

Yaawä ñäädä odo’sha cöncä’tömöi, ñäädä mude’cä’cä tumjunne’da cöneenönnäi’chäi chea yaawä. Dhacanno cöneeja’cai yaawä, acoichamjödö’jo. Yääje yeijäcä töwääma yeiyaatäi soto cöneecanö’a’to.

DUUCA 11:14

Yääje mma yaawä dhanwa acanno Jesuuquidiito odo’sha ana’deujojoojönö cömja’canö’jaacä. Tötaacanno odo’sha weja’ca’jäcä ñäädä ta’deudemjönö’jödö cöna’deutai. Ñanno soto cönääcatoncaicho yaawä.

DUUCA 4:35

Jesuuquidiito odo’sha cöneeta’jöichajoi yaawä; cönä’döaacä chäwwä: —Äucwätä’da eichä; adheeja’cacä dhacanno; quee cönä’döaacä. Yaawä odo’sha ñäädä dhanwa nono jo cöneemajjoi tameedä ñeenedööcomooje. Dhacanno cöneeja’cai yaawä etuunui’chädööjo’da mma.

DUUCA 4:41

Jooje odo’shancomo mmaja cöneeja’caicho soto acannoiñe, töcä’tömjä’ancädäiñe: —Wanaadi nnedö amäadä; quee töwä’döancädäiñe. Töwö Jesuuquidiito cöneeta’jöichaja’to; ana’deujotäiñe’da cönä’jaacä, dhowaanäcäiñe töweijäcä Äwaanacaaneije töweichö.

DUUCA 8:29

Töwö yääje cönä’döaacä tötaacanno odo’shancomo ija’canö’jodö weijäcä Jesuuquidiito wwä. Töwö odo’sha wwä töwaatadoojojä’e töweiye cönä’jaacä. Weiñäje dhamäädö jäcä soto töni’wadö’tä töweiye cönä’ja’to cadheena que, i’judu jäcä mmaja. Töwö yää sejaadadi tönaacä’e töweiye cönä’jaacä; odo’sha nadäädöje tööta cönä’jaacä jata ’jemjönö aca.

DUUCA 9:42

Jesuuquidiito wwadäädä yeejödaawä ñäädä mude’cä’cä, odo’sha nono jo cöneemajjoi; tumjunne’da cöneenönnäi’chäi. Yaawä Jesuuquidiito odo’sha cöneuwöi; mude’cä’cä cönaadoncai; yuumö wwä cuntui yaawä.

DOSECHO 16:18

Jooje anooto mädääje cönä’jaacä. Yaawä Paudo cönquinchai yää etaadö. Töwö cönä’jedennacai ñäädä ajei’choto’jaato wwadäädä; odo’sha wwä cöna’deuwöi, ñäädä chaaca cönä’ja’dö wwä; cönä’döaacä: —Jesuuquidiito eetö joi mämja’canö’ja; quee. Yaawä dea mma ñäädä odo’sha cöneeja’cai.

JUUDHA 1:9

Yaawä Moisé equeejödö jäcä odo’sha acä töwäätäccujäätödaawäiñe ñäädä Miqueede, Wanaadi amoodedö edhaajotoncomoodä, odo’sha äncu’nä’täjäätö’da cöneiyacä. Edääje mma töwö cönä’döaacä chäwwä, odo’sha wwä: “Cajiichaana adheuwa’de;” quee mma cönä’döaacä chäwwä, odo’sha wwä: “Cajiichaana adheuwa’de;”quee mma cönä’döaacä.