MAADOCO 10:47 - Wanaadi A'deddu

⁴⁷ Jesuuquidiito Naasade ñano yää ai yeeja’dätäädö eta’jäcä ñäädä wwä, töwö cönaajäntäi yaawä töcä’tömjätöödö; cönä’döaacä: —Wentumje cäneecä Jesuuquidiito, amäädä Dawí weichö: quee cönä’döaacä.

MAADOCO 10:47 ပူးပေါင်းရင်းမြစ်များ

MATEO 1:1

Edä yää jajeeda imennaajä, Jesuuquidiito adai’chomo’jödö eetöcoomo. Jesuuquidiito cönä’jaacä Dawí weichö, Aawadán weichö mmaja.

MATEO 12:23

Soto cönääcatoncaicho yaawä; cönä’döa’to: —¿Ñäädä ca mä’dä Dawí weichö? quee cönä’döa’to Jesuuquidiito jäcä.

MATEO 15:22

Yääje mma yaawä wodi Canaanea ñano, yää jataawono, Jesuuquidiito cöna’dejjai, cönä’döaacä: —Cajiichaana, Dawí nnedö, wentumje cäneecä. Önnedö wodi’chä näntunaanö’a jooje; odo’sha ’je na; quee cönä’döaacä.

MATEO 2:23

Iiña töwä’döa’jäcä Naasade ña cöneejata’täi. Yää cöneeja’dätäi Wanaadi wa’deuwödö ecammannamo wä’dö’jocoomo nönge yeichö wetä, yää: “Naasade ñanooje Äwaanacaanei nätä’täja’de;” quee yä’dö’jocoomo naichö.

MATEO 20:30

Aacä tänuuquemjöncomo yäätä cönä’ja’to, äämä taawä yaatajiima’como. Töwwäiñe eta’jäcä tödö’täcäiñe Jesuuquidiito wötäädö tönwanno cöncä’tömöicho yaawä: —Wentumje ñaa eneecä Cajiichaana, amäädä Dawí weichö; quee cönä’döa’to.

MATEO 21:11

Anejjacoomo soto cönä’döa’to yaawä: —Jesuuquidiito määdhä, Naasade ñano, yää Caadideea ñano jata. Wanaadi wa’deuwödö ecammanei töwö; quee cönä’döa’to.

MATEO 21:9

Awa’de’como wötäädö, möcääcä’ja’como mmaja, cöncä’tömjä’a’to; cönä’döa’to: —Aashichaato määdhä cajiichaana Dawí weichö. Aashichaato määdhä Cädhaajotoncomo eetö joiño we’ajä. Aashichaato ñäädä Wanaadi; quee cönä’döa’to.

MATEO 26:71

Yaawä jödo’na töweeja’cadaawä anejja wodi wwä cönäädantojoi chea yäätä. Ñäädä wodi cönä’döaacä yäätoncomo wwä: —Määdhä mmaja cönä’ja’dea Jesuuquidiito Naasade ñano jadä; quee cönä’döaacä Peedhodo jäcä.

MATEO 9:27

Yäätonno Jesuuquidiito wöta’jäcä aacä tänuuquemjöncomo cönta’to inchäcä. Töcä’de cöna’deuwa’to; cönä’döa’to: —Wentumje ñaa eneecä, amäädä Dawí weichö; quee cönä’döa’to.

MAADOCO 1:24

—¿Ane’cotoojo ñaa aquiima’se mannea, Jesuuquidiito, Naasade ñano? ¿Ñaa acoichajo ca meejä? Yoowanääcä dajaane ma, Wanaadi anoonö aashichaatoje aweichö; quee cönä’döaacä ñäädä odo’sha ’jano.

DUUCA 4:16

Naasade ña Jesuuquidiito cöntämä yaawä, töwennejenca’jödö ña. We’jummatoojo taca cönoomomöi wäädeetatoojo anootoi’chädö awä, töweichö nöngeedä. Töwö cönammöi yaawä Wanaadi a’deddu imennaajä a’de’tädö wetä.

JUAN 1:46

Yaawä Nataanaeede cönä’döaacä chäwwä: —Naasade ñanno mmädä aashichaato eja’cadööde’; quee. Jediipe cönä’döaacä yaawä: —Ma’che’ma, meneetaiye.

JUAN 19:19

Pidaato cömmennäjoi yaawä ta’de’täämö; cönaajoijojoi yaawä cuduusa jäcä. Edääje cönä’jaacä yää imennaajä: “Määdhä ñäädä Jesuuquidiito Naasade ñano, judhío Cajiichaanaichomo;” quee imennaajä cönä’jaacä.

JUAN 7:41

Anejjacoomo ’quene cönä’döa’to: —Ñäädä määdhä Äwaanacaanei; quee. Anejjacoomo mmaane cönä’döa’to: —¿Aaquene mmaja Caadideea ñanooje Äwaanacaanei eichöde’ ?

JUAN 7:52

Yaawä tönwanno cönä’döa’to chäwwä: —¿Caadideea ñano ca amäädä dea? Oowanoomacä’ma Wanaadi a’deddu imennaajä jäcä, odhoowanääcä mödöiye yaawä Caadideea ñanno’da Wanaadi wa’deuwödö ecammanei we’tojo weichö; quee cönä’döa’to Niicodheemo wwä.

DOSECHO 6:14

Edääje yä’dödö ñaa cöneetaacä: “Jesuuquidiito Naasade ñano Wanaadi weichojo nichaadaca’de, Moisé waanontä’jödö ninwacaama’dede;” quee yä’dö’jödö ñaa cöneetaacä; quee cönä’döa’to ñanno Eteewa ementännamo.

APOOCADIISI 22:16

—Öwö Jesuuquidiito yaamodeedö wanontäne edä jäcä ecammajä’e quedeiyentecoomo wwäiñe. Öwö ñäädä cajiichaana Dawí adaichö, Dawí atöödö mmaja. Öwö ñäädä shidiichä tawaanato, yaawaanadaawoto.