JUUDHA 1:8 - Wanaadi A'deddu

⁸ Yääje yeichaame ñanno chäänöngemjöncomo, cantawäiñe tacaade’da yääwaaca’como wecammaatoodö, yääje mmaja naato dea. Töwäänetööa’como tönwanno. Täjööcomo töncone’ma weneeneto; Cajiichaana Jesuuquidiito tönquimmajä’e mmaja. Cone’da töwa’deuwe weneeneto dea tameedä tönoiña’como jäcä.

JUUDHA 1:8 ပူးပေါင်းရင်းမြစ်များ

DUUCA 11:25

Yaawä iiña mmaja töwä’döa’jäcä täwöötö’jödö nedanta maa töseemeeca ñängajä eijai ñaadöje, töcoonecaajä’e mmaja.

DUUCA 12:11

“Yaawä we’jummatoojo taca adhaadäa’comjäcä, äcamma’jonnamo wwadäädä jeiñe mma, acu’shänä wwadäädä jeiñe mma, äwwäiñe eccujo’to’como jäcä mma mätäncano’tätäi’che, awa’deuto’como jäcä jeiñe mma.

DUUCA 19:14

Yaawä ñäädä täneejucaato jataawoncomo cönquiiñemeecöicho; tanoonöcoomo cönaanontäicho inchäcä: “Määdhä töcaajichaanaije ämjumma’da ñaa na;” quee ä’döe.

DOSECHO 23:5

Paudo cönä’döaacä yaawä: —Yoowanääcä’da nä’jaanä Wanaadi wwä töwa’deuwaamo edhaajotoncomooje yeichö; dha’da ei’jo mmaane aneccujäätö’da eichö weiya, yääje imennaajä wä’dödö weijäcä: “Adheedhajootoncomo jäcä cone’da adha’deuwöi’che;” quee yeijäcä; quee cönä’döaacä Paudo.

DOSECHO 7:27

Yaawä ñäädä töweichacoono aiju’jä’nei Moisé cönaadimai; cönä’döaacä chäwwä: “ ¿Änääcö ayöödöne ñaa cajiichaanaije, ñaa ecamma’joneije mmaja?

DOSECHO 7:39

“Yääje yeichaame ñanno cadai’choncomo Moisé cömjo’maicho; yoije töwei’sheiñe’da cönä’ja’to. Tönwanno Ejiito ña mmaja töwennaca’seiñe cöna’ja’to.

1 CODINTIYO 3:17

Anejja wwä Wanaadi weichojo choone’ma’jäcä Wanaadi nennanö’ca’de ñäädä, tönoiñe yeijäcä Wanaadi weichojo, yää maatoodö.

1 TEESADOONISENSE 4:8

Yääje yeijäcä ñäädä edä wä’wätuujanä chiiñeme’nei, soto a’deddujöönö nichiiñeme’ca, Wanaadi a’dedduune, ñäädä Epíiditu Santo u’nei’jödö cöwwäiñe.

1 TIIMOTEO 1:10

masuuduijato wwonooje mmaja, dhanwa acä dhanwa conemjönö tödöönei mmaja, soto ememme’nei mmaja, juutujaato mmaja, soto ementännamo mmaja. Tameedä chäänöngato woowanoomanä juntacaano wwonooje mmaja na dea yää waanontänä.

EEWEDEO 13:17

Adhe’se’tännamo waanontädööcomo tödöötäcä; yoijeiñe eichäcä, aweichöcoomo edai’chännamooje yeichomjäcä. Äcuude tönwanno Wanaadi wwä nätääcamma’jajaato’de adheedai’cho’jocoomo jäcä. Aashicha eichäcä, ta’cwaiñe tötaadawaajuichomo tödöiyeto, taquiiñuque’daane. Äwwäiñe aquiñu’taja’jäcä aashicha aweicho’como ’je’da eijai ña.

1 PEEDHODO 2:17

Tameedä soto aashicha tödöötäcä. Quedeiyentecoomo ijummatääcä. Wanaadi ñontätääcä. Aashicha acu’shänä tödöötäcä.