MAADOCO 12:12 - Wanaadi A'deddu

¹² Yaawä ñanno judhío edhaajotoncomo Jesuuquidiito ajäi’she cönä’ja’to towaanäcäiñe yeijäcä töjääcäiñe yö’seenoje ya’deuwödö. Yaawääne’, soto nontädööcomooje anaajäi’cha cöneiya’to. Cöntonto yaawä etöömadööje mma.

MAADOCO 12:12 ပူးပေါင်းရင်းမြစ်များ

MATEO 21:26

Dha’da ’quene, soto woijato mma cönä’jaacä; ca’jäcä cöwwäiñe soto quiiñontaato, tameedä soto Wanaadi wa’deuwödö ecammaneije Juan ecaanö’ajä; quee cönä’döa’to ñanno judhío edhaajotoncomo.

MATEO 22:22

Yää eta’jäcä tönwanno cöneeta’jöjäätöicho. Jesuuquidiito cönnämäicho yaawä; cöntonto yaawä.

MAADOCO 11:18

Yääje yä’dödö cöneetaicho ñanno Wanaadi wwä töwa’deuwaamo edhaajotoncomo, judhío owaanomannamo mmaja. Tönwanno Jesuuquidiito emaatojo töntö’tamme’que cönä’ja’to tönnontä töweijäcäiñe, tameedä soto ñeecammajäätödö jooje eta’se yeichomjäcä mmaja.

MAADOCO 11:32

Yaawääne’ soto woijatooje e’täjai’cha mmaja caato dea; quee cönä’döa’to. Tönwanno soto woijatooje e’tä’se’da cönä’ja’to soto tönnontä töweichomjäcä, Wanaadi wa’deuwödö ecammaneije Juan Wautiita töneecanö’e soto weichomjäcä.

DUUCA 20:19

Ñanno Wanaadi wwä töwa’deuwaamo edhaajotoncomo, judhío owaanomannamo mmaja, Jesuuquidiito ajäi’she cönä’ja’to yaawä, towaanäcäiñe yeijäcä töjääcäiñe yää yö’seenoje ya’deuwö’jödö; töwäädä soto cönnonta’tone’.

DUUCA 20:6

Dha’da ’quene, “Soto woijato mma cönä’jaacä;” ca’jäcä, tameedä soto täju que cöwääjä’jaiñe naato, Wanaadi anoonöje Juan ecaanö’eetö’da chäwwäiñe; quee cönä’döa’to ñanno judhío edhaajotoncomo.

JUAN 7:25

Yaawä anejjacoomo judhío Jeduusadén ñancomo cönä’döa’to: —¿Ñäädä jönca määdhä emaadö wetä tunuujiye weneenetoodö?

JUAN 7:30

Yaawä ñanno judhíocoomo Jesuuquidiito ajäi’she cönä’ja’todö’je; anaajäi’chaane cöneiya’to, chu’nädö aca ä’dö’da dea yeijäcä.

JUAN 7:44

Dhantai ajäi’she cönä’ja’to; yääje yeichaame anaajäi’cha cöneiya’to.