MAADOCO 14:49 - Wanaadi A'deddu

⁴⁹ Anooto waadäi ajaadäiñe töweiye wä’jaaquene Wanaadi weichojo taca, soto owaanomaadöcoomoje; yaajäi’cha töweiye mä’ja’quene yaawä. Mädä neja’dä’a jääcä Wanaadi a’deddu imennaajä naadö nönge yeichö wetä; quee cönä’döaacä Jesuuquidiito tajäiñamo wwäiñe.

MAADOCO 14:49 ပူးပေါင်းရင်းမြစ်များ

MATEO 1:22

Tameedä yää cönä’jaacä Cajichaana a’deddu nönge yeichö wetä, yää Wanaadi wa’deuwödö ecammanei cöneecammaichö:

MATEO 26:54

Yaawääne’ mädääje tödööa’jäcä öwwä, ¿aaquene mmaja yää imennaajä öwö jääcä naadö ämja’dätäädö deeade’ yaawä? quee cönä’döaacä Jesuuquidiito.

MATEO 26:55

Yaawa Jesuuquidiito cönä’döaacä ñanno jooja’como soto wwäiñe. —¿Aaquene tämeenato wwadäädä’da mmädä töwaichaqueiñe öwwadäädä me’ato? Anooto waadäi shuucu töweiye wä’jaaquene ajaadäiñe Wanaadi weichojo taca, soto owaanomaadöcoomoje. Yaajäi’cha töweiye mä’ja’quene yaawä.

MATEO 26:56

Mädä neja’dä’a jääcä Wanaadi wa’deuwödö ecammannamo nimenno’jocoomo nönge yeichö wetä; quee cönä’döaacä Jesuuquidiito chäwwäiñe. Yaawä tameedä ñoowanoomadö cönäänejeicho, e’nomjadööje mma.

MAADOCO 10:1

Yääje mma yaawä Jesuuquidiito cönääma’täi Cajeedamu ñanno; cöntämä Judheea chäcä. Joodadán mänsemjona cönä’döi yaawä. Iiña soto cöne’jummaicho dea yöiña. Töwö cönoowanooma’to yaawä, töweichö nöngeedä.

MAADOCO 11:27

Yääje mma yaawä Jeduusadén ña cönennacaicho dea. Wanaadi weichojo taca Jesuuquidiito wäämannäjöödawä yöiña cöneejoto Wanaadi wwä töwa’deuwaamo edhaajotoncomo, judhío owaanomannamo mmaja, inchoncomo mmaja.

MAADOCO 12:35

Yaawä Wanaadi weichojo taca töwwä owaanomaadawä Jesuuquidiito cönä’döaacä: —¿Ane’que’nei Dawí weichöje Äwaanacaanei töne’tä weneeneto ñanno owaanomannamo?

MAADOCO 14:48

Yaawä Jesuuquidiito cönä’döaacä soto wwäiñe: —¿Aaquene tämeenato wwadäädä’da mmädä töwaichaqueiñe öwwadäädä me’ato?

MAADOCO 14:50

Yaawä tameedä ñoowanoomadö cönäänejeicho, e’nomjadööje mma.

DUUCA 19:47

Töwö anooto waadäi Wanaadi weichojo taca tönoowanooma töweiye cönä’jaacä. Wanaadi wwä töwa’deuwaamo edhaajotoncomo, judhío owaanomannamo mmaja, acu’shänääja’como mmaja, ema’se töweiye cönä’ja’to.

DUUCA 22:37

Edääje wä’döa äwwäiñe, Wanaadi a’deddu imennaajä naadöje töwä’döeemöje wa, yää edääje yä’dödö naichö: “Conemjöncomo jimmäje cöne’toicho;” quee. Tameedä yää Wanaadi a’deddu öwö jääcä tömennä naadö eja’dätä’da eijai’cha na; quee cönä’döaacä Jesuuquidiito.

JUAN 10:23

Yaawä Jesuuquidiito cönäämannä’acä Wanaadi weichojo taca, ijeesai chawä, Saadomón namääjo’jödö tawä.

JUAN 18:20

Jesuuquidiito cöneccujä’acä: —Tameedä soto netaadöcoomoje töneecammajä’e wä’jaaquene. Tönoowanoomaiñe wä’jaaquene we’jummatoojo taca, Wanaadi weichojo taca mmaja, yää tameedä judhío we’jummato’comooje weneenedö. Tacaade’da a’deuwö’da töweiye wä’jaaquene.

JUAN 7:37

Yää comjedensiya wataamedö anootoi’chädö cönä’jaacä anooto täneejucaato. Yää anooto awä Jesuuquidiito cönammöi soto we’jumma’como antawäiñe; cönä’döaacä: —Ñäädä emjätö’sato neejö’ñojo öwwadäädä, aneenöiye.

JUAN 8:12

Yää ’jeje Jesuuquidiito cöna’deuwöi chea soto wwäiñe; cönä’döaacä: —Öwö ñäädä weiyu, sotoocomo yeijonei. Ñäädä jaadono wötäädö tööjano’taca ei’cha na’de; chäwwä töweiye na’de weichojo weiyu; quee cönä’döaacä.

JUAN 8:2

Yää jenamma jenaadäne cönennacai yaawä Wanaadi weichojo taca. Yaawä tameedä soto cöne’jummaicho yöiña. Töwö cönaatajiimai yaawä owaanomaadöcoomo wetä.