MAADOCO 2:28 - Wanaadi A'deddu

²⁸ Yääje yeijäcä Soto nnedö na wäädeetatoojo anooto edhaajäje jadä’jödöödä; quee cönä’döaacä Jesuuquidiito.

MAADOCO 2:28 ပူးပေါင်းရင်းမြစ်များ

MATEO 12:8

Soto nnedö na wäädeetatoojo anooto edhaajäje jadä’jödöödä; quee cönä’döaacä Jesuuquidiito jaadiseeo wwäiñe.

MAADOCO 2:27

Edääje cönä’döa’dea töwö: —Wäädeetatoojo anooto tödööajä na soto jäcäinchädä; soto döaajä mmaane wäädeetatoojo anooto jäcäinchädootoje’da.

MAADOCO 3:1

Yääje mma yaawä Jesuuquidiito cönoomomöi chea we’jummatoojo taca. Yäätä cönä’jaacä dhanwa dhamäädö töwaamo’mongato.

MAADOCO 3:4

Töwö Jesuuquidiito ñanno soto cöneecamma’joicho: —¿Ane’cäämö wäädeetatoojo anooto awä tödööemööje necammaanä waanontänä imennaajä? ¿Aashichaato ’ja, conemjönööne’ ? ¿Ewaanacaadö, emaadööne’ ? quee cönä’döaacä. Äucwätä’da mma ñanno soto cönä’ja’to.

DUUCA 6:5

Edääje cönä’döa’dea töwö: —Soto nnedö na wäädeetatoojo anooto edhaajäje jadä’jödöödä; quee.

JUAN 5:17

Yaawä Jesuuquidiito cönä’döaacä chäwwäiñe: —Yääje yeichaame Jaaja tönnöe dea; öwö mmaja tödöödöje dea eijai wa; quee.

JUAN 9:14

Wäädeetatoojo anooto awä cönä’jaacä socoojato tödöödawä Jesuuquidiito wwä tänuuquemjönö enuudu jäcä.

JUAN 9:16

Yaawä anejjacoomo jaadiseeo cönä’döa’to: —Wanaadi anoonöje’da na ñäädä dhanwa, yääje ayöödöichö, wäädeetatoojo anooto onnontä’da naadö naane’; quee cönä’döa’to. Anejjacoomo ’quene cönä’döa’to: —¿Aaquene mmaja dhanwa conemjönö ene’ju’tojo ännödö deaade’ ? quee. Äänönge’da chö’tajäätödööcomo cönä’jaacä.

EUJEESIYO 1:22

Töwö Wanaadi Quidiito cönnöi chea tameedä Cajiichaanaje, tameedä quedeiyentecoomo ju’jäje mmaja.

APOOCADIISI 1:10

Yaawä dominco awä, Epíiditu Santo woije wäädantäne; öncadheedä a’deu cönäätai yaawä töcä’de, janau’cwa etöödö wa’cä.