MAADOCO 16:18 - Wanaadi A'deddu

¹⁸ Äcääyu annä’a’jäcä, jönaatamoi enga’jäcä jeiñe mma, ääma’da naato’de. Tönwanno tamäädöcoomo nödööaato’de cädäija’como de’cäcäiñe; ñanno naadoncaato’de yaawä; quee cönä’döaacä Jesuuquidiito tönoowanoomadö wwäiñe.

MAADOCO 16:18 ပူးပေါင်းရင်းမြစ်များ

MAADOCO 5:23

Töwö wentumje cöna’deuwacä Jesuuquidiito wwä; cönä’döaacä: —Önnedö wodi’chä wäämanääje nai. Ma’che, adhaamädö ye’wä mödöiye, aadoncaiye; ääma’da eiye yaawä; quee Jaido cönä’döaacä Jesuuquidiito wwä.

DUUCA 10:19

Äwwäiñe wu’ne äcääyu etaajatoojo, mönäätä mmaja, tameedä cutu’de’täneichomo jäduudu e’jodheinchatoojo mmaja. Tönwanno mmaane ayöödöjaiñe’da naato.

DOSECHO 19:12

Ñanno soto tönaadä cönä’ja’to Paudo ajoojo’jödö jaiñuweeda, camiisha mmaja. Yää que cädäija’como tönaadonca cönä’ja’to; odo’shancomo töweeja’ca cönä’ja’to dhacannoiñe.

DOSECHO 3:12

Yaawä töwwadäädäiñe soto weejödööcomo eneea’jäcä, Peedhodo cönä’döaacä chäwwäiñe: —Änwanno iisadaaediitacoomo, ¿ane’que’nei määcatoncaato? ¿Ane’que’nei mädä wa’cä ñaa mene’maato, ñaa jäduudu que määdhä adonca’jödööjönö? Töjäädudu que’da ñaa nejoimajoi, Wanaadi owaadäädä aashicha ñaa weichö que’da mmaja.

DOSECHO 3:16

Ñäädä eetö joi ecamjödö weijäcä naadoncai määdhä dhanwa mene’maatoodö, odhoowanoocomo. Yääne, ecamjödööne nadoncai määdhä aneenedööcomooje.

DOSECHO 4:10

Yääje yeijäcä aneetadööcomooje ñaa necammajä’a, tameedä iisadaaediitacoomo dhowaanäcäiñe yeichö wetä Jesuuquidiito Naasade ñano eetö joi määdhä mene’maatoodö waadonca’jödö yeichö. Ñäädä dea Jesuuquidiito änwanno majoijotääne cuduusa jäcä. Wanaadi cönaadoncai yaawä yäämaajo jonno.

DOSECHO 4:22

Ñäädä dhanwa, yää aashichaato tödöödö que cönaadoncaichö, cönä’jaacä aacä soto weduuto e’jodhe.

DOSECHO 4:30

Äjäädudu que cädäija’como adoncacooto, aashichaato mmaja tödööcäde, ene’ju’tojo mmaja, ännedö Jesuuquidiito eetö joi; que Wanaadi wwä cönä’döa’to ñanno quedeiyentecoomo.

DOSECHO 9:34

Yaawä Peedhodo cönä’döaacä chäwwä: —Eneea, Jesuuquidiito adhaadonca. Aanöncä; adhe’wötö imoncä; quee cönä’döaacä. Yaawä dea mma ñäädä cönammöi.

DOMAANO 16:20

Wanaadi ñäädä täncanoode’da weiñä edhaajä. Eduuwaiche mma töwö Caajuushawa odho’cäiñe nemajja’de. Cädhaajotoncomo Jesuuquidiito nutuudu aashichaato äwwäiñe yei’she wa.

1 CODINTIYO 12:9

Anejja wwä mmaane ecaanö’tojo nä’tua, ñäädä dea Epíiditu Santo ai; anejja wwä ’quene cädäija’como ejiichö’toto’como, Epíiditu Santo ai mmaja.