MAADOCO 10:24 - Wanaadi A'deddu

²⁴ Ñoowanoomadö cönääcatoncaicho yaawä dha’deddu eta’jäcä. Yaawä Jesuuquidiito cönä’döaacä chäwwäiñe: —Önnacoomo’cä, tadaawaajuje na tönsomaadö ijummanei wwä Wanaadi töcaajichaanaije tödöödö.

MAADOCO 10:24 ပူးပေါင်းရင်းမြစ်များ

MATEO 19:25

Yää eta’jäcä ñoowanoomadö cönääcatoncaicho. Tönwannoje dea cönä’döa’to: —¿Änääcööne ääwanaacajai ñai, yääje yeiya’jäcä?

MAADOCO 1:27

Tameedä soto cönääcatoncaicho yaawä. Tönwannoje dea cönä’döa’to: —¿Aaqueneeto mädä? ¿Ane’cäämö nöngato wätunnä mädä? Töwö odo’shancomo jadä’jödöödä nanontaato; tönwanno töneeta dha’deddu; quee cönä’döa’to.

MAADOCO 10:23

Yaawä Jesuuquidiito cönä’jedennacai soto wwadäädäiñe; cönä’döaacä tönoowanoomadö wwäiñe: —Tadaawaajuje na tönsomaaca’como wwäiñe Wanaadi töcaajichaanaichomooje tödöödö, tönaudäca’como wwäiñe chäänönge mmaja; quee cönä’döaacä.

DUUCA 16:14

Ñanno jaadiseeo, jödaata jummannamo, yääje yä’dödö cöneetajä’a’to; Jesuuquidiito cönenno’jä’a’to yaawä.

JUAN 13:33

Önnacoomo’cä, numa’da mma ajaadäiñe weichojo na eduuwa. Änwanno a’que cujiiyato’de; judhío wwäiñe wä’döaaquennöje mmaja wä’döa dea äwwäiñe: Öwö öötotoojo döiña änwanno täjai’cha maato; quee.

JUAN 21:5

Yaawä Jesuuquidiito cönä’döaacä chäwwäiñe: —¿Ani’yä’da mmädä ca meiyato, mudeeshi? Tönwanno cönä’döa’to: —Ng’jn, a’que na; quee.

JUAN 6:60

Yää eta’jäcä ñoowanoomadö wwäiñe tönwanno dhantai cönä’döa’to: —Äätaque’jönö mädä ecammajäätödö. ¿Änääcö mädä etaajai ñai? quee.

CAADATA 4:19

Önnacoomo’cä, wodi töwensu’dato tönnedö’cä töiñe’ma töweiye naichö wa’cä wäntunaanö’a dea eduuwa äjääcäinchädäiñe, Quidiito nönge äwä’dödööcomo wa’cä.

1 TIIMOTEO 6:17

Yäätuujacooto edä nono de’woncomo tönsomaaca’como, o’jodhe chö’tajäätö’da yeichöcoomo wetä, mösooma jäcä jooje chö’tajäätödööcomo queiñe mmaja, töwaatameemö mma yeijäcä yää mösooma. Wanaadi jäcääne chö’tajä’jai ñaato, ñäädä nudooto, aashicha cöweicho’comooje ewontancädä’da cöwwäiñe tameedä u’nei.

1 JUAN 2:1

Önnacoomo’cä, edä wimenna äwwadäädäiñe conemjönö ännö’da aweichöcoomo wetä. Yaawääne’ conemjönö tödööa’jäcä anejja wwä, töweiye na Cumöötoncomo wwä cöjääcäinchädäiñe töwa’deuwemö, ñäädä Jesuuquidiito chäänöngato.

1 JUAN 4:4

Önnacoomo’cä, änwanno maato Wanaadi sotoije. Anwanno me’jodheinchatääne ñanno ecammajä’nnamo chäänöngemjöncomo, jäduuje’cä yeijäcä ñäädä Epíiditu Santo ataacaiñe naadö, edä nono de’wono e’jodhe’cä.

1 JUAN 5:21

Önnacoomo’cä, äädai’chätääcä wanaadija’como chäänöngemjöncomo jäcäiñe. Amén.

APOOCADIISI 3:17

Edääje äwä’dödö amäädä: “Tönsomaaque wa öwö; jooje öncana’cadö na. Tujummaamö ’je’da na eduuwa öwwä;” quee äwä’dödö. Yaawääne’ äntö’tammecö’da ma wentumje aweichö, ema’jödööje aweichö mmaja, tönsomaaque’da aweichö mmaja, tänuuque’da aweichö mmaja, töwonque’da aweichö mmaja.