MAADOCO 10:33 - Wanaadi A'deddu

³³ cönä’döaacä: —Jeduusadén ña cöötaato eduuwa. Iiña Soto nnedö nä’tuja’de Wanaadi wwä töwa’deuwaamo edhaajotoncomo wwäiñe, judhío owaanomannamo wwäiñe mmaja. Tönwanno emaadö na’de’taato’de. Judhíojöncomo wwäiñe nu’aato’de yaawä.

MAADOCO 10:33 ပူးပေါင်းရင်းမြစ်များ

MATEO 16:21

Yaawä Jesuuquidiito cönaajäntäi tönoowanoomadö wwäiñe ecammajäätödö Jeduusadén ña töötotoojo jäcä, iiña inchoncomo wwä töwäätä’maminchajootojo jäcä mmaja, Wanaadi wwä töwä’deuwaamo edhaajotoncomo wwäiñe mmaja, judhío owaanomannamo wwäiñe mmaja. Chäwwäiñe tämaatojo cöneecamma’dea, aaduwaawä anoototo ai töwaadoncatoojo mmaja.

MATEO 26:66

¿Aaquene tödööemje nichö’taanä äwwäiñe? quee cönä’döaacä. Ñanno cönä’döa’to yaawä: —Conemjönö mä’dä; tämamje töwö na; quee.

MATEO 27:2

Tönwanno tömööe Jesuuquidiito cönaadoicho yaawä; acu’shänä Pidaato wwä cuntuicho.

MAADOCO 14:64

¿Metaato jönca Wanaadi wa’cotooje yäätä’tädö? ¿Aaquene tödööemje nichö’taanä äwwäiñe? quee cönä’döaacä. Tameedä tönwanno tämaamöje Jesuuquidiito cöne’toicho yaawä.

MAADOCO 15:1

Yaawä tööjanaacadä Wanaadi wwä töwa’deuwaamo edhaajotoncomo cöne’jummaicho inchoncomo jadäiñe, judhío owaanomannamo jadäiñe mmaja, tameedä äcamma’jonnamo jadäiñe mmaja. Tönwanno tömööe Jesuuquidiito cönaadoicho; Pidaato wwä cuntuicho.

MAADOCO 8:31

Yaawä Jesuuquidiito cönaajäntäi tönoowanoomadö wwäiñe ecammajäätödö Soto nnedö wäntunaanö’tojo jäcä. Töwö cöneecamma’dea inchoncomo wwä chiiñeme’tojo, Wanaadi wwä töwa’deuwaamo edhaajotoncomo wwäiñe mmaja, judhío owaanomannamo wwä mmaja. Soto nnedö wäämatoojo mmaja cöneecamma’dea, aaduwaawä anoototo ai yaadoncatoojo mmaja.

MAADOCO 9:12

Töwö cöneccujä’a’to; cönä’döaacä chäwwäiñe: —Chäänöngato mädä; Edía awa’de ye’tojo na, tameedä choonecaaneije. Öwö, Soto nnedö, jääcä imennaajä töweiye na, yää wäntunaanö’tojo jäcä, wä’quiiñeme’jotoojo jäcä mmaja.

MAADOCO 9:31

Töwö tönoowanoomadö cönoowanooma’to; cönä’döaacä chäwwäiñe: —Öwö, Soto nnedö, wä’tuja’de soto wwäiñe. Tönwanno yeemaato’de yaawä. Aaduwaawä anoototo ai waadonca’de wäämaajo jonno; quee cönä’döaacä chäwwäiñe.

DUUCA 23:21

Tönwanno jooje’cä mma cöncä’tömjä’a’to yaawä; cönä’döa’to: —Cuduusa jäcä ajoijojoocä. Cuduusa jäcä ajoijojoocä; quee.

DUUCA 9:22

Töwö cönä’döaacä chäwwäiñe: —Soto nnedö töwäntunaanö’emööje na; töwä’quiiñeme’joomöje na dea inchoncomo wwä, Wanaadi wwä töwa’deuwaamo edhaajotoncomo wwäiñe mmaja, judhío owaanomannamo wwä mmaja. Tönwanno nemaato’de. Yaawä aaduwaawä anoototo ai töwö naadonca’de; quee cönä’döaacä.

JUAN 18:28

Yaawä Caijaasa jonno Jesuuquidiito cönaadoicho acu’shänä ewöötö taca. Tööjanaacadä cönä’jaacä; ñanno Jesuuquidiito adännamo judhíocoomo omoomö’da cöneiya’to acu’shänä ewöötö taca töwaamoi’chädööcomo queiñe, Weja’dätä’jä anooto awoono amiiñä’caajä änäänä’da töweichöcoomo queiñe yaawä.

JUAN 18:32

Mädääje chäänönge cönä’döi Jesuuquidiito necamma’jödö töwäämatoojo jäcä.

JUAN 19:11

Jesuuquidiito cöneccujä’acä yaawä: —Wanaadi mädääje yöödöjo’se’da yeiya’jäcä yöödöjai’cha meichö. Ñäädä, äwwä yu’nei’jödö, jooje’cä jeene choone’nadiiyö na; quee cönä’döaacä Jesuuquidiito.

DOSECHO 13:27

Ñanno Jeduusadén ñancomo, chäädhajootoncomo mmaja, dhowaanäcäiñe’da cönä’jaacä Äwaanacaaneije Jesuuquidiito weichö. Chäwwäiñe ääta’da töweiye cönä’jaacä Wanaadi wa’deuwödö ecammannamo nimenno’jocoomo, yää wäädee tatoojo anooto waadäi töwaata’de’tä weneenedö. Töwwäiñe Jesuuquidiito tämaamöje yeichö e’ta’jäcä tönwanno cönnöicho ñanno nimenno’jocoomo wä’dödö nönge.

DOSECHO 20:22

Eduuwa wöta Jeduusadén ña, Epíiditu Santo nenno’jadö woije, yoowanääcä’da yeichaame iiña jääcä yeeja’do’tojo.

SANTIYAACO 5:6

Chäänönga’como conemjönööje töne’tä määnetääne, tömja’eiñe mmaja. Yääje yeichaame oojo’tä’da weneeneto äjääcäiñe.