MAADOCO 12:6 - Wanaadi A'deddu

⁶ “Iiñedö mma cönä’jaacä yaawä, tooniyaano, töwö imjummadö. Ñäädä cönaanontäi chea yaawä, yä’cadööje. “ ¿Önnedö jaiñoone ca ñontäjai ñaicho?” quee cöntö’tajä’acä.

MAADOCO 12:6 ပူးပေါင်းရင်းမြစ်များ

MATEO 1:23

Dhanwa acä eijönö niwensu’ta’de; iiñedo nennua’de; Emanweedaje nätä’täja’de; quee cöneecammaichö. Wanaadi cöjaadäiñe na; quee töwä’dö’se yeichö mädä Emanweeda, quee naadö.

MATEO 11:27

Yääje mma yaawä Jesuuquidiito cönä’döaacä soto wwäiñe: —Jaaja cuntui öwwä cajiichaanaje weichojo. Anejja owaanäcä’da na Iiñedö; Yuumö mmaane dhowaanäcä. Yuumö owaanäcä’da mmaja; Iiñedo mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö.

MATEO 17:5

Yääje ya’deutaame dea ca’dutu tawaanato cöneejä immai’chäiñe. A’deu cönäätaacä yaawä ca’dutu do’taca: —Määdhä ñäädä Önnedö umjummadö, ta’cwaiñe chääjäcä waadö. Dha’deddu etaatäcä; quee cönäätaacä a’deu.

MATEO 26:63

Äucwätä’da cönä’jaacä Jesuuquidiito. Yaawä Wanaadi wwä töwa’deuwaamo edhaajotoncomo cönä’döaacä chäwwä: —Ääcammacä eduuwa, Wanaadi nudooto netaadöje. ¿Ñäädä ca amäädä, Äwaanacaanei, Wanaadi nnedö? quee.

MATEO 3:17

A’deu cönäätaacä yaawä caju ña: —Määdhä ñäädä Önnedö umjummadö, ta’cwaiñe chääjäcä waadö; quee cönäätaacä a’deu.

MAADOCO 1:11

A’deu cönäätaacä yaawä caju ña: —Önnedö umjummadö amäädä; ta’cwaiñe wa äjääcä; quee cönäätaacä.

MAADOCO 12:5

Anejja daja cönaanontäi chea yaawä. Ñäädä cöneemaicho. Yää ’jeje audaajä edhaajä anejjacoomo tanoonö daja cönaanontoicho dea yaawä, wanna’cä jeene. Ñanno mmaja yääje cönä’döjoicho dea audaajä edai’chännamo wwäiñe; dhantai taiju’jä’e, dhantai ’chene täma.

MAADOCO 12:7

Yaawä ñanno audaajä edai’chännamo tönwannoje dea cönä’döa’to: “Määdhä ñäädä tumö ca’semjödö töwwä tödöönei. Queematäiye ja, cönaudädööcomooje eiye yaawä edä;” quee cönä’döa’to.

MAADOCO 9:7

Ca’dutu cöneejä yaawä immai’chäiñe. A’deu cönäätaacä yaawä ca’dutu do’taca: —Önnedö umjummadö mä’dä; dha’deddu etaatäcä; quee cönäätaacä.

DUUCA 3:22

Epíiditu Santo cönä’täi ye’wä, täne, jaduuma nönge. A’deu cönäätaacä yaawä caju ña: —Önnedö umjummadö amäädä; ta’cwaiñe wa äjääcä; quee cönäätaacä.

DUUCA 9:35

A’deu cönäätaacä yaawä ca’dutu do’taca: —Määdhä ñäädä önnedö umjummadö; dha’deddu etaatäcä; quee cönäätaacä a’deu.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:18

A’que Wanaadi eneenei ’je’da na, töwäädä ñäädä yäätonno ’jemjönö Iiñedö cöwwäiñe cöneecammajäätöiñe’, ñäädä Yuumö nijummadö.

JUAN 1:34

Öwö weneeaqueene yaawä, yääje yeijäcä wecamma Wanaadi nnedööje yeichö; quee cönä’döaacä Juan Wautiita.

JUAN 1:49

Yaawä Nataanaeede cönä’döaacä: —Owaanomaanei, Wanaadi nnedö amäädä. Ñäädä amäädä iisadaaediitacoomo Cajiichaanaichomo; quee cönä’döaacä.

JUAN 3:35

Yuumö wwä Tönnedö tujunne na; töwö cönnöi tameedä cajiichaanaje.

JUAN 5:23

Yääje yeijäcä tameedä soto tönoiñe eneejai ñaato ñäädä Iiñedö, Yuumö nontädö wa’cä mmaja. Ñäädä Iiñedö ñontäneijönö Yuumö onnontä’da mmaja na dea, ñäädä Iiñedö anontänei’jödö.

EEWEDEO 1:6

Edääje Wanaadi cönä’döaacä awa’deeto Tönnedö anonta’jäcä edä nono de’cäi: Tameedä Wanaadi amoodedö niya’demeecö’ña’to; quee cönä’döaacä.

1 JUAN 4:9

Edä nono de’wä Tönnedö tooniyaano anontädö que Wanaadi cöwwäiñe cöneenejoi töwwä cujummadööcomo. Töwö Tönnedö cönaanontäi cöweichöcoomo u’neije.

3 JUAN 1:1

Öwö, ansiyaano, edä wimenna äwwadäädä, amäädä weichacoono umjummadö Caayo, chäänöngato que wijummaadö.