MAADOCO 2:18 - Wanaadi A'deddu

¹⁸ Yaawä Juan Wautiita nowaanomaadö, jaadiseeo nowaanomaadö mmaja cönäänema’to. Anejjacoomo soto cönä’döa’to Jesuuquidiito wwä: —¿Aaquene Juan nowaanomaadö töwäänema weneeneto, jaadiseeo nowaanomaadö mmaja; amäädä onoowanoomadö mmaane äänema’da? quee cönä’döa’to.

MAADOCO 2:18 ပူးပေါင်းရင်းမြစ်များ

MATEO 23:5

Tameedä tönnöe weneeneto soto wwäiñe töwäänejooto’comooje mma. Tönwanno yaacö’comje Wanaadi a’deddu imennaajä adäädö töjeecaichöcoomo de’cäcä immödööcomo, tajäädöcoomo jäcä mmaja. Yaacö’comje dea anejjacoomo soto womööcomo a’sadö e’jodhe’cä töwoomöcoomo a’sadö tödöödö.

MATEO 6:16

“Äwäänemaadawäiñe yäänemaadö nönge mma määnejootäi’che, ñanno yääjönö wa’co’como wäänejoodö naatoodöje’daane. Tönwanno ecoonecaajätö’da weneeneto yaawä, soto wwäiñe täneedöcoomo wetä mmädä töwäänemaadöcoomoje yeichö. Chäänönge yääje wä’döa äwwäiñe, mädä que mma täjeema naato tönwanno.

MATEO 6:18

soto wwäiñe ääne’da meiye wäänemaanäje aweichö. Oomo caju ñano mma dhowaanäcä na’de, ñäädä äjääcäjeene aweichö ajaadä weneenedö; töwö adheejema’de.

MAADOCO 2:19

Jesuuquidiito cönä’döaacä chäwwäiñe: —¿Aaquene mmaja jötaanä enennamo äänemaadöto deeade’ töjöötaamö töjaadäiñe yeichaame? Töjöötaamö töjaadäiñe yeichawä äänemaajai’cha naato.

DUUCA 18:12

Öwö mmaane aacäde semaana waadäi töwäänema wäänene. Äwwonooje tunu’e wäänene tameedä öncana’cadö dhantai;” quee cönä’döaacä ñäädä jaadiseeo.

DOMAANO 10:3

Tönwanno dhowaanäcäiñe’da na Wanaadi wwä töjaadonooje soto tödöötojo. Tönwanno Wanaadi necammadö woije chääjadoonoje töwä’dö’seiñe’da naato; tumjummadööcomo woije mma Wanaadi jadoonoje töwä’dö’seiñe naato.