MAADOCO 16:20 - Wanaadi A'deddu

²⁰ Ñanno ñoowanoomadö cöntonto yaawä, tameedä yeichö wa’cä aashichaato wätunnä cöneecammajäätöicho. Cädhaajotoncomo Jesuuquidiito dea töni’wa’täiñe cönä’jaacä. Ta’deddu töneene’ju’jo töweiye cönä’jaacä täneemö aashichaato que. Amén.

MAADOCO 16:20 ပူးပေါင်းရင်းမြစ်များ

MAADOCO 16:19

Chäwwäiñe yääje töwa’deuwödö’jo Cädhaajotoncomo Jesuuquidiito cönaatadoojoi yaawä caju ña. Wanaadi nnäcä cönaatajiimai yaawä, ämu’demjönö dö’se.

DUUCA 1:1

Jooje anejjacoomo cönoonejaicho wätunnä imennädö, yää ñaa antawä cöneeja’dätäichö jäcä.

DUUCA 1:2

Tönwanno cömmennoicho Wanaadi a’deddu owaanomannamo wwäiñe towaanoma’jocoomo nönge dea, ñanno yaajäntä’jödö jonnoto’jödöödä yää enennamo’jödö wwäiñe.

DOSECHO 14:3

Yääje yeijäcä yäätä Paudo cönä’ja’to numa. Cajiichaana ecaanö’ancädä jäduuje töneecammajä’e cönä’ja’to aashicha Wanaadi weichö jäcä. Cajiichaana chäänönge ñeecammajäätödö weichö töneenejo cönä’jaacä ene’ju’tojo tödööjodö que chäwwäiñe, aashichaato tödööjodö que mmaja.

DOSECHO 4:30

Äjäädudu que cädäija’como adoncacooto, aashichaato mmaja tödööcäde, ene’ju’tojo mmaja, ännedö Jesuuquidiito eetö joi; que Wanaadi wwä cönä’döa’to ñanno quedeiyentecoomo.

DOSECHO 5:12

Ñanno anonta’como jooje aashichaato tönnöe cönä’ja’to, ene’ju’tojo mmaja. Tameedä quedeiyentecoomo töwe’jumma cönä’ja’to Saadomón Jesai’chädö tawä.

DOMAANO 15:19

ene’ju’tojo tödöödö que mmaja, täneemö tödöödö que mmaja; Epíiditu Santo jäduudu que yää wödööne. Mädääje wä’cane Quidiito wätunnäi ecammajäätödö, yää aashichaato wätunnä. Yää wecammajä’ne Jeduusadén ña, tameedä yeichö wa’cä mmaja, Idíidico ña tödööene.

2 CODINTIYO 6:1

Yääje yeijäcä, Wanaadi jadoono wetaadawa’cajoodöje ñaa weijäcä, edääje ñaa mänwätuujaato: Töwäädämmatooje’da tödöötäcä äwwäiñe Wanaadi nutuudu aashichaato.

EEWEDEO 2:3

Töwaacö’je cönwanno eduuwa. ¿Aaquene cöwäätä’maminchajoodöcoomo caneemaichatäädöde’ mädä wa’coto wääwanaacatoojo chiiñeme’ca’jäcä cöwwäiñe? Cajiichaana Jesuuquidiito yää wätunnä cöneecammajäätöi awa’deene. Yää ’jeje ñanno Cajiichaana necammajäätödö etannamo’jödö chäänönge cöneecammajäätöicho dea cöwwäiñe.

EEWEDEO 2:4

Wanaadi mmaja chäänönge yää wätunnä weichö cöneenejoi ene’ju’tojo tödööjodö que, täneemö tödööjodö que mmaja, jooje aashichaato tödööjodö que mmaja, aneejejaiñene’jödöödä Epíiditu Santo utuudu que mmaja, tumjummadö woije.