MAADOCO 16:7 - Wanaadi A'deddu

⁷ Ojoncomo; ecammajä’tantäcä’de ñoowanoomadö wwäiñe, Peedhodo wwä mmaja. Chäwwäiñe ecammatääcä’de Caadideea ña odhoowajoiñe iichädö. Iiña meneeato’de, äwwäiñe cönääcamma’döje dea; quee cönä’döaaca ñäädä ääjömaanö ñanno wodiiñamo wwäiñe.

MAADOCO 16:7 ပူးပေါင်းရင်းမြစ်များ

MATEO 26:32

Yaawä wäämaajo jonno waadonca’jäcä odhoowajoiñe wöta’de Caadideea ña; quee cönä’döaacä Jesuuquidiito tönoowanoomadö wwäiñe.

MATEO 28:10

Yaawä Jesuuquidiito cönä’döaacä: —Tösaade’da eichäcä. Jimmä wwäiñe ecammajä’tantäcä, Caadideea ña täiyeto; iiña yeeneaato’de; quee cönä’döaacä.

MATEO 28:7

Tamjä’ne ojoncomo; ñoowanoomadö wwäiñe ecammajä’tantäcä töwäämaajo jonno yaadonca’jödö. Töwö nöta Caadideea ña odhoowajoiñe; iiña meneeato’de. Mädääje mma wä’dö’se wä’jaanä äwwäiñe; quee cönä’döaacä ñäädä amoode wodiiñamo wwäiñe.

MAADOCO 14:28

Yaawä wäämaajo jonno waadonca’jäcä odhoowajoiñe wöta’de Caadideea ña; quee cönä’döaacä Jesuuquidiito chäwwäiñe.

MAADOCO 14:50

Yaawä tameedä ñoowanoomadö cönäänejeicho, e’nomjadööje mma.

MAADOCO 16:8

Yääje mma yaawä tönwanno cöneeja’caicho äwa tacanno. Tamjä’ne cöntonto, tösaadöcoomoje tötäätä’nöngancädäiñe. Tönwanno aneecammajäätö’da cöneiya’to anejjacoomo wwäiñe, tösaade töweijäcäiñe.

JUAN 21:1

Yääje mma yaawä Jesuuquidiito cönäänejoi chea tönoowanoomadö wwäiñe, Tiweediya cu’jäi jawä, sa’dada de’wä. Edääje töwö cönäänejoi:

DOSECHO 13:31

Yää ’jeje wanna anooto Jesuuquidiito cönäänejoi ñanno Caadideea ñanno Jeduusadén ña töjaadoncomo wöto’jocoomo wwaiñe. Ñanno naatoodö eduuwa chääjäcä soto wwäiñe ecammajä’nnamooje.

1 CODINTIYO 15:5

Yaawä töwö Quidiito cönäänejoi Peedhodo wwä; yää ’jeje ñanno amoojadooto de’wä aaco’como wwäiñe cönäänejoi chea.

2 CODINTIYO 2:7

Yääje yeijäcä anejjejaane eijai maato eduuwa, encwanno’jojai maato iiñö’jödö, töwö ijäädu’täjai maato dea, to’jodheene mma wentumje ei’ño yaawä.