JUUDHA 1:4 - Wanaadi A'deddu

⁴ Anejjacoomo Wanaadi woijemjöncomo tacaade’da cantawäiñe yääwaaca’como töweiye naato. Jenaadä dea ñanno wännanö’to’como cönäätäcammai Wanaadi a’deddu imennaajä jäcä. Tönwanno aashicha Wanaadi weichö tönnöe weneeneto conemjönö tönnöto’comooje. Ñäädä Wanaadi, tooniyaano Cädhaajotoncomo, tömjo’ma weneeneto, Cädhaajotoncomo Jesuuquidiito mmaja.

JUUDHA 1:4 ပူးပေါင်းရင်းမြစ်များ

MATEO 13:25

Yaawä soto wöncödaawäiñe chu’dedö cöneejä. Chuu mmädä cönnatö’täi äiña do’taca; cöntämä yaawä.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

DOSECHO 11:23

Iiña ñäädä wä’döa’jäcä cöna’cwainchai yaawä chääjäcäiñe Wanaadi nödöödö aashichaato eneea’jäcä. Töwö cönwätuujaicho yaawä ejääduqueejö’da yeiyancädäiñe Cajiichaana woije yeichöcoomo wetä.

DOSECHO 15:24

Ñaa cöneetaacä eetonno anejjacoomo wöto’jocoomo adöiñaiñe. Ñanno töneecammajäätödööcomo que adhaaquimmatäiñe weneeneto, adhaashichuudätäiñe mmaja. Tönwanno siicunsidaadoje ayöödöjo’seiñe naato, jenaado’jä waanontänä tödööjo’se naato dea äwwäiñe. Ñaa nanontädööjönö ñanno cönä’ja’to.

CAADATA 2:4

Anejjacoomo quedeiyenteja’como wätä’tädö Tiito siicunsidaadoje tödööjo’se cönä’ja’todö’je. Ñanno ñaa we’jummaajä antaca cönääwaacaicho tacaade’da. Tönwanno eta’se cönä’ja’to Jesuuquidiito jadä aashicha cöweichöcoomo jäcä, cashiichuudädööcomo wetä mmaja yaawä jenaado’jä tödööjodö que.

CAADATA 5:13

Jimmä, Wanaadi adha’dejjatääne jedeeso nönge’da aweichöcoomo wetä. Yääje yeichaame mädääje aweichöcoomo ajuunucoomo nijummadö woije tödöötojooje tödööjai’cha maato. Ootowoije mmaane eichäcä, äwä’jummancädäiñe.

EUJEESIYO 4:14

Mudeeshi’chä nönge eijai’cha caato eduuwa, aneene’jutu’da’da; wätunnä waadäi ataadojoojai’cha caato dea, jejeichä nemannäjöödö töweiye naichöje. Ñanno wätäncu’tänä jäcä towaanojo’na’como wwäiñe ätäncu’tojoojai’cha mmaja caato dea, ñanno chäänöngemjönö ai cadä’seiñe weneenetoodö.

1 TIIMOTEO 5:8

Ñäädä töjimmä ani’wa’täjöönö, töwä’jimmä’tädö ani’wa’täjöönö mmaja, töneecamjödö nijoome’da, quedeiyentejöönö o’näde na töwö.

2 TIIMOTEO 2:12

Chääjadä cöwäntunaanö’a’comjäcä, chääjadä cajiichaanaje caato’dede. Ijoome’da’jäcä cöwwäiñe, töwö mmaja cöjoome’daato’dede.

2 TIIMOTEO 3:6

Ñanno yääja’como soto e’sacaiñe töwoomonge weneeneto wodiiñamo ta’seuda’como encu’tädööcomo wetä. Ñanno wodiiñamo jooja’como choone’nadiiyö; tönwanno tösaadijange naato änneene’jödöödä conemjönö ijummadö que.

1 PEEDHODO 2:16

Änwanno jedeeso nönge aweichöcoomo jonno töwäätu’ca maato eduuwa. Yääje yeichaame mädä töwäätu’ca aweichöcoomo conemjönö ännöto’comooje tödööjai’cha maato; Wanaadi anoonöjeene eijai maato.

1 PEEDHODO 2:8

Edääje mmaja imennaajä nä’döa dea: Ñäädä dhanwa na’de soto weju’co’to’me; täju soto emajjoneichomo töweiye naichöje mmaja na’dede; quee. Ñanno aneecanö’jöncomo neju’cä’aato Wanaadi a’deddu ännö’da töweijäcäiñe. Yääje töweiyaamoje dea cönä’ja’to.

1 PEEDHODO 4:18

Aashichaatodä ääwanaacaque’jönö naane’, töwaacö’je mma Wanaadi woijemjönö, ñäädä conemjönö dönei.

2 PEEDHODO 2:10

Jooje’cä jeene Wanaadi nimaaminchaato’de ñanno conemjönö tumjummadööcomo woija’como, ñanno Cajiichaana chiiñeme’nnamo. Tösaademjöncomo tönwanno, jäduuja’como mmaja. Tönoiña’como jäcä cone’da töwa’deuwödööcomo onnontä’da tönwanno.

2 PEEDHODO 2:7

Doote mmaane Wanaadi cöneewanaacai, ñäädä dhanwa chäänöngato. Ñäädä Doote töquincha cönä’jaacä conemjönö tödöödö eneedö ñanno conemjöncomo wwäiñe.

2 PEEDHODO 3:7

Wanaadi a’deddu woije mmaja edä caju eduuwa naadö tödhau’cwaamöje tösooma na, edä nono mmaja. Yaawä nä’dhau’cwaja’de, wätä’maminchajootojo anootoi’chädö awä, Wanaadi woijemjöncomo nä’ja’aato’dedö awä.

1 JUAN 2:22

¿Änääcö ñäädä töwä’dunaato, quee ’ja? Ñäädä Jesuuquidiito Äwaanacaaneije yeichö ijo’me’dänei, ñäädä ñäädä töwä’dunaato. Yääjato wä’dödö töwä’dunaato ñäädä, Quidiito tu’de’tänei mmaja, Cumöötoncomo tömjome’dä yeijäcä, Iiñedö tömjome’dä yeijäcä mmaja.

JUUDHA 1:15

tameedä soto emmencadööcomo wetä, tameedä Wanaadi woijemjöncomo maminchadööcomo wetä mmaja tameedä conemjönö iiñö’jocoomo jo’tädööje, yää Wanaadi nijummadö woije’da cönnöichodö. Tameedä töjääcä cone’da ya’deuwö’jocoomo jo’tädööje mmaja nimaaminchaato’dede;” quee cönä’döaacä Enooco.

JUUDHA 1:18

Edääje ñanno cönä’döa’to: “Anooto ataamejai yä’döa’jäcä anejjacoomo naato’de Wanaadi enno’jä’nnamooje. Conemjönö tumjummadööcomo woije mma naato’de;” quee cönä’döa’to Jesuuquidiito nanontädö ñanno chäänöngemjöncomo jäcä.

APOOCADIISI 15:4

¿Änääcö onontä’da eichöde’, amäädä Cajiichaana? ¿Änääcö o’jodhaatoje adhe’tä’da eichöde’? ñäädä mmaane aweiyajä aashichaato. Tameedä sotoocomo ne’aato’de äwwadäädä; awa’deme’caato’de, chäänönge aweichö tacaade yeijäcä; quee soto cöneecanta’ña’to.