MAADOCO 10:43 - Wanaadi A'deddu

⁴³ Änwanno mmaane yääje eijai’cha maato. Ñäädä adhantawäiñe o’jodhe töwei’shato töjimmä anoonöcoomoje eijai ña.

MAADOCO 10:43 ပူးပေါင်းရင်းမြစ်များ

MAADOCO 10:42

Jesuuquidiito tönoowanoomadö cöna’dejjaicho yaawä; cönä’döaacä chäwwäiñe: —Änwanno odhoowanääcäiñe Wanaadi dhowoonojöncomo edhaajotoncomo o’jodhe töwei’she yeichöcoomo. Ñanno cajiichaanacoomo tösootoichomo jäduuje tönaanontäjä’e weneeneto.

MAADOCO 10:44

Ñäädä adhantawäiñe cajiichaanaje töwei’shato töjimmä wwäiñe tödööjä’neije nei’ñojo.

MAADOCO 9:35

Yaawä Jesuuquidiito cönaatajiimai; tönoowanoomadö cöna’dejjaicho, ñanno amoojadooto de’wä aaco’como. Töwö cönä’döaacä chäwwäiñe: —Ñäädä cajiichaanaje töwei’shato tameedä dho’noncomooje eijai ña, tameedä soto anoonöcoomoje mmaja; quee cönä’döaacä.

DUUCA 14:11

Ñäädä o’jodhaato tö’tajäätödö dho’noncomooje nä’döja’de. Ñäädä dho’noncomo tö’tajäätödö o’jodhe nä’döja’de; quee cönä’döaacä Jesuuquidiito.

DUUCA 18:14

Öwö yääje wä’döa äwwäiñe: Ñäädääne, acu’shänä jödaatai i’jummaneiñe töcoone’nadiiyö täncwanno’jo cönennacai tömmai chaca, jaadiseeojöönööne. Ñäädä o’jodhaato tö’tajäätödö dho’noncomooje nä’döja’de. Ñäädä dho’noncomo tö’tajäätödö mmaane o’jodhe nä’döja’de; quee cönä’döaacä Jesuuquidiito.

DUUCA 22:26

Änwanno mmaane yääje eijai’cha maato. Ñäädä adhantawäiñe cajiichaanajaato, odho’noncomo nönge eijai ña; ñäädä adhaanontäneichomo, anooje mmaja eijai ña dea.

DUUCA 9:48

Yaawä töwö cönä’döaacä tönoowanoomadö wwäiñe: —Ñäädä öwö jääcäinchädä määdhä mude’cä’cä aashicha tödöönei, öwö mmaja aashicha yöödöa dea. Ñäädä aashicha yöödönei, yaanontänei’jödö aashicha tödöödö wa’cä mmaja na dea yää. Ñäädä dho’noncomo adhantawäiñe, ñäädä ñäädä adhe’jodha’como; quee cönä’döaacä Jesuuquidiito.

JUAN 18:36

Jesuuquidiito cönä’döaacä yaawä: —Edä nono de’wonoojönö cajiichaanaje weichojo na. Dha’da ei’jo sootoi ewäänä’tädö neiyaato, judhío wwäiñe tu’e’da weichö wetä. Edä nono de’wonoojönööne cajiichaanaje weichojooje na öwö; quee cönä’döaacä Jesuuquidiito Pidaato wwä.

DOMAANO 12:2

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

CAADATA 5:13

Jimmä, Wanaadi adha’dejjatääne jedeeso nönge’da aweichöcoomo wetä. Yääje yeichaame mädääje aweichöcoomo ajuunucoomo nijummadö woije tödöötojooje tödööjai’cha maato. Ootowoije mmaane eichäcä, äwä’jummancädäiñe.