MAADOCO 9:17 - Wanaadi A'deddu

¹⁷ Tooni dhanwa, yäätä cönä’ja’dö, cönä’döaacä: —Owaanomaanei, äwwadäädä önnedö weneejä, dhanwa’cä, odo’sha ana’deudeme’jojöönö ’jano.

MAADOCO 9:17 ပူးပေါင်းရင်းမြစ်များ

MATEO 12:22

Yääje mma yaawä ñanno soto odo’sha ’jano cönnejooto Jesuuquidiito wwadäädä. Ñäädä cönä’jaacä tänuuque’da, ta’deude’da mmaja. Jesuuquidiito cönaadoncai yaawä. Ñäädä cöna’deutai yaawä; cönäänu’täi chea.

MATEO 17:15

—Cajiichaana, wentumje önnedö eneecä. Änönnä’je töwö na. Jooje töwäntunaanö’e weneene; wa’to nwaca töweejucca aneedawä, na’cwaca mmaja.

MATEO 9:32

Tänuuquemjöncomo’jödö wöta’comjäcä anejja daja cönnejooto dea Jesuuquidiito wwadäädä, odo’sha ana’deudeme’jojöönö ’jano daja.

MAADOCO 10:13

Yääje mma yaawä soto cönne’a’to mudeeshi’chä Jesuuquidiito wwadäädä, ye’cäcäiñe tamäädö tödöödö wetä chäwwä. Yaawä ñoowanoomadö cömjiiyeme’ja’to ñanno mudeeshi’chä edhaamo.

MAADOCO 5:23

Töwö wentumje cöna’deuwacä Jesuuquidiito wwä; cönä’döaacä: —Önnedö wodi’chä wäämanääje nai. Ma’che, adhaamädö ye’wä mödöiye, aadoncaiye; ääma’da eiye yaawä; quee Jaido cönä’döaacä Jesuuquidiito wwä.

MAADOCO 7:26

Töwö cönä’jaacä judhíojöönö, siidoujeniisiyaano cönä’jaacä. Töwö tönnedö wodi’chä acanno odo’sha cömja’canö’jajaacä Jesuuquidiito wwä.

MAADOCO 9:16

Yaawä Jesuuquidiito cöneecamma’joicho: —¿Ane’cäämö jäcä chääjadäiñe mätäccujä’ato? quee cönä’döaacä.

MAADOCO 9:18

Chääjäcä odo’sha weichawä nono jo töneemajo weneene. Tönta’donta yaawä määdhä önnedö, tödheedö täu’cwe mmaja. Mädääje jo’wadootoje nijääduque’a. Onoowanoomadö wwäiñe wija’canö’jojannö’je; a’que noneejaicho; quee cönä’döaacä ñäädä dhanwa.

MAADOCO 9:25

Yaawä töwwadäädä jooja’como soto we’jummadööcomo eneea’jäcä Jesuuquidiito odo’sha cöneuwöi; cönä’döaacä: —Odo’sha ana’deudeme’jojöönö, aneetajoojönö mmaja, yääje wä’döa äwwä, dhacanno adheeja’cacä. Dhaca mmaja yää ’jeje odhoomomöi’chede; quee cönä’döaacä.

DUUCA 11:14

Yääje mma yaawä dhanwa acanno Jesuuquidiito odo’sha ana’deujojoojönö cömja’canö’jaacä. Tötaacanno odo’sha weja’ca’jäcä ñäädä ta’deudemjönö’jödö cöna’deutai. Ñanno soto cönääcatoncaicho yaawä.

DUUCA 9:38

Ñanno soto do’tacannoiñe tooni dhanwa Jesuuquidiito cöna’dejjaacä; cönä’döaacä: —Owaanomaanei, önnedö eneejo’se wa äwwä, dhanwa’cä. Ñäädä mma määdhä önnedö.

JUAN 4:47

Ñäädä acu’shänä sotoi wwä eta’jäcä Judheea ñanno Caadideea ña Jesuuquidiito weejö’jödö, töwö cöntämä yaawä Jesuuquidiito döiña; cönä’döaacä chäwwä: —Ma’che jaadä; önnedö adoncata. Wäämanääje na; quee cönä’döaacä.