MAADOCO 6:41 - Wanaadi A'deddu

⁴¹ Jesuuquidiito uu cönannäjöi yaawä, yää ijaatoodea i’yaca’jödö, na’cwacancomo’cä mmaja, a’nädäncädä. Caju ña ene’mancädä yää äwanshi jäcä cöna’deuwöi. Uu cöni’yajäätöi yaawä. Tönoowanoomadö wwäiñe cuntui yaawä soto wwäiñe ecaamodö wetä. Ñanno aaconcomo na’cwacancomo’cä mmaja cöneecamoi chea chääwaadäiñe.

MAADOCO 6:41 ပူးပေါင်းရင်းမြစ်များ

MATEO 14:19

Yaawä Jesuuquidiito soto cönaajimaajoicho woi ye’wä. Töwö uu cönannäjöi yaawä, yää ijaatoodea i’yaca’jödö, na’cwacaano’ca mmaja, a’nädäncädä. Caju ña ene’mancädä yää äwanshi jäcä cöna’deuwöi yaawä. Yaawä uu cöni’yajäätöi. Tönoowanoomadö wwäiñe cuntui. Ñanno cöneecamoicho yaawä soto wwäiñe.

MATEO 15:36

Yää aacä amoojato i’yaca’jödö cönannäjöi yaawä, na’cwacancomo’cä mmaja. Töwa’deuwödö’jo yää cöni’yajäätöi. Tönoowanoomadö wwäiñe cuntui yaawä. Tönwanno cöneecamoicho soto wwäiñe.

MATEO 26:26

Yaawä töwääwashinchädaawäiñe Jesuuquidiito uu cönannäjöi. Chääjäcä töwa’deuwö’jeje cöni’yajäätöi. Tönoowanoomadö wwäiñe cuntui yaawä; cönä’döaacä: —Edä; täu’täcä. Edä yää yeejö; quee.

MAADOCO 14:22

Yaawä töwääwashinchädaawäiñe Jesuuquidiito uu cönannäjöi. Chääjäcä töwa’deuwö’jeje cöni’yajäätöi. Chäwwäiñe cuntui yaawä; cönä’döaacä: —Edä; täu’täcä. Edä yää yeejö; quee.

MAADOCO 6:40

Soto cönaatajiimajäätöicho yaawä wannai, aneetaja ijaatoodea soto soto, aneetaja aacä soto soto.

MAADOCO 6:42

Tameedäädä cönääwashinchoicho yaawä, töwensu’tädööcomo wa’cä.

MAADOCO 7:34

Caju ña ene’mancädä Jesuuquidiito cönäädemmai; cönä’döaacä yaawä töjaanaquemjönö wwä: —Eujaata; quee. Nejaana’duca’ñojo; quee töwä’dö’se yeichö.

MAADOCO 8:19

Yaawä ijaatoodeaato uu i’yaca’jödö öwwä ecaamoa’jäcä ijaatoodea miide soto wwäiñe, ¿ä’waasa wöwa mamu’täne yaawä yäädetö’jödö? quee cönä’döaacä Jesuuquidiito. Ñoowanoomadö cönä’döa’to: —Amoojadooto de’wä aacä; quee.

DUUCA 24:30

Yaawä chääjadäiñe töwääwashinchädaawä töwö uu cönannäjöi; chääjäcä cöna’deuwöi yaawä. I’yajäätödö’jo cunu’jätöi chäwwäiñe.

DUUCA 9:16

Jesuuquidiito uu cönannäjöi yaawä, yää ijaatoodea i’yaca’jödö, na’cwacaano’cä mmaja, a’nädäncädä. Caju ña ene’mancädä yää äwanshi jäcä cöna’deuwöi. Uu cöni’yajäätöi yaawä. Tönoowanoomadö wwäiñe cuntui yaawä soto wwäiñe ecaamodö wetä.

JUAN 11:41

Yaawä täju cöneesecaicho yäämaajä a’duaajä de’wonno. Caju ña ene’mancädä Jesuuquidiito cönä’döaacä: —Jaaja, ta’cwaiñe wa ya’deddu töneeta aweijäcä.

JUAN 17:1

Yääje töwa’deuwö’jeje Jesuuquidiito Tumö wwä cöna’deuwöi, caju ña ene’mancädä. Töwö cönä’döaacä: —Jaaja, eduuwa nä’döi chu’nädö aca. Aashicha Ännedö weichö eneejocä, aashicha mmaja aweichö eneejoiyede töwö.

JUAN 6:11

Yaawä Jesuuquidiito uu cönannäjöi. Chääjäcä töwa’deuwödö’jo cuntui tönoowanoomadö wwäiñe; ñanno cöneecamoicho yaawä soto wataajima’como wwäiñe. Yääje mmaja cönnöi chea na’cwacancomo, imjummadööcomo wa’cä.

JUAN 6:23

Yääje mma yaawä anejja cudiiyada cönä’döi Tiweediya ñanno. Yäätä cönaajäi, uu jäcä Jesuuquidiito wa’deuwödö’jo soto wääwashincho’jocoomo dö’tä.

DOSECHO 27:35

Yääje töwa’deuwö’jeje Paudo uu cönannäjöi; Wanaadi wwä cöna’deuwöi chääjäcä tameedä ñeetadööcomooje. Yaawä i’yacaadö’jo cönaajäntäi töwääwashinchädö.

DOMAANO 14:6

Ñäädä anooto ooto’jodhe tödöönei, Wanaadi wwonooje yääje nödööa. Ñäädä ooto’jodhe anooto ännöjöönö, Wanaadi wwonooje mmaja yääje nödööa dea. Ñäädä tameedä tänäänei, Wanaadi wwonooje yääje nödööa, aashicha Wanaadi wwä töwa’deuwancädä. Ñäädä tameedä änämjönö, Wanaadi wwonooje mmaja yääje nödööa dea, Wanaadi wwä aashicha töwa’deuwancädä mmaja.

1 CODINTIYO 10:31

Wanaadi wwonoojeene tameedä tödööjai maato, äwääwashinchädööcomo mmaja, owoocödööcomo enöödö mmaja, tameedä anejja tödöödö mmaja.

CODOOSENSE 3:17

Tameedä awa’deuwödööcomo, ännödööcomo mmaja, Cajiichaana Jesuuquidiito wwonooje tödöötäcä, Cumöötoncomo Wanaadi wwä aashicha awa’deuwancädäiñe Quidiito joi.