MAADOCO 4:19 - Wanaadi A'deddu

¹⁹ ñanno edä nono de’wono ijummannamo, mösooma ijummadö ca’como wätäncu’tädö. Anejjeja’como jadä’jödöödä tumjumma yaawä tönwanno. Tameedä yää Wanaadi a’deddu na’dua, aashicha aneejannä’ca’da yeichö wetä.

MAADOCO 4:19 ပူးပေါင်းရင်းမြစ်များ

MATEO 13:22

Yää dhadöödö wesooca ’jano de’wä cönä’meichö ’quene, Wanaadi a’deddu etannamo cu’tädö yää, ñanno edä nono de’wono ijummannamo, mösooma ijummadö ca’como wätäncu’tojoodöcoomo. Tameedä yää Wanaadi a’deddu na’dua, aashicha ejaamö’da yeichö wetä.

MATEO 19:23

Yaawä Jesuuquidiito cönä’döaacä tönoowanoomadö wwäiñe: —Chäänönge yääje wä’döa äwwäiñe, tadaawaajuje na tönsomaacato wwä Wanaadi töcaajichaanaije tödöödö, tönaudäcaato wwä chäänönge mmaja.

MATEO 3:10

Täämiyä dajaane wööwö na, imiichö ai dee dacaatojooje. Aashicha dee eje’ta’da yeiya’jäcä yaacadö yaawä, yau’cwadö wetä yaawä wa’to nwaca.

MAADOCO 4:18

Yää dhadöödö wesooca ’jano de’wä cönä’meichö ’quene, Wanaadi a’deddu etannamo cu’tädö yää,

DUUCA 10:41

Jesuuquidiito cöneccujä’acä yaawä; cönä’döaacä: —Amäädä Maadata, jooje deja ataadawaajui jäcä mätäncano’ta dea.

DUUCA 21:34

“Odhoowoinchadäiñe’da eichäcä änwanno, wääwashinchänä jäcä tö’tajä’nä que moowoinchatäi’che, wä’dau’nä que mmaja, edä nono de’wono jäcä tö’tajä’nä que mmaja, äwwäiñe tacaade’da mma yää anootoi’chädö aca ä’dö’no.

JUAN 15:2

Tameedä dhajäädö täjössemjönö Jaaja najääca; täjössato mmaane Jaaja nichooneca, jooje’cä yeejössataadö wetä.

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

EUJEESIYO 2:2

tönnöe mä’ja’quennö. Yaawä edä nono de’wono woije tönnöe mä’ja’quene; odo’sha edhaajotoncomo woije töweiye mä’ja’quene, ñäädä jejeichä äiño wäämannäjöödö, Wanaadi woijemjöncomo ijäädu’täneichomo.

EUJEESIYO 6:12

Cönwanno quewäänä’taato soto jadäiñe’da, äänejöncomo jadäiñeene, ñanno caju ñancomo odo’shancomo, ñanno jäduuja’como, edä nono tööjato edhaamo.

JIDIIPENSE 4:6

Ane’cä’cä jäcäinchädä mma maaquiñu’tätäi; töwa’deuwe mmaane adha’deutäcä Wanaadi wwä, tameedä ännödööcomo jäcä. Ämjummadööcomo ane’ca’täcä chäwwä, aashicha awa’deuwancädäiñe chäwwä.

1 TIIMOTEO 6:17

Yäätuujacooto edä nono de’woncomo tönsomaaca’como, o’jodhe chö’tajäätö’da yeichöcoomo wetä, mösooma jäcä jooje chö’tajäätödööcomo queiñe mmaja, töwaatameemö mma yeijäcä yää mösooma. Wanaadi jäcääne chö’tajä’jai ñaato, ñäädä nudooto, aashicha cöweicho’comooje ewontancädä’da cöwwäiñe tameedä u’nei.

2 TIIMOTEO 4:10

Deema ye’nomjane, edä nono de’wono tumjumma töweijäcä; cöntämä Teesadoonica ña. Quedeesente mmaane cöntämä Cadaasiya ña; Tiito ’quene Daadamaasiya ña daja.

2 PEEDHODO 1:8

Tameedä mädoocomo äwwäiñe yeiya’jäcä, äjääcäiñe yeejanga’jäcä mmaja, töwäädämma’da aweichöcoomo na’de, aweicho’me’da’da mmaja na’dede mädä Jesuuquidiito odhoowanääcäiñe naadö.

JUUDHA 1:12

Jöije weneeneto, tujuumä äwääwashinchädaawäiñe töweewodoicha yeichomjäcä, wo’nontänä ’je’da. Oweeja edai’chännamo töwwäädo’como wä’jummadö töweiye naichodö nönge tönwanno. Ca’dutu conoojo ’jemjönö töweiye naichöje mmaja naato dea, jejeichä nemannäjöödöje. Dee töweejössetaatojo cu’nädö awä ejössetaajönö nönge mmaja tönwanno. Aacäde töwääma naato, dee imo’dichaajä töweiye naichöje.