MAADOCO 8:23 - Wanaadi A'deddu

²³ Yaawä dhamäädö jäcä Jesuuquidiito cönaadäi ñäädä tänuuquemjönö jata tö’cäi. Tätaacudu que chäänudu cönaajojoi. Tamäädö cönnöi ye’wä; cöneecamma’joi yaawä: —¿Nääneaanä äwwä? quee.

MAADOCO 8:23 ပူးပေါင်းရင်းမြစ်များ

MAADOCO 5:23

Töwö wentumje cöna’deuwacä Jesuuquidiito wwä; cönä’döaacä: —Önnedö wodi’chä wäämanääje nai. Ma’che, adhaamädö ye’wä mödöiye, aadoncaiye; ääma’da eiye yaawä; quee Jaido cönä’döaacä Jesuuquidiito wwä.

MAADOCO 7:33

Yaawä Jesuuquidiito ñäädä cönaadäi soto jonnoiñe. Tamäädö dhadaadö cöneewaacai ijaanaca, ääjato. Töwö cönääta’däi yaawä; ñäädä ta’deuconemjönö nudu cönaajojoi yaawä.

MAADOCO 8:24

Ñäädä cöneene’maacä yaawä; cönä’döaacä: —Soto wene’maatoodö’je, dee ju’jä nönge mma nääneaato öwwä yäämannäjöödöcoomo; quee cönä’döaacä.

MAADOCO 8:26

Jesuuquidiito cönenno’jai yaawä immai chaca; cönä’döaacä chäwwä: —Jataaca mma mötäi’che; anejja wwä maneecammajäätöi’che mädä; quee cönä’döaacä Jesuuquidiito.

DOSECHO 23:19

Yaawä ñäädä suddau edhaajotoncomo mude’cä’cä töudäje cönaadäi töjämjäcä. Töwö cöneecamma’joi yaawä: —¿Aaquene äwä’dö’se manä öwwä? quee cönä’döaacä.

DOSECHO 9:8

Yaawä Saudo cönammöi; töwäänushiicha’jäcä ääne’da cönä’jaacä chämjataawä. Damaacu ña cönaadoicho yaawä töjämjäcäiñe.

EEWEDEO 8:9

Yää ecammadö na’de ñanno dhadai’choncomo wwäiñe wecammaneedöje’da, yaawä jämjäcä Ejiito ñanno wene’netoodawä. Yaawä tönwanno neecammadö nönge ännö’da cöneiya’to; yääje yeijäcä wetöömaneeto; quee nä’döa Cajiichaana.

APOOCADIISI 3:18

Yääje yeijäcä edääje mänwätuuja: Öwwä ane’ca’cä oodo, wa’to que choonecaajä, äwwä töweiye yeichö wetä. Owoomö tajääde’dato mmaja ane’ca’cäde, aweewontotoojo, töwonque’da aweichö mma täne ei’ño, töjöiye mma mei’ño yaawä. Adheejichö mmaja ane’ca’cäde öwwä, adheenudu ejiichö’totoojo, töneene mä’döiye.