MAADOCO 13:22 - Wanaadi A'deddu

²² joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno ene’ju’tojo nödööaato’de, täneemö mmaja, Wanaadi sotoi jadä’jödöödä encu’täto’comoojato’jödö.

MAADOCO 13:22 ပူးပေါင်းရင်းမြစ်များ

MATEO 24:24

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno jooje ene’ju’tojo nödööaato’de, jooje täneemö mmaja, Wanaadi sotoi jadä’jödöödä encu’täto’comoojatö’jödö.

MATEO 7:15

“Äädai’chätääcä ecammajä’nnamo chäänöngemjöncomo jäcäiñe, ñanno Wanaadi woija’como wätä’tädö. Tönwanno ne’aato’de adhencu’täiñe, oweeja nönge’jödö mma, tääde’cwademjöncomo wa’cä, madooje töweichaameiñe.

MAADOCO 13:21

“Yaawä edääje äwwäiñe soto wä’döa’jäcä: “Eneetäcä’ma, määdhä ñäädä Äwaanacaanei;” ca’jäcä, “Mäntä nai;” quee jeiñe mma maneecanö’täi’che;

MAADOCO 13:23

Odhoowoinchadäiñe’da eichäcä’de änwanno; tameedä äwwäiñe wecammajäätöi dhowaajodä.

MAADOCO 13:6

Jooje soto naato’de öwö yeetö joi töwäätä’tancädäiñe, “Äwaanacaanei öwö;” quee töwä’döancädäiñe. Jooje soto nätäncu’täjaato’de chäwwäiñe.

JUAN 4:48

Jesuuquidiito cönä’döaacä chäwwä: —Ene’ju’tojo mmaja, aashichaato mmaja, aneene’da aweiya’comjäcä ecaanö’jai’cha maato; quee.

2 TIIMOTEO 2:19

Yääje yeichaame Wanaadi a’deddu yäätäädä na, yo’wadö töweiye naichöje. Edääje na chääjäcä imennaajä: “Cajiichaana dhowaanäcä na töwwoncomo;” quee. Edääje mmaja imennaajä nä’döa dea: “Ñäädä Quidiito sotoije yäätä’taajä nä’sancwa’ñojo conemjönö jonno;” quee.

1 JUAN 2:18

Önnacoomo’cä, anooto wataamedö cu’nädö aca yä’döaajä mädä eduuwa. Änwanno metaatäne Quidiito tu’de’tänei we’tojo jäcä. Jooje naato eduuwa Jesuuquidiito tu’de’tännamo. Mädääje yeijäcä ene’ju’jai caato anooto wataamedö cu’nädö yä’döaajäje yeichö.

1 JUAN 2:19

Tönwanno cönä’sancwajoicho cöjaadäiñe töweichöcoomo jonno. Cöjimmotoncomo neenejöönö cönä’ja’to. Dha’da ei’jo mmaane cösancwatäiñe’da eichö cöneiya’to. Tönwanno cösancwatääne täne’ju’dhe yeichö wetä cöjimmotoncomo neeneje’da töweichöcoomo.

1 JUAN 2:26

Edä wimennäi äwwadäädäiñe adhencu’tä’sa’como jäcäiñe.

APOOCADIISI 13:8

Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.

APOOCADIISI 17:8

Ñäädä odoocojaato meneeannö jenaadä cönä’jaacä; eduuwa mmaane ei’cha na. Töwö neja’ca’de ya’tadö inwadö ’jemjönö acanno, töwännanö’emööje mma. Ñäädä eneedö’jo nono de’woncomo nääcatoncaato’de, ñanno weichojo jajeedai’chädö jäcä chäätö ’jemjöncomo edä nono tödö’jödö jonnoto’jödöödä. Ñäädä odoocojaato jenaadä töwei’jödö weichaame eduuwa ei’cha na; yaawääne, äcuude töweiyemööje dea na.