MAADOCO 1:32 - Wanaadi A'deddu

³² Yaawä cho’momöödawä, tööje yä’döa’jäcä, Jesuuquidiito döiña soto cönne’a’to tameedä cädäija’como, odo’sha ’ja’como mmaja.

MAADOCO 1:32 ပူးပေါင်းရင်းမြစ်များ

MATEO 4:24

Chääcadö cöneecatai yaawä tameedä Siidiya ña. Ñanno iiñancomo cädäija’como cönnejooto yöiña, chäwwä adoncajoodö wetä. Anejjejaiñene’jödöödä cönä’jaacä chäädäichöcoomo. Odo’sha ’jacomo cönnejooto dea, änönnä’ja’como mmaja, secumja’como mmaja. Jesuuquidiito cönaadoncaicho tameedäädä.

MATEO 8:16

Yaawä cho’momöödawä Jesuuquidiito döiña soto cönnejooto odo’sha ’ja’como. Töwö cömja’canö’joicho odo’shancomo tooniye töwa’deuwö’jödö que mma. Tameedä cädäija’como mmaja cönaadoncaicho dea.

MATEO 8:17

Mädääje cöneeja’dätäi chäänönge Isaía nimennä’jödö yä’dödö wetä, ñäädä Wanaadi wa’deuwödö ecammanei: “Töwö dea cöcäädäichöcoomo cöneejichö’täi, jäduuje’da cöweichöcoomo mmaja;” quee immennä’jödö naadö.

MAADOCO 1:21

Yääje mma yaawä Cajeedamu ña cönä’döicho. Wäädeetatoojo anooto awä Jesuuquidiito soto cönoowanooma’to we’jummatoojo taca.

MAADOCO 1:31

Yaawä Jesuuquidiito cöntämä chäwwadäädä; dhamäädö jäcä cönannäjöi. Yaawä dea mma eccö’da cönä’döi ñäädä wodi. Chääwanshiñööcomo cöneejodöi yaawä.

MAADOCO 3:2

Yäätoncomo soto Jesuuquidiito cöneene’ma’to; ¿adoncatai ’ja, wäädeetatoojo anooto yeichaame? quee töucwadööcomooje, chääjäcä cone’da töwa’deuto’como ejoodödö wetä yaawä.

DUUCA 4:40

Yaawä cho’momöödawä tameedä cädäija’como cönnejooto Jesuuquidiito wwadäädä, tameedä anejjeja’como chäädäichöcoomo. Jesuuquidiito cönaadoncaicho tameedäädä, ye’wäiñe tamäädö tödöödö que.

DUUCA 4:41

Jooje odo’shancomo mmaja cöneeja’caicho soto acannoiñe, töcä’tömjä’ancädäiñe: —Wanaadi nnedö amäadä; quee töwä’döancädäiñe. Töwö Jesuuquidiito cöneeta’jöichaja’to; ana’deujotäiñe’da cönä’jaacä, dhowaanäcäiñe töweijäcä Äwaanacaaneije töweichö.