MAADOCO 15:43 - Wanaadi A'deddu

⁴³ José Aadimaatea ñano Pidaato cönnoncai; chäwwadäädä cöntämä Jesuuquidiito equeejödö e’ca’e. Ñäädä José cönä’jaacä täneejucaato, äcamma’jonnamo jimmä, Wanaadi cajiichaanaje yä’dötoojo yoomo’nei mmaja.

MAADOCO 15:43 ပူးပေါင်းရင်းမြစ်များ

MATEO 19:30

Eduuwa täneejuque naatoodö dhantai ema’jödööje naato’de. Ñanno eduuwa wentumje naatoodö mmaane dhantai töneejuque naato’de.

MATEO 20:16

Mädääje na. Ñanno wentumja’como’jödö täneejuque naato’de. Ñanno täneejuca’como’jödö mmaane ema’jödööje naato’de. Jooje a’dejja’como naatoodö’je; e’ta’como jaiñoone äächädä mma; quee cönä’döaacä. Jesuuquidiito.

MATEO 27:57

Yaawä cho’momöödawä cöneejä dhanwa tönsomaacato, Aadimaatea ñano, José täätö. Jesuuquidiito ecaanö’nei cönä’jaacä töwö.

MAADOCO 14:54

Inchäcäiñe Peedhodo cöntaacä amoinche, Wanaadi wwä töwa’deuwaamo edhaajotoncomo ’dodoi aca tödööene. Yäätä töwö cönaatajiimai yaawä suddau jadäiñe, wa’to o’wawä töwääsunuudu wetä.

MAADOCO 15:44

Pidaato aneecamjö’da cönä’jaacä Jesuuquidiito töwääma yeichö. Suddau edhaajotoncomo cöna’dejjajoi yaawä Jesuuquidiito töwääma yeichö ecamma’jodö wetä.

DUUCA 2:25

Yäätä Jeduusadén ña cönä’jaacä dhanwa, Simeón täätö. Ñäädä cönä’jaacä chäänöngato, Wanaadi woije tödöönei. Töwö cönwomo’cacä iisadaaediitacoomo wääwanaacato’como. Epíiditu Santo ’je ñäädä Simeón cönä’jaacä.

DUUCA 2:38

Yaawä dea mma töwö Aana cönoomomöi yöiñaiñe; aashicha cöna’deuwöi Wanaadi wwä. Yää ’jeje soto wwäiñe cöna’deuwacä ñäädä mude’cä’cä jäcä, ñanno Jeduusadén ñancomo wääwanaacato’como yoomo’nnamo wwäiñe.

DUUCA 23:50

Yäätä cönä’jaacä dhanwa, Joséje chäätö. Aadimaatea ñano töwö cönä’jaacä, yää Judheea ñano jata. Äcamma’jonnamo jimmä töwö cönä’jaacä. Dhanwa aashichaato cönä’jaacä töwö, chäänöngato mmaja.

DUUCA 23:51

Ñäädä cönä’jaacä Wanaadi cajiichaanaje yäänejootojo yoomo’nei. Jesuuquidiito emaadö a’de’tädö ani’wa’tä’da töwö cöneiyacä.

JUAN 19:38

Yääje mma yaawä José Aadimaatea ñano Pidaato wwä cöne’catäi Jesuuquidiito equeejödö; Pidaato cönaadojoi chäwwä. Ñäädä José cönä’jaacä Jesuuquidiito ecaanö’nei, tacaade’daane, judhío tönnontä töweijäcä. Ñäädä cöntämä yaawä; Jesuuquidiito equeejödö cönaadäi.

DOSECHO 13:50

Yaawä ñanno judhíocoomo cöna’deuwöicho anejjacoomo wodiiñamo täneejuca’como wwäiñe, aashicha’como wwäiñe, dhanwaacomo täneejuca’como wwäiñe mmaja. Tönwanno cöni’jedoicho Paudo, Waanawé jäcäiñe, cone’da yeichöcoomo wetä chääjäcäiñe. Yää ’jeje ñanno täneejuca’como Paudo cönenno’jaicho töjaatadööcomo jonno.

DOSECHO 17:12

Wanna cöneecamjöicho tönwanno; wanna mmaja quidiiyeecocoomo, wodiiñamo täneejuca’como mmaja, dhanwaacomo mmaja.

JIDIIPENSE 1:14

Yääje yeijäcä jooje quedeiyentecoomo jäduuje’cä naato eduuwa Wanaadi a’deddu ecammajäätödö jäcä, jedeesoje weichö nijäädu’tädööje. Tösaade’da Wanaadi a’deddu töneecammajä’e weneeneto, Cajiichaana ecaanö’ancädä.