MAADOCO 9:23 - Wanaadi A'deddu

²³ Jesuuquidiito cönä’döaacä chäwwä: —Ecaanö’jai aweiya’jäcä, tameedä töwä’döe ñäädä ecaanö’nei wwä; quee Jesuuquidiito cönä’döaacä.

MAADOCO 9:23 ပူးပေါင်းရင်းမြစ်များ

MATEO 14:29

Jesuuquidiito cönä’döaacä: —Ä’cädeene; quee. Peedhodo cönä’täi yaawä cudiiyada acanno. Tuna de’cäcä cöntaacä Jesuuquidiito wwadäädä.

MATEO 17:20

Jesuuquidiito cönä’döaacä chäwwäiñe: —Chäänönge aneecamjö’da aweijäcäiñe. Chäänönge yääje wä’döa äwwäiñe, wishu adöödö ’cäwa’cä aneecamjödööcomo weichaame, edääje ä’döjai maato mädä jöö wwä: “Unwa ääsecaacä;” quee ä’döjai maato; yää jöö ääsecaajai ña yaawä. Ä’döjaichojöönö ’je’da eijai ña yaawä äwwäiñe.

MAADOCO 11:23

Chäänönge yääje wä’döa äwwäiñe, edääje anejja wä’döa’jäcä naadö naane’ edä jöö wwä: “Ääsecaacä dama ’cwaca;” ca’jäcä, chäwwä ecaanö’a’jäcä ya’deuwö’jödö nönge nä’döa’de yaawä, yääje töwä’dö’jödö nönge ä’döjai yeichö aneecamjö’da’da yeiya’jäcä mmaja.

MAADOCO 9:22

Aneedawä wa’to nwaca odo’sha töneemajo weneene, na’cwaca mmaja, emaadö wetä. Adoncajai aweiya’jäcä wentumje ñaa eneecä; ñaa ’wa’täcä; quee cönä’döaacä ñäädä mude’cä’cä umö.

MAADOCO 9:24

Yaawä mude’cä’cä umö töcä’de cöna’deuwöi; cönä’döaacä: —Wecaanö’a; cö’wa’täcä chäänönge jeene wecamjöiye; quee.

DUUCA 17:6

Yaawä Jesuuquidiito cönä’döaacä: —Wishu adöödö ’cäwa’cä aneecamjödööcomo weichaame, edääje ä’döjai maato edä meje wwä: “Ätu’cacä määtonno; dama ’cwaca ä’natö’täta;” quee ä’döjai maato. Adha’deddu nönge ä’döjai ña yaawä.

JUAN 11:40

Yaawä Jesuuquidiito cönä’döaacä chäwwä: —¿Yääje jönca wä’döaanä äwwä, ecaanö’a’jäcä äwwä Wanaadi jäduudu meneea’de; quee jönca wä’döaanä? quee cönä’döaacä Jesuuquidiito.

DOSECHO 14:9

Töwö cöneetaacä Paudo wwä ecammajäätödö. Yaawä Paudo yäätäädä ñäädä cöneene’maacä; cöneeneaacä töneecanö’e yeichö aadoncajai töweichö.

EEWEDEO 11:6

Ecamjödö ’je’da cöweiya’comjäcä mmaane Wanaadi a’cwaimajai’cha caato yaawä. Ñäädä Wanaadi wwadäädä töötä’sato aneecamjö’da’da eijai ña Wanaadi töweiye yeichö, tujummannamo töni’wa’tä yeichö mmaja.