MAADOCO 8:33 - Wanaadi A'deddu

³³ Jesuuquidiito cönä’jedennacai yaawä tönoowanoomadö wwadäädäiñe. Peedhodo cömjiiyemeecöi yaawä; cönä’döaacä chäwwä: —Ääsecaacä yoowajonno amäädä Caajushawa. Soto tö’tajäätödö nönge mma ätö’tajä’a, Wanaadi tö’tajäätödö nönge’da mma; quee Jesuuquidiito cönä’döaacä Peedhodo wwä.

MAADOCO 8:33 ပူးပေါင်းရင်းမြစ်များ

MATEO 15:23

Jesuuquidiito aneccujäätö’da cöneiyaacä. Yaawä ñoowanoomadö cöneejoto chäwwadäädä; cönä’döa’to Jesuuquidiito wwä: —Enno’jacä mä’dä wodi. Cöjaanaquiimaato; quee cönä’döato.

MATEO 16:23

Jesuuquidiito cönä’jedennacai yaawä; cönä’döaacä: —Ääsecaacä yoowajonno, amäädä Caajuushawa. Saadijannä’ca’se’jödö mädääje adha’deuwa. Soto tö’tajäätödö nönge mma ätö’tajä’a, Wanaadi tö’tajäätödö nönge’da; quee cönä’döaacä Jesuuquidiito Peedhodo wwä.

MATEO 4:10

Yaawä Jesuuquidiito cönä’döaacä odo’sha wwä: —Äjääne amäädä Caajuushawa. Yääje Wanaadi a’deddu imennaajä nä’döa: “Adheedhajä Wanaadi mmaane ya’deme’jai ma; chäwwä mmaane tödööjai ma;” quee nä’döa Wanaadi a’deddu imennaajä; quee cönä’döaacä Jesuuquidiito.

MAADOCO 3:34

Töwö cöneene’ma’to tawoodhecooconcomo wataajimaadö; cönä’döaacä yaawä: —Canno ñanno maama, yaacontomo mmaja.

MAADOCO 3:5

Yaawä Jesuuquidiito ñanno cöneene’ma’to cone’da töweichö que. Töwö wentumje cönä’jaacä eta’se’da yeichomjäcä. Töwö cönä’döaacä dhamäädö töwaamo’mongato wwä: —Änwojoocä; quee. Ñäädä cönänwojoi; dhamäädö aashicha cönä’döi yaawä.

DUUCA 22:61

Yaawä Cädhaajotoncomo cönä’jedennacai Peedhodo wwadäädä; yäätäädä cöneene’maacä. Peedhodo cöntö’tai yaawä töwwä Jesuuquidiito wa’deuwö’jödö jäcä: “Edä coijaichawä dea amäädä aaduwaawäde cöjoome’da’de, wameedi wetöömödö owaajodä;” quee yä’dö’jödö jäcä.

DUUCA 4:8

Jesuuquidiito cöneccujä’acä: —Äjääne amäädä Caajuushawa. Yääje Wanaadi a’deddu imennaajä nä’döa: “Adheedhajä Wanaadi mmaane ya’deme’jai ma; chäwwä mmaane tödööjai ma;” quee nä’döa Wanaadi a’deddu imennaajä; quee cönä’döaacä Jesuuquidiito.

DUUCA 9:55

Jesuuquidiito cönä’jedennacai chäwwadäädäiñe; cömjiiyemeecöicho; cönä’döaacä: —Ng’jn; odhoowanääcäiñe’da dajaane na aweicho’como.

1 CODINTIYO 5:5

Yaawä ñäädä dhanwa u’täcä’de Caajuushawa wwä, töwö yäämadö wetä, yo’tadö yääwanaacadö wetä yaawä Cajiichaana Jesuuquidiito we’a’jäcä.

JIDIIPENSE 3:19

Tönwanno töwännanö’aamoje naato. Tujuunucoomo nijummadö mma tädhaajotoncomooje tönnöe weneeneto. Yää töjöichöcoomoje eijaicho’jödö yeewataashimaato’comooje mma na. Tönwanno chö’tajäätödööcomo edä nono de’wono jäcä mma.

1 TIIMOTEO 5:20

Ñanno ansiyaano cönemjönö dödööje dea’como yäätuujacooto tameedä tätaamöje, anejjacoomo ääcatoncaiyeto yaawä.

TIITO 1:13

Chäänönge yääje yä’dö’jödö na; yääje yeijäcä tumjunne’da yäätuujacooto’de, chäänönge töneecamjödööcomo tödöiyeto.

1 PEEDHODO 4:1

Jesuuquidiito sotooje töweichö yäntunamjö’jödö weijäcä änwanno mmaja yääje chö’tajä’jai maato dea, äwäntunamjödööcomo owaajo aweesomaajätöödöcoomoje mma. Ñäädä wäntunaanö’nä oneejanei conemjönö to’nomja na.

1 JUAN 2:15

Edä nono mämjummatäi, edä nono de’wono mmaja. Ñäädä edä nono de’wono ijummanei Cumöötoncomo Wanaadi jummadö ’je’da na ñäädä.

APOOCADIISI 3:19

Tameedä umjummadö wiyäätuujaato; wichuuseijaato dea. Yääje yeijäcä ta’neene eichä; ätö’tajäätödö sha’duminchacä.