MAADOCO 5:15 - Wanaadi A'deddu

¹⁵ Yaawä Jesuuquidiito döiña töwä’döa’comjäcä yäätä odo’sha ’jano’jödö cöneedantoicho shuucu, töwonque mmaja. I’jeta’da cönä’jaacä yaawä. Tönwanno tösaade cönä’ja’to yaawä.

MAADOCO 5:15 ပူးပေါင်းရင်းမြစ်များ

MATEO 12:29

“ ¿Aaquene anejja omoomödööde’ jäduujato mmai chaca inshomaadö que enwajiña, imööjätöödö’jo’da mmädä? Imööjätöödö’jode inshomaadö adääjai ña.

MATEO 26:53

¿Jaaja wwä a’deujai’cha ca cäcaanö’anä, amoojadooto de’wä aacä miide tamoodedö ene’jodö wetä chäwwä, ö’wa’tännamooje?

MATEO 4:24

Chääcadö cöneecatai yaawä tameedä Siidiya ña. Ñanno iiñancomo cädäija’como cönnejooto yöiña, chäwwä adoncajoodö wetä. Anejjejaiñene’jödöödä cönä’jaacä chäädäichöcoomo. Odo’sha ’jacomo cönnejooto dea, änönnä’ja’como mmaja, secumja’como mmaja. Jesuuquidiito cönaadoncaicho tameedäädä.

MATEO 9:33

Odo’sha ija’canö’ja’jäcä Jesuuquidiito wwä, ñäädä ta’deudemjönö cöna’deutai yaawä. Soto cönääcatoncaicho yaawä; cönä’döa’to: —Mädä nöngato aneene’da töweiye caato Iisadaaede ña; quee cönä’döa’to.

MAADOCO 5:14

Cuushi edai’chännamo’jödö cönäänejeicho yaawä. Jataawoncomo wwä cöneecammajäätöicho yaawä, jata tö’woncomo wwä mmaja. Soto cöntonto yaawä ene.

MAADOCO 5:16

Ñanno enennamo’jödö soto wwäiñe cöneecammajäätöicho yaawä odo’sha ’jano’jödö jäcä yeeja’dätä’jödö, cuushi jäcäiñe mmaja.

MAADOCO 5:18

Cudiiyada aca Jesuuquidiito wä’tädaawä ñäädä odo’sha ’jano’jödö cönä’döaacä chäwwä: —Ajaadä wötäiye; quee.

MAADOCO 5:4

Weiñäje dhamäädö jäcä soto töni’wadö’tä töweiye cönä’ja’to cadheena que, i’judu jäcä mmaja. Töwö yää sejaadadi tönaacä’e töweiye cönä’jaacä; töni’mo cönä’ja’dea tu’judu i’wadö’taajä, tödöötojo ’je’da tödööjoone.

MAADOCO 5:9

Yaawä Jesuuquidiito ñäädä dhanwa cöneecamma’joi: —¿Änääcö täätö amäädä? quee cönä’döaacä. Ñäädä cönä’döaacä: —Öwö yeetö Wanna, wanna ñaa weijäcä; quee cönä’döaacä.

DUUCA 10:39

Ñäädä acoono cönä’jaacä Madíaje chäätö. Ñäädä Madía cönaatajiimai Jesuuquidiito o’wawä, chäwwä ecammajäätödö etaadö wetä.

DUUCA 8:27

Jesuuquidiito wä’tädaawä chäwwadäädä cöneejä dhanwa, yää jataawono. Odo’sha ’je töwö cönä’jaacä, jenaadä yääje yä’dö’jödö. Töwonque’da töweiye cönä’jaacä, ä’sawä ei’cha mmaja; äwa döiña mma töweiye cönä’jaacä.

CODOOSENSE 1:13

Töwö Wanaadi cäwaanacaatäne tööjato jäduudu jonno; töwö cödöötäne yaawä Tönnedö tumjummadö sotoije.

2 TIIMOTEO 1:7

Wanaadi cöwwäiñe cuntui tösaade cöweicho’comoojönö, jäduuje cöweicho’comoone, cöwä’jummato’como mmaja, tösejjeque cöweicho’como mmaja.