MAADOCO 10:17 - Wanaadi A'deddu

¹⁷ Yäätonno yääma’tädaawä dhanwa cöneeca’tömöi Jesuuquidiito wwadäädä. Tä’mudhe cönä’döi ije’taca; cöneecamma’joi: —Owaanomaanei aashichaato, ¿ane’cäämö tödööjai wanä weichö töwaatamemjönö chaana’catoojoje? quee cönä’döaacä.

MAADOCO 10:17 ပူးပေါင်းရင်းမြစ်များ

MATEO 17:14

Yaawä ñanno jooja’como soto döiñaiñe Jesuuquidiito wä’döa’comjäcä, dhanwa cöneejä Jesuuquidiito wwadäädä. Tä’mudhe cönä’döi ije’taca; cönä’döaacä:

MATEO 25:34

Yaawä Cajiichaana nä’döa’de ämu’demjönö dö’sencomo wwä: “Ä’täcä änwanno, Jaaja nijummadö, ijaatawä meichäiye, yää edä nono wamoodeta’jödö jonnoto’jödöödä äwwoncomooje choonecaajä naadö.

MATEO 28:8

Yääje mma yaawä ñanno wodiiñamo cöneeja’caicho äwa tacanno. Tösaade cönä’ja’to, ta’cwaiñe mmaja. Cöneeca’tömöicho Jesuuquidiito nowaanomaadö wwäiñe ecammajä’e.

MAADOCO 1:40

Yääje mma yaawä dhanwa woi ’jano cöneejä Jesuuquidiito wwadäädä. Tä’mudhe cönä’döi; cönä’döaacä: —Yeejichö’tä’se aweiya’jäcä yeejichö’täjai ma; quee cönä’döaacä.

MAADOCO 10:18

Jesuuquidiito cönä’döaacä chäwwä: —¿Ane’cotoojo aashichaatoje cä’taanä? Aashichaato ’je’da na soto. Wanaadi mma ñäädä aashichaato.

MAADOCO 12:14

Jesuuquidiito döiña töwä’döa’comjäcä ñanno cönä’döa’to chäwwä: —Owaanomaanei, ñaa owaanäcä chäänöngatooje aweichö. Ooto’jodhe soto ännö’da ma amäädä, ye’wono woije mma anemmenca’da aweijäcä. Wanaadi a’deddu jäcä chäänönge tönoowanooma amäädä. Edääje adheecamma’jo’se ñaa na: ¿Aashicha eijai ñai jödaata utuudu acu’shänä wwä, cone’daane? ¿Aaquene eijai ñai, tu’e, tu’e’daane? quee cönä’döa’to Jesuuquidiito wwä.

MAADOCO 9:25

Yaawä töwwadäädä jooja’como soto we’jummadööcomo eneea’jäcä Jesuuquidiito odo’sha cöneuwöi; cönä’döaacä: —Odo’sha ana’deudeme’jojöönö, aneetajoojönö mmaja, yääje wä’döa äwwä, dhacanno adheeja’cacä. Dhaca mmaja yää ’jeje odhoomomöi’chede; quee cönä’döaacä.

DUUCA 10:25

Yääje mma yaawä judhío owaanomannamo jimmä cönammöi; töwö Jesuuquidiito oneejadööje cönä’döaacä: —Owaanomaanei, ¿ane’cäämö tödööjai wanä weichö töwaatamemjönö chaana’catoojoje? quee cönä’döaacä.

JUAN 3:2

Töwö cöntämä Jesuuquidiito döiña, coijai; cönä’döaacä chäwwä: —Owaanomaanei, ñaa owaanäcä na Wanaadi nanontä’jödööje aweichö ñaa owaanomaaneije. Anejja tödööjai’cha mädä täneemö tönnöe määneneedö Wanaadi chääjadä’da yeiya’jäcä; quee cönä’döaacä Niicodheemo Jesuuquidiito wwä.

JUAN 5:39

Änwanno Wanaadi a’deddu imennaajä töna’de’tä määnetääne; yää a’de’tädö que mma aweichöcoomo chaana’cajai aweiyaatäiñe. Öwö jääcä ecammajä’taame yää imennaajä

JUAN 6:40

Ñäädä Iiñedö eneenei, ecaanö’nei mmaja, yeichö töwaatamemjönö töweiye na, yaanontänei’jödö woije dea; öwö wadonca’de yaawä anooto wataamedaawä; quee cönä’döaacä Jesuuquidiito.

DOSECHO 16:30

Töwö cunu’caicho yaawä jedeeso ewöötö’tädö tacanno; cöneecamma’joicho: —¿Ane’cäämö tödööjai wanä wääwanaacatoojoje? quee cönä’döaacä.

DOSECHO 2:37

Yää se’ne cöneetaicho ñanno soto; tönwanno Peedhodo cöneecamma’joicho yaawä, anejjacoomo anonta’como mmaja: —¿Ane’cäämö tödööjai ñaa nai, jimmä? quee cönä’döa’to.

DOSECHO 20:32

“Eduuwa jimmä, Wanaadi wwä maneedai’chajaato. Töwö dha’deddu aashichaato adheedai’chaato’de, äjäädu’taato’dede. Töwö dha’deddu tödöödö que änwanno ejoodöjai maato ñanno shooma’como jadäiñe aweicho’como.

DOSECHO 9:6

Saudo cöntätä’nöngacä yaawä tösaccomje. Töwö cönä’döaacä: —Cajiichaana, ¿ane’cäämö tödööjo’se manä öwwä? quee. Yaawä Cajiichaana cönä’döaacä chäwwä: —Aanöncä; jataaca äjääne. Yäätä töweiye na äwwä ecammanei; quee.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

EUJEESIYO 1:18

Wanaadi wwä ätö’tajäätödööcomo weijotoojo töne’ca’e wäänene dea, odhoowanääcäiñe yeichö wetä yaawä onwomoocödööcomo, yää äwwäiñe yeichö wetä adha’dejjatäänedö. Töne’ca’e wäänene dea odhoowanääcäiñe yeichojo joojato aashichaato Wanaadi nutuudu tösootoi wwäiñe.

TIITO 3:7

Aashicha töweichö woije Wanaadi töjaadonooje cödöötäne, töwaatamemjönö cöweicho’como cöwwäiñe yeichö wetä, yää quiiyomo’catoodö.

EEWEDEO 1:14

Ñanno tameedä Wanaadi amoodedö naato tanontaamoje mma, töwääwanaacaamo i’wa’tännamooje anonta’como.

1 PEEDHODO 1:4

Eduuwaatoje töwennue cöweijäcäiñe cöwwäiñe töweiyemööje na Wanaadi nutuudu töwaatamemjönö, töweecone’mamjönö mmaja, jemi yu’tacoi töweiye naichö nönge’da. Yää cöwwoncomooje tösooma na caju ña.

1 JUAN 2:25

Töwö Jesuuquidiito dea cöneecammai cöwwäiñe cöweichöcoomo töwaatamemjönö.