MAADOCO 2:16 - Wanaadi A'deddu

¹⁶ Yaawä judhío owaanomannamo, jaadiseeo mmaja, cöneenea’to ñanno jadäiñe Jesuuquidiito wääwashinchädö. Tönwanno cönä’döa’to Jesuuquidiito nowaanomaadö wwäiñe: —¿Ane’que’nei mmaja odhoowanoomaneichomo nääwashinchannea acu’shänä jödaatai i’jummannamo jadä mmädä, conemjönö dönnamo jadä mmaja? quee cönä’döa’to.

MAADOCO 2:16 ပူးပေါင်းရင်းမြစ်များ

MATEO 18:17

Ñanno a’deddu aneeta’da dea yeiya’jäcä mmaja, Wanaadi sotoi wwäiñe ecammatääcä’de yaawä. Ñanno a’deddu aneeta’da yeiya’jäcä mmaja, Wanaadi aneecanö’jönö nönge tödöötäcä’de yaawä, acu’shänä jödaatai i’jummanei nönge mmaja.

MATEO 5:46

Ajummannamo mma ijumma’jäcä äwwäiñe, ¿aaquene ääjemaajai ñai yää? Mädääje acu’shänä jödaatai i’jummanei nijumma tujummanei chea mma.

MATEO 9:11

Yää eneea’jäcä jaadiseeo wwäiñe tönwanno cönä’döa’to Jesuuquidiito nowaanomaadö wwäiñe: —¿Ane’que’nei mmaja odhoowanoomaneichomo nääwashinchannea acu’shänä jödaatai i’jummannamo jadäiñe mmädä, conemjönö dönnamo jadäiñe mmaja? quee cönä’döa’to.

MAADOCO 2:15

Yaawä Dewí mmai chaca Jesuuquidiito wääwashinchädaawä jooje acu’shänä jödaatai i’jummannamo mmaja cönoomomöicho dea, anejjacoomo conemjönö dönnamo mmaja. Tönwanno Jesuuquidiito jadä cönääwashincha’to, ñoowanoomadö jadäiñe mmaja. Jooje cönä’ja’to ñanno Jesuuquidiito jadoncomo.

MAADOCO 2:7

“ ¿Ane’cotoojo mä’dä mädääje nä’döannea? Cone’da na’deuwa Wanaadi jäcä. Anejja conemjönö encwanno’jojai’cha na, Wanaadi mmaane;” quee cöntö’tajä’a’to.

DUUCA 18:11

Ñäädä jaadiseeo jiidi cöna’deuwacä; edääje cönä’döaacä: “Amäädä Wanaadi, ta’cwaiñe wa anejjacoomo soto nönge’da weijäcä. Ñanno tämeena’como, chäänöngemjöncomo mmaja, masuuduija’como mmaja, nöngeiñe’da wa öwö, määdhä acu’shänä jödaatai i’jummanei nönge’da mmaja.

DUUCA 19:10

Soto nnedö cöneejä yännanö’a’como jäcäinchädäiñe, ewaanacaiñe mmaja; quee cönä’döaacä Jesuuquidiito.

DUUCA 19:7

Yää eneedö’jo tameedä soto cönenta’me’ca’to; cönä’döa’to: —Conemjönö tödöönei mmai chaca Jesuuquidiito nääwa’täi; quee.

DUUCA 5:30

Yaawä jaadiseeocoomo, judhío owaanomannamo mmaja, ñanno jaadiseeoje mmaja cönä’ja’todö, Jesuuquidiito nowaanomaadö jäcäiñe cönenta’me’ca’to; cönä’döa’to: —¿Ane’que’nei mmaja määwashinchaato dea acu’shänä jödaatai i’jummannamo jadäiñe, conemjönö dönnamo jadäiñe mmaja? quee cönä’döa’to.

DOSECHO 23:9

Jooje cöneewodoicha’to yaawä. Yaawä anejjacoomo jaadiseeo, ñanno judhío owaanomannamo, cönammöicho; cönä’döa’to: —Määdhä dhanwa conemjönö iiñö’jödö ’je’da na. Wanaadi amoodedö’da ca cöna’deuwöichö jääcä chäwwä, anejja Wanaadi nanontädö jeiñe mma. Yääje yeiya’jäcä Wanaadi chu’de’täjai’cha caato; quee cönä’döa’to Paudo jäcä.

1 CODINTIYO 2:15

Ñäädä Epíiditu Santo ’jano mmaane tameedä töntö’tamme’que weneene, anejjacoomo äntö’tammecö’da yeichaame töwö yeichö.

EEWEDEO 12:3

Yääje yeijäcä ñäädä jäcä ätö’tajä’täcä, ñäädä conemjönö dönnamo wwäiñe tutuushimaadö shinchänei’jödö, aquinchadööcomo queiñe, aweejäduuquejöödöcoomo queiñe mmaja.