MAADOCO 11:18 - Wanaadi A'deddu

¹⁸ Yääje yä’dödö cöneetaicho ñanno Wanaadi wwä töwa’deuwaamo edhaajotoncomo, judhío owaanomannamo mmaja. Tönwanno Jesuuquidiito emaatojo töntö’tamme’que cönä’ja’to tönnontä töweijäcäiñe, tameedä soto ñeecammajäätödö jooje eta’se yeichomjäcä mmaja.

MAADOCO 11:18 ပူးပေါင်းရင်းမြစ်များ

MATEO 21:15

Ñanno Wanaadi wwä töwa’deuwaamo edhaajotoncomo, judhío owaanomannamo mmaja, cöneenea’to yääje tödöödö chäwwä. Mudeeshi’chä cä’tömjätöödöcoomo cöneeta’to dea Wanaadi weichojo taca: “Aashichaato määdhä Dawí weichö;” quee yä’dödödööcomo. Yääje yeijäcä tönwanno cönäätömaicho;

MATEO 7:28

Yääje Jesuuquidiito wa’deuwa’jäcä ñanno soto cöneeta’jöjäätöicho,

MAADOCO 1:22

Ñanno soto cöneeta’jöjäätöicho yaawä jäduuje owaanomaadö weijäcä chäwwä, cajiichaana nowaanomaadö nönge, judhío owaanomannamo nowaanomaadö nönge’da.

MAADOCO 11:32

Yaawääne’ soto woijatooje e’täjai’cha mmaja caato dea; quee cönä’döa’to. Tönwanno soto woijatooje e’tä’se’da cönä’ja’to soto tönnontä töweichomjäcä, Wanaadi wa’deuwödö ecammaneije Juan Wautiita töneecanö’e soto weichomjäcä.

MAADOCO 12:12

Yaawä ñanno judhío edhaajotoncomo Jesuuquidiito ajäi’she cönä’ja’to towaanäcäiñe yeijäcä töjääcäiñe yö’seenoje ya’deuwödö. Yaawääne’, soto nontädööcomooje anaajäi’cha cöneiya’to. Cöntonto yaawä etöömadööje mma.

MAADOCO 3:6

Yaawä ñanno jaadiseeo cöneeja’caicho. Tönwanno cöna’deuwa’to yaawä Edoodhe sotoi jadäiñe Jesuuquidiito emaatojo jäcä.

MAADOCO 6:20

Juan tönnontä Edoodhe weijäcä. Töwö Edoodhe dhowaanäcä cönä’jaacä aashicha Juan weichö, chäänöngatooje yeichö mmaja. Yääje yeijäcä Edoodhía wwä töneewontä cönä’jaacä. Towaanäcä’da Juan necammajäätödö wäätataame Edoodhe eta’se dea töweiye cönä’jaacä.

DUUCA 19:47

Töwö anooto waadäi Wanaadi weichojo taca tönoowanooma töweiye cönä’jaacä. Wanaadi wwä töwa’deuwaamo edhaajotoncomo, judhío owaanomannamo mmaja, acu’shänääja’como mmaja, ema’se töweiye cönä’ja’to.

DUUCA 2:47

Tameedä dha’deddu etannamo’jödö cönääwammajoicho shejjedö eneea’jäcä töwwäiñe, ñeccujäätödö eta’jäcä mmaja.

DUUCA 20:19

Ñanno Wanaadi wwä töwa’deuwaamo edhaajotoncomo, judhío owaanomannamo mmaja, Jesuuquidiito ajäi’she cönä’ja’to yaawä, towaanäcäiñe yeijäcä töjääcäiñe yää yö’seenoje ya’deuwö’jödö; töwäädä soto cönnonta’tone’.

DUUCA 4:22

Tönwanno aashicha cöna’deuwa’to chääjäcä yaawä. Yaacö’comje cönäätaacä ya’deuwödö. Tönwanno cönä’döa’to: —¿Ñäädäjöönö ca määdhä, José nne’jödööjönö?

JUAN 7:1

Yää ’jeje Jesuuquidiito cönäämannä’acä Caadideea chäcä. Judheea chäcä töwäämannäjö’se’da cönä’jaacä judhíocoomo täma’se yeichomjäcä.

JUAN 7:19

“ ¿Moisé jönca cuntui äwwäiñe jenaado’jä waanontänä? Yääje yeichaame yää ännö’da määnetääne. ¿Ane’que’nei yeema’se maato? quee cönä’döaacä Jesuuquidiito.

JUAN 7:46

Ñanno waadiya cöneccujä’a’to yaawä: —A’que na soto ñäädä wa’deuwödö nöngato wa’deuwödö; quee.

DOSECHO 24:25

Yaawä Paudo cöneecammajäätöi chäwwäiñe chäänönge weiñä jäcä, towaadäädä weiñä jäcä mmaja, wätämmencajootojo anootoi’chädö jäcä mmaja. Yaawä Jeedi cönääcatoncai; cönä’döaacä Paudo wwä: —Chääwa’cä na; äjääne eduuwa. Aneedawä anooto awääde mana’dejja’de, täde weichö woije; quee cönä’döaacä.