MAADOCO 12:31 - Wanaadi A'deddu

³¹ Edä yää yää ’jejaato waanontänä, mädä nöngato mmaja: “Aweichacoono ijummacä amäädä äwä’jummadö nönge dea;” quee. Mädä waanontänä e’jodhaato ’je’da na; quee cönä’döaacä Jesuuquidiito.

MAADOCO 12:31 ပူးပေါင်းရင်းမြစ်များ

MATEO 22:39

Edä yää yää ’jejaato waanontänä, mädä nöngato mmaja: “Aweichacoono ijummacä amäädä äwä’jummadö nönge dea.”

MATEO 7:12

“Äjääcäiñe soto yei’sheiñe maatoodöje mmaja chääjäcäiñe eichäcääde. Mädääje dea nä’döa waanontänä imennajä, yää Moisé nimennä’jödö, Wanaadi wa’deuwödö ecammannamo nimenno’jocoomo mmaja.

MAADOCO 12:32

Yaawä ñäädä judhío owaanomaaneichomo cönä’döaacä Jesuuquidiito wwä: —Owaanomaanei, chäänönge yääje mä’döaanä, tooni chämma Wanaadi ña, yäätonno ’je’da.

DUUCA 10:27

Ñäädä cöneccujä’acä; cönä’döaacä: —“Adheedhajä Wanaadi ijummacä adheewanö jadäädä, odo’tadö jadäädä mmaja, äjäädudu jadäädä mmaja, ätö’tajäätödö jädäädä mmaja; aweichacoono ijummacä amäädä äwä’jummadö nönge dea;” quee waanontänä imennaajä wä’dödö na; quee cönä’döaacä ñäädä.

CAADATA 5:14

“Aweichacoono ijummacä amäädä äwä’jummadö nönge dea;” quee nä’döa imennaajä. Mädä waanontänä tödöödö que tameedä anejja waanontänä mödööato dea.

1 JUAN 4:21

Edääje töwö Wanaadi canontätääne: Ñäädä Wanaadi ijummanei, töweichacoono mmaja ijummajai ña dea, quee.