MAADOCO 14:41 - Wanaadi A'deddu

⁴¹ Yääje mma yaawä aaduwaawädeeto ai Jesuuquidiito yöiñaiñe cöneejä dea; cönä’döaacä chäwwäiñe: —¿Wönö’näje deaane ca maato? Na’ñojo eduuwa; chu’nädö aca yä’döaajä mädä eduuwa. Soto nnedö nä’tuja eduuwa conemjönö dönnamo wwäiñe.

MAADOCO 14:41 ပူးပေါင်းရင်းမြစ်များ

MATEO 26:2

—Änwanno odhoowanääcäiñe na jenammato ncadheeda yää Weja’dätä’jä anootoi’chädö jäcä tö’tajo’tojo anootoije yeichö. Yaawä öwö, Soto nnedö, wä’tuja’de cuduusa jäcä waatajoijojoodö wetä; quee cönä’döaacä Jesuuquidiito tönoowanoomadö wwäiñe.

MAADOCO 14:10

Yääje mma yaawä Juudha Icaadiyoote, ñäädä amoojadooto de’wä aaco’como jimmä, cöntämä Wanaadi wwä töwa’deuwaamo edhaajotoncomo döiñaiñe, chäwwäiñe Jesuuquidiito u’jai töweichö ecamma.

MAADOCO 14:18

Meesa de’wä töwääwashinchädaawäiñe Jesuuquidiito cönä’döaacä: —Chäänönge yääje wä’döa äwwäiñe, tooni adhantawäiñe naadö, jaadä nääwashinchaadö dea, yu’a’de; quee cönä’döaacä Jesuuquidiito tönoowanoomadö wwäiñe.

MAADOCO 14:35

Mänseedä’cä cöntämä yaawä; tu’dhe cöneemo’täi nono jo. Wanaadi wwä cöna’deuwacä; cöne’ca’acä töjääcä töweeja’dä’emö weja’do’tojo.

MAADOCO 14:40

Yää ’jeje cönennacai chea yaawä tönoowanoomadö döiñaiñe mmaja. Wönö’näje mmaja cönä’ja’to dea, jooje wetuujeiñe töweijäcäiñe. Chäwwä ya’deuto’como ’je’da cönä’jaacä.

MAADOCO 14:42

Ääma’tätääcä; cöötätäiye eduuwa. Eneetäcä’ma, yu’nei ne’aadö; quee cönä’döaacä Jesuuquidiito tönoowanoomadö wwäiñe.

MAADOCO 7:9

Edääje Jesuuquidiito cönä’döa’dea chäwwäiñe: —Chäänönge jaiño mädääje maatoode, äwäätunnäichomo tödöödö wetä Wanaadi waanontädö me’nomjaatoodö.

MAADOCO 9:31

Töwö tönoowanoomadö cönoowanooma’to; cönä’döaacä chäwwäiñe: —Öwö, Soto nnedö, wä’tuja’de soto wwäiñe. Tönwanno yeemaato’de yaawä. Aaduwaawä anoototo ai waadonca’de wäämaajo jonno; quee cönä’döaacä chäwwäiñe.

JUAN 12:23

Jesuuquidiito cönä’döaacä chäwwäiñe: —Eduuwa chu’nädö aca nä’döi Soto nnedö aashichaatoje töweichö eneejotoojo.

JUAN 12:27

“Eduuwa cone’da wa yeewanö jäcä. ¿Aaquene ä’döjai wanä? Yääje ä’döjai’cha wa Jaaja wwä: “Cowontäcä mädä jääcä töweeja’dä’emö jonno;” quee ä’döjai’cha wa, mädä shinchääne we’eetö’da.

JUAN 17:1

Yääje töwa’deuwö’jeje Jesuuquidiito Tumö wwä cöna’deuwöi, caju ña ene’mancädä. Töwö cönä’döaacä: —Jaaja, eduuwa nä’döi chu’nädö aca. Aashicha Ännedö weichö eneejocä, aashicha mmaja aweichö eneejoiyede töwö.

JUAN 7:30

Yaawä ñanno judhíocoomo Jesuuquidiito ajäi’she cönä’ja’todö’je; anaajäi’chaane cöneiya’to, chu’nädö aca ä’dö’da dea yeijäcä.

JUAN 8:20

Jesuuquidiito yääje cöna’deuwacä Wanaadi weichojo taca töweichö, jödaata ewöötö dö’tä. Ñanno soto anaajäi’cha cöneiya’to, chu’nädö aca ä’dö’da dea yeijäcä.

DOSECHO 7:52

¿Äshono ca Wanaadi wa’deuwödö ecammanei ämmamincha’da cöneiya’to ñanno adhaadai’choncomo? Tönwanno cöneemaicho ñanno jenaadä ñäädä aashichaato weejödö jäcä ecammannamo’jödö. Ñäädä aashichaato we’a’jäcä änwanno mu’täne yaawä, memaatäne dea.