Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MAADOCO 8:34 - Wanaadi A'deddu

34 Yaawä Jesuuquidiito cöna’dejjaicho soto, tönoowanoomadö mmaja. Töwö cönä’döaacä chäwwäiñe: —Ñäädä jaadä töwei’shato tötö’tajäätödö woije mma eijai’cha na. Töwö cone’da tödööjai’cha na jääcäinchädä töwäntunamjödö, cuduusa jäcä tajoijodö jadä’jödöödä. Öwö umjummadö woije eijai ña.

အခန်းကိုကြည့်ပါ။ ကော်ပီ




MAADOCO 8:34
43 ပူးပေါင်းရင်းမြစ်များ  

Ñäädä jaadä töweichö wetä öwö jääcäinchädä äntunaanö’jaichojöönö, cuduusa jäcä äämajaichojööno mmaja, sootoije eijai’cha na.


Yaawä Jesuuquidiito cönä’döaacä tönoowanoomadö wwäiñe: —Ñäädä jaadä töwei’shato tötö’tajäätödö woije mma eijai’cha na. Töwö cone’da tödööjai’cha na öwö jääcäinchädä töwäntunamjödö, cuduusa jäcä tajoijodö jadä’jödöödä. Öwö umjummadö woije eijai ña.


Ääma taawä töötädääwäiñe cöneedantoicho dhanwa Sideene ñano, Simónje chäätö. Jesuuquidiito cuduusai cönaadojoicho chäwwä.


Jesuuquidiito tujunne cöneene’maacä ñäädä dhanwa. Töwö cönä’döaacä chäwwä: —Töweiye dea na äwwä tödööemö. Tameedä äwwono ejeemajoota, änsomaadö, anaudädö mmaja. Chääje’jödö u’jä’cä yaawä a’ca’como wwäiñe, caju ñaane tönsomaaque meiye. Ä’cäde’de yaawä; öwö umjummadö woije eichä’de yaawä. Cone’da männöi’che jääcäinchädä äwäntunamjödö, cuduusa jäcä adhaajoijodö jadä’jödöödä; quee cönä’döaacä Jesuuquidiito.


Yääje mma yaawä Jesuuquidiito cöna’dejjaicho dea ñanno soto; cönä’döaacä chäwwäiñe: —Aashicha cätaatäcä tameedä änwanno; chäänönge chö’tamme’täcä wa’deuwödö.


—Mönaatata she’coto’cä ai owoomomöödöcoomo encano’tätääcä. Yääje wä’döa äwwäiñe, jooje naato’de töwoomomö’sa’como; omomjai’chaane.


Mädääje mmaja änwanno, ñäädä tameedä töwwä naadö änsancwajöönö, öwö noowanoomadööje eijai’cha na.


Yää eta’jäcä töwwä, Jesuuquidiito cönä’döaacä: —Töweiye dea na tooni äwwä tödööemö. Tameedä äwwono ejeemajoocä, änsomaadö, anaudä’jödö mmaja. Chääje’jödö u’jä’cä yaawä a’ca’como wwä, caju ñaane tönsomaaque meiye. Ä’cäde’de yaawä, jaadä meiye; quee cönä’döaacä Jesuuquidiito.


Yaawä tameedä soto netaadöcoomoje Jesuuquidiito cönä’döaacä tönoowanoomadö wwäiñe:


Yaawä töwö cöna’döa’dea tameedä chäwwäiñe: —Ñäädä jaadä töwei’shato tötö’tajäätödö woije mma eijai’cha na. Töwö cone’da tödööjai’cha na anooto waadäi öwö jääcäinchädä töwäntunamjödö, cuduusa jäcä tajoijodö jadä’jödöödä. Umjummadö woije eijai ña.


Öwö sootoi ya’deddu töneeta weneeneto, tädhaajä a’deddu oweeja töneeta töweiye naichodööje. Yoowanääcä tönwanno; tönwanno öncäcä töötä weneeneto.


Yaawä Jesuuquidiito tucuudusai ya’me cöntämä Ye’caichö’jödö ña; eewedeeocoomo yää töne’tä cönä’ja’to Coodocoota ñanoo; quee.


Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.


Cönwanno cowaanäcäiñe na yää jenaadä cöwei’jocoomo Quidiito jadä cuduusa jäcä yääma’jödö. Yaawä yää conemjönö tödö’se weiñä cönäämai. Yääje yeijäcä conemjönö tödöödö anoonöje eijai’cha caato eduuwa.


Wanaadi nnacoomoje cöweijäcäiñe cöwwäiñe töweiyemööje na yää Wanaadi necamma’jödö tu’emö. Yää cöwwäiñe nä’tua’de Quidiito wwä utuudu jadä. Eduuwa Quidiito jäcäinchädä cöwäntunaanö’a’comjäcä, chääjadä mmaja aashicha caato’de


Anooto waadäi wäämatoojojaato’jödö töneene wäänene. Chäänöngato mädä jimmä; öwö yääje wä’döa äjääcäiñe tä’cwaiñe weijäcä Cädhaajotoncomo Jesuuquidiito jäcäinchädä.


Yääje yeijäcä yää äwanshi weichacoono ema’jotoojoje yeiya’jäcä änäänä’daane eijai wa, conemjönö aca mma weichacoono waneema’jo’no.


Soto anoonöcoomoje’da weichaame öwö woije dea dhanoonöcoomoje töwä’döjo wäänene, jooje’cä jeene Quidiito sotoije töweiyaamo chaana’cadööcomo wetä öwwä.


Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.


Ñanno Quidiito sotoi tujuunucoomo nijummadö woije weiñä cöneemaicho cuduusa jäcä, conemjönö tödö’se weiñä mmaja.


Öwö mmaane anejja jäcäinchädä o’jodhe tö’tajäätö’se’da wa; cuduusa jäcä Cädhaajotoncomo Jesuuquidiito wääma’jödö jäcäinchädä mmaane yääje chö’tajä’jai wa. Cuduusa jäcä Quidiito wääma’jödö weijäcä edä nono de’wono yäämaajä nönge cönä’döi öwwä; öwö mmaja yäämaajä nönge wa dea edä nono de’wono tödöödö jäcä.


Quidiito yoowanääcä tödö’se wa, ijäädudu mmaja, yää chääque töwäämaajo jonno cönaadoncaichö. Töwö chääjadä mmaja yäntunamjödö oneeja’se wa dea, töwö cönäämaichöje mmaja wäämaiyede öwö yaawä,


Yääje yeichaame yää anejjacoomo e’jodhe wei’jödö wöja’ne Quidiito jäcäinchädä.


Mädä äjääcäinchädäiñe wäntunamjödö cone’da yöödö’da na. Eduuwa öwö daja woneeja dea Quidiito wäntunamjö’jödö, chääjö jäcäinchädä, ñanno quedeiyentecoomo.


Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.


Ñaa wwä tacaade na dhantai änwanno etaadawa’cajo’da aweichöcoomo, wätunnä dha’me weiñä jäcä mma.


Yää cöjääcäiñe aashicha Wanaadi weichö que cönwanno oowanoomajai caato conemjönö tödöödö e’nomjadö jäcä, conemjönö tödö’se weiñä e’nomjadö jäcä mmaja, chäänönge weiñä jäcä mmaja, towaadäädä weiñä jäcä mmaja, Wanaadi woije weiñä jäcä mmaja edä nono de’wä cöweichöcoomo.


Yääje yeijäcä Jesuuquidiito wwadäädä cöötätäiye cönwanno, jata tö’cäi; töshinchääne quiishinchätäiye Jesuuquidiito jo’tädööje cöquiiñemeecödööcomo.


Jesuuquidiito sotooje töweichö yäntunamjö’jödö weijäcä änwanno mmaja yääje chö’tajä’jai maato dea, äwäntunamjödööcomo owaajo aweesomaajätöödöcoomoje mma. Ñäädä wäntunaanö’nä oneejanei conemjönö to’nomja na.


Ta’cwaiñe mmaane eichäcä Jesuuquidiito wäntunamjödö jimmäje aweijäcäiñe, ta’cwaiñe meichäiyede yaawä aashicha töweichö eneejodaawä chäwwä.


yoowanääcä yeijäcä amoinche’da wäämatoojo yeichö, Cädhaajotoncomo Jesuuquidiito öwwä cöneecamma’döje dea.


Cöjääcäinchädäiñe Jesuuquidiito wääma’jödö que cönwanno coowanoomatääne wä’jummanä chäänöngato jäcä. Yääje mmaja cönwanno cöweichöcoomo u’jai caato cöjimmotoncomo jäcäinchädä.


Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ