MAADOCO 5:43 - Wanaadi A'deddu

⁴³ Jesuuquidiito soto wwäiñe aneecammajoojätö’da cöneiyacä yääje tönnö’jödö jäcä. Chäwwäiñe ajei’choto’jaato cöneewashinchajoi yaawä.

MAADOCO 5:43 ပူးပေါင်းရင်းမြစ်များ

MATEO 17:9

Jöö daca töwä’tädaawäiñe Jesuuquidiito cönä’döaacä chäwwäiñe. —Soto wwäiñe maneecammajä’täi’che yää meneeatoodö Soto nnedö waadoncadö wa’cä töwäämaajo jonno; quee cönä’döaacä.

MATEO 8:4

Yaawä Jesuuquidiito cönä’döaacä chäwwä: —Eneecä’ma, soto wwäiñe maneecammajäätöi’che mädä; Wanaadi wwono wa’deuwödö wwä mmaane äänejoota. Moisé necamma’jödö nönge Wanaadi wwä tu’emö änu’cä’de, soto dhowaanäcäiñe yeichö wetä yaawä töwääjichö’tä aweichö; quee cönä’döaacä Jesuuquidiito.

MATEO 9:30

Tönwanno töneene cönä’döicho yaawä. Yaawä Jesuuquidiito cönwätuujaicho jooje; cönä’döaacä: —Anejjacoomo wwäiñe maneecammajä’täi’che; quee cönä’döaacä.

MAADOCO 1:43

Yaawä Jesuuquidiito cönenno’jai; cönä’döaacä chäwwä:

MAADOCO 3:12

Jesuuquidiito Wanaadi nnedööje töweichö ätä’täjo’da töweiye cönä’jaacä chäwwäiñe.

MAADOCO 5:42

Yaawä dea mma ñäädä ajei’choto’jaato cönammöi; cönoojoimaacä yaawä. Töwö cönä’jaacä amoojadooto de’wä aacä wedu. Töwääcatonca ñanno soto cönääcatoncaicho yaawä.

MAADOCO 7:36

Yaawä Jesuuquidiito cönä’döaacä soto wwäiñe: —Anejjacoomo wwä maneecadeeme’täi’che mädä; quee. Yääje töwäätuuja’jocoomo weichaame jooje’cä mma töneecammajä’e cönä’ja’to.

MAADOCO 9:9

Yaawä jöö daca töwä’tädaawäiñe Jesuuquidiito cönä’döaacä chäwwäiñe: —Aneene’jocoomo maneecammajä’täi’che soto wwäiñe töwäämaajo jonno Soto nnedö waadoncadö wa’cä; quee cönä’döaacä.

DUUCA 24:30

Yaawä chääjadäiñe töwääwashinchädaawä töwö uu cönannäjöi; chääjäcä cöna’deuwöi yaawä. I’yajäätödö’jo cunu’jätöi chäwwäiñe.

DUUCA 5:14

Jesuuquidiito cönwätuujai yaawä soto wwäiñe yää aneecammajäätö’da yeichö wetä. Töwö cönä’döaacä chäwwä: —Wanaadi wwono wa’deuwödö wwä mmaane äänejoota. Moisé necamma’jödö nönge Wanaadi wwä tu’emö änu’cä’de, töwääjichö’tä aweichö ene’ju’to’me, soto dhowaanäcäiñe yeichö wetä yaawä töwääjichö’tä aweichö; quee cönä’döaacä Jesuuquidiito.

DUUCA 8:56

Yuumö, yeenö mmaja cönääcatoncaicho. Jesuuquidiito soto wwäiñe aneecammajoojätö’da cöneiyacä chäwwäiñe yääje tönnö’jödö jäcä.

JUAN 5:41

“Aashicha jääcä soto wa’deuwödö tujunne’da öwwä na.

DOSECHO 10:41

Tameedä soto wwäiñe’da mma töwö cönäänejoi, ecammannamooje töweiyaamoje jenaadä Wanaadi neichö wwäiñe dea mmaane. Ñanno ñaa Wanaadi neichö, töwäämaajo jonno yaadonca’jeje Jesuuquidiito jadoono wääwashinchä’jödö.