JUUDHA 1:7 - Wanaadi A'deddu

⁷ Sodhooma ñancomo cönä’ja’todö naane’, Comooda ñancomo mmaja, anejja amoinchemjönö jataawoncomo mmaja; tönwanno Wanaadi amoodedö wei’yejeiñe mmaja tömaasuduicha töweiye cönä’ja’to, anejja chäänöngemjönö mmaja tönnöe cönä’ja’to dea. Yää cöneejemaicho wa’to töwaatamemjönö que töwäätä’maminchajoodöcoomo que. Yääje yei’jocoomo na cöwä’se’jadoojoto’comooje.

JUUDHA 1:7 ပူးပေါင်းရင်းမြစ်များ

MATEO 10:15

Chäänönge yääje wä’döa äwwäiñe, tönwanno imaaminchadööcomo jooje’cä na’de yaawä wätämmencajootojo anooto awä, Sodhooma ñancomo maminchadööcomo e’jodhe’cä, Comooda ñancomo maminchadööcomo e’jodhe’cä mmaja.

MATEO 11:24

Yääje yeijäcä yääje wä’döa äwwäiñe, wätämmencajootojo anooto awä Sodhooma ñancomo e’jodhe’cä mäntunaanö’ato’de; quee cönä’döaacä Jesuuquidiito.

MATEO 25:41

“Yaawä töwö Cajiichaana nä’döa’de ämu’dato dö’sencomo wwä: “Ojoncomo jonno änwanno töwännanö’aamö; wa’to töwaatamemjönö aca ojoncomo, yää odo’shancomo weicho’comooje choonecaajä naadö.

DUUCA 17:29

Yaawä Sodhooma ñanno Doote weja’ca’jäcä wa’to cönä’mei caju ñanno, acuudajadä dhatu’jödö joccato jadä, tameedä töja’to’comooje.

1 CODINTIYO 6:9

¿Odhoowanääcäiñe’da ca’ nai chäänöngemjöncomo Wanaadi jataacäi täjai’cha yeichöcoomo? Mätäncu’tojootäi’che, ñanno Wanaadi jataacäi täjai’cha naato, töiño jonno, töjiiñamo jonno jeiñe mma anejja enaawä töweiyato, chu’taajä ijummanei mmaja, masuuduijato mmaja, dhanwa acä dhanwa conemjönö tödöönei mmaja,

2 TEESADOONISENSE 1:7

Änwanno mäntunaanö’aatoodö wwäiñe mmaane töwö nu’a’de äwäädeetato’como; ñaa wäädeetatoojo mmaja nu’a’dede caju ñanno Cajiichaana Jesuuquidiito wääneja’jäcä tamoodedö jäduuja’como jadäiñe.

2 TEESADOONISENSE 1:8

Töwö Jesuuquidiito ne’a’de wa’to töjääcä. Töwö nichuuseijaato’de Wanaadi ämjummajöncomo’jödö, ñanno Cädhaajotoncomo Jesuuquidiito wätunnäi aashichaato woije töwei’shemjöncomo’jödö.

2 PEEDHODO 2:2

Jooje naato’de shootoichomo, conemjönö iiñödööcomo nönge tödönnamo mmaja. Tönwanno yoija’comooje cone’da soto na’deuwaato’de quedeiyenteje weiñä jäcä.

2 PEEDHODO 2:6

Sodhooma ñancomo, Comooda ñancomo mmaja, Wanaadi cönennanö’caicho dea yau’cwadö que. Mädääje töwö cönnöi yää ’jeja’como conemjönö dönnamo wä’sejje’toto’comooje.

2 PEEDHODO 3:7

Wanaadi a’deddu woije mmaja edä caju eduuwa naadö tödhau’cwaamöje tösooma na, edä nono mmaja. Yaawä nä’dhau’cwaja’de, wätä’maminchajootojo anootoi’chädö awä, Wanaadi woijemjöncomo nä’ja’aato’dedö awä.