MAADOCO 2:20 - Wanaadi A'deddu

²⁰ Aneedawä anooto na’de choojonnoiñe töjöötaamö wataadojootojo; yaawä näänemaato’de.

MAADOCO 2:20 ပူးပေါင်းရင်းမြစ်များ

MATEO 26:31

Töötädaawäiñe Jesuuquidiito cönä’döaacä chäwwäiñe: —Tameedä änwanno co’nomjaato’de edä coijaichawä, imennaajä nä’döaadöje: “Oweeja edai’chäneichomo waiju’ja’de; oweeja näämecantaato’de yaawä;” quee imennaajä wä’dödö na.

MATEO 9:15

Jesuuquidiito cönä’döaacä chäwwäiñe: —¿Aaquene mmaja jötaanä enennamo aamodööto deeade’ töjöötaamö töjaadäiñe yeichaame? Aneedawä anooto na’de choojonnoiñe töjöötaamö wataadojootojo; yaawä näänemaato’de.

MAADOCO 2:19

Jesuuquidiito cönä’döaacä chäwwäiñe: —¿Aaquene mmaja jötaanä enennamo äänemaadöto deeade’ töjöötaamö töjaadäiñe yeichaame? Töjöötaamö töjaadäiñe yeichawä äänemaajai’cha naato.

MAADOCO 2:21

“Töwoomö jenaado’jä ana’tä’da weiñä nai eduuwaato sedei’jödö que. Eduuwaato que a’ta’jäcä eduuwaato töwaacö’ca yaawä jenaado’jä shiichajoodöje. Töwaataucwa’cä jeene yaawä yeeshiicha’jödö.

DUUCA 17:22

Edääje cönä’döaacä yaawä tönoowanoomadö wwäiñe: —Aneedawä mma Soto nnedö ene’se meichantäi’che, eneejai’chaane.

DUUCA 5:35

Aneedawä anooto na’de choojonnoiñe töjöötaamö wataadojootojo; yaawä näänemaato’de; quee cönä’döaacä Jesuuquidiito jaadiseeo wwäiñe.

JUAN 12:8

Wentumja’como ajaadäiñe naato’de yeichöje; öwö mmaane yeichöje’da ajaadäiñe weichojo na; quee cönä’döaacä Jesuuquidiito.

JUAN 13:33

Önnacoomo’cä, numa’da mma ajaadäiñe weichojo na eduuwa. Änwanno a’que cujiiyato’de; judhío wwäiñe wä’döaaquennöje mmaja wä’döa dea äwwäiñe: Öwö öötotoojo döiña änwanno täjai’cha maato; quee.

JUAN 16:28

Jaaja joono we’ne edä nono de’cäi; eduuwa edä nono jonno wöta dea, Jaaja döiña mmaja; quee cönä’döaacä Jesuuquidiito.

JUAN 16:7

Chäänöngato mädä wecammaadö, aashicha äwwäiñe eijai ña öötädö. Tä’da weiya’jäcä Ä’wa’täneichomo eejö’da eijai ña yaawä. Dha’da ööta’jäcä öwö wanonta’de äwwadäädäiñe.

JUAN 17:11

“Edä nono de’wä o’somjo’da wa; canno mmaane no’somjaato edä nono de’wä, öwö ’quene adöiña wöta. Jaaja aashichaato, canno öwwä mu’netoodö edai’chocooto amäädä äjäädudu que, tooni mmaane chö’tajäätödööcomo eiye, cöwö cötö’tajäätödö naadöje mmaja.

JUAN 17:13

“Eduuwa wöta adöiña; edä ya’deuwa edä nono de’wä dea weichö, öwö ya’cwaniiyö dea töweiye yeichö wetä chäwwäiñe.

JUAN 3:29

Jötaanawä töweiye naichö naane’, ñäädä töjöötaamööne wodi yö’tä nä’döa. Ñäädä töjöötaamö weichacoono töjöötaamö a’deddu niyoomo’ca; töwö na’cwaincha yaawä ya’deuwödö etaadö’jo. Mädääje wa öwö, ta’cwaiñe wa jooje.

DOSECHO 1:9

Yääje töwa’deuwö’jeje Jesuuquidiito cönäncui caju ña ñeenedööcomooje. Yaawä ca’dutu cöna’dui; ääne’da cönä’jaacä yaawä.

DOSECHO 14:23

Tönwanno ansiyaano cöneewaacaicho quedeiyente jataadöcoomo waadäi. Yaawä Wanaadi wwä töwa’deuwö’jejeiñe, töwäänema’jejeiñe mmaja, Cajiichaana Jesuuquidiito wwä cöneedai’chäja’to, ñäädä ñeecamjödööcomo.

DOSECHO 3:21

Töwö Jesuuquidiito caju ña yeichojo na tameedä Wanaadi wwä choonecaadö wa’cä. Mädääje dea Wanaadi töneecammajo cönä’jaacä töwa’deuwödö ecammannamo aashicha’como wwäiñe, ñanno jenaadä cönä’ja’todö.

1 CODINTIYO 7:5

Oowontä’da eichäcä änwannoje dea. A’nädä yääje aweicho’como jäcä awa’deuwa’comjäcä mmaane yääje eijai maato, a’dhe mma, Wanaadi wwä wa’deunä jäcä mma awei’she aweiya’comjäcä. Yää ’jeje oojodööjai maato dea yaawä, Caajuushawa mma adhencu’toto’no yaawä änshinchä’da aweichöcoomo ai.

2 CODINTIYO 11:2

Öwö Wanaadi nutuudu que mani’ñeimmaato. Quidiito wwä maneecammatääne chääjadoonoje aweichöcoomo wetä, tooniño dhanwa wwä ajei’choto’jaato ecammadö töweiye naichöje.

2 CODINTIYO 11:27

Jooje töweetadaawa’cajo wäänene, töwäntunaanö’e mmaja. Aneedawä öncö’da coijaicho tömja’do’jo wäänene wetaadawa’cajoonäje. Ämi töiñetunca wäänene dea, emjätö’se weiñä mmaja; töwäänema mmaja wäänene dea, cämöi töiñetunca mmaja, töwonque’da weiña mmaja.

2 CODINTIYO 6:5

töwaataiju’jojootödaawä mmaja, jedeesoje töwä’döjoodawä mmaja, töjääcä wewoodoichanaawä mmaja, tötaadawaajui tödöödawä mmaja, wetu dhetuncadaawä, ämi dhetuncadaawä mmaja.

APOOCADIISI 19:7

Töwa’cwainchaane ca’cwainchato’ñojo; aashicha ca’deuto’ñojo chääjäcä, Oweeja nnedö’cä jötaatojo cu’nädö aca yä’dö’jödö weijäcä. Ijiiñamo töweesomaajä’e na.

APOOCADIISI 21:9

Yaawä öwwadäädä amoode cöneejä, ñanno aacä amoojato’como amoode jimmä, ñanno aacä amoojato cancudu dha’me cönä’ja’todö, yää wätä’maminchanä yaatameetojo cu’tädö. Ñäädä amoode cönä’döaacä öwwä: —Ä’cäde sadä, yäätöiñonooajä weneejoiye äwwä, ñäädä Oweeja nnedö’cä jiñamo; quee cönä’döaacä.