Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MAADOCO 16:16 - Wanaadi A'deddu

16 Ñäädä ecaanö’nei, wautisaaje yä’dödö, nääwanaaca’de. Aneecanö’jönö mmaane nännanö’a’de.

အခန်းကိုကြည့်ပါ။ ကော်ပီ




MAADOCO 16:16
36 ပူးပေါင်းရင်းမြစ်များ  

Yääje yeijäcä ojoncomo. Soto owaanomaatantäcä tameedä jata weichö wa’cä. Wautisaaje tödöötäcä’de Jaaja eetö joi, Iiñedö eetö joi mmaja, Epíiditu Santo eetö joi mmaja.


Töwö töwä’döe cönä’jaacä: —Chu’nädö aca nä’döi eduuwa. Amoinche’da nä’döi eduuwa Wanaadi acaajichaanaichomooje yä’dötoojo. Ätö’tajäätödööcomo sha’duminchatääcä; ecaanö’täcä aashichaato wätunnä; quee töwä’döe cönä’jaacä.


Yää ääma taawä cönä’meichö, Wanaadi a’deddu etannamo cu’tädö yää. Odo’sha ne’a yaawä; Wanaadi a’deddu etaajä chö’tajäätödö jäconno nichö’taque’ja yaawä, chäwwäiñe ecamjödö queiñe, yääwanaacadööcomo queiñe.


Eetä naadö mma tömennä na ecamjödö wetä äwwäiñe Jesuuquidiito Äwaanacaaneije yeichö, Wanaadi nnedööje yeichö mmaja. Yaawä äwwäiñe ecaanö’a’jäcä aweichöcoomo töweiye na’de, töwö chääjäcäinchädä.


Ñäädä Iiñedö ecaanö’nei, yeichö töwaatamemjönö töweiye na. Ñäädä Iiñedö ecamjö’semjönö ’quene, töweichö aneene’da na’de; Wanaadi wwä töwäätä’maminchajoomöje mma na.


Jesuuquidiito cönä’döaacä chäwwä: —Chäänönge yääje wä’döa, ñäädä tuna ai ennujöönö, Epíiditu Santo ai ennujöönö mmaja Wanaadi jataacäi täjai’cha na.


“Chäänönge yääje wä’döa äwwäiñe, ñäädä ya’deddu etaanei, yaanontänei’jödö ecaanö’nei, ñäädä wwä töweiye na yeichö töwaatamemjönö. Ñäädä töwännanö’emööje’da na; töwö töwäämamjönööje töwä’döe yaawä töwäämaamöje töweichö jonno.


Jesuuquidiito cönä’döaacä: —Edä yää Wanaadi tadaawaajui tödöödö, töwö dhanoonö ecamjödö; quee.


Jesuuquidiito cönä’döaacä: —Öwö ñäädä weichojo uu. Ñäädä öwwadoodono we’ajä ämiije’da na’de; öwö yeecanö’nei emjätö’se’da na’dede.


Ñäädä Iiñedö eneenei, ecaanö’nei mmaja, yeichö töwaatamemjönö töweiye na, yaanontänei’jödö woije dea; öwö wadonca’de yaawä anooto wataamedaawä; quee cönä’döaacä Jesuuquidiito.


Yääje yeijäcä yääje wä’döaanä äwwäiñe: “Änwanno mä’ja’aato’de ocoone’nadiiyöcoomo ’je dea;” quee. Yeecamjö’da aweiya’comjäcä ocoone’nadiiyöcoomo ’je mä’ja’aato’de; quee cönä’döaacä Jesuuquidiito.


Mädääje dea jenaadä Jesuuquidiito jäcä töneecammajä’e cönä’ja’to tameedä Wanaadi wa’deuwödö ecammannamo’jödö. Tönwanno töneecammajä’e cönä’ja’to tameedä Jesuuquidiito ecaanö’nei cone’nadiiyö choccatoojo, Jesuuquidiito jäcäinchädä dea; quee cönä’döaacä Peedhodo Conneediyo wwäiñe.


Jesuuquidiito jäcäinchädä tameedä ñanno ecaanö’nnamo wwä töweiye na iiñödööcomo encwanno’jotoojo, yää Moisé waanontädö woije weiñawä ätäncwanno’jojaichojöönö’jödö.


Yaawä Paudo, Waanawé mmaja, tösaade’da cöna’deuwöicho; cönä’döa’to: —Wanaadi a’deddu täcammajä’emje cönä’jaacä äwwäiñe awa’de, änwanno judhíocoomo, töwäädä eta’se’da maatoone’; ämjumma’da maato töwaatamemjönö aweicho’como. Yääje yeijäcä judhíojöncomo wwä ñaa necammajä’ta eduuwa.


Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.


Yaawä ñanno dha’deddu ecaanö’nnamo wautisaaje cönä’döjoicho. Yää anooto awä aaduwaawä miide quedeiyenteje cönä’döicho.


Yääje yeijäcä ¿ane’cäämö miyoomo’canä? Aanöncä, wautisaaje ä’döjoocä; Jesuuquidiito ecaanö’cä ocoone’nadiiyö choccatoojoje;” quee cönä’döaacä öwwä ñäädä Aananía.


Ng’jn, chäänönge’da’da yeichaame. Chäänönge’da Wanaadi weiya’jäcä soto emmencaneichomooje eijai’cha na yaawä.


cönwanno cöjääcäiñe mmajaane yää tömennä na. Cöneecamjödööcomo jäcäinchädä mmaja Wanaadi töjaadonooje cödööato, cönwanno Wanaadi ecaanö’nnamo, ñäädä töwäämaajo jonno Cädhaajotoncomo Jesuuquidiito adoncanei’jödö.


Töwö Jesuuquidiito ne’a’de wa’to töjääcä. Töwö nichuuseijaato’de Wanaadi ämjummajöncomo’jödö, ñanno Cädhaajotoncomo Jesuuquidiito wätunnäi aashichaato woije töwei’shemjöncomo’jödö.


Mädääje nännanö’aato’de tameedä chäänöngato ecamjö’semjöncomo’jödö, ñanno conemjönö ijummannamo’jödö.


Jesuuquidiito ni’wa’tädö que Wanaadi mecaanö’ato, ñäädä yäämaajo jonno Jesuuquidiito adoncanei’jödö, chäwwä aashichaato u’nei’jödö mmaja. Yääje yeijäcä Wanaadi mecaanö’ato, miyoomo’cato dea.


Yää tuna cönä’ja’dö wautisaaje wä’dönä cu’tädööje na, yää töwäämaajo jonno Jesuuquidiito waadoncadö que cäwaanacaatoodö. Cö’donööcomo choccadööjönö yeichaame yää wautisaaje wä’dönä, Wanaadi owaadäädä chäänönge tötö’tajäätödö weichö eneejodö mmaane.


Tameedä ñanno weichojo jajeedai’chädö jäcä chäätö imennaajä ’jemjöncomo cönäätämaajoicho jiyooto comootödö ña.


Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ