JUUDHA 1:12 - Wanaadi A'deddu

¹² Jöije weneeneto, tujuumä äwääwashinchädaawäiñe töweewodoicha yeichomjäcä, wo’nontänä ’je’da. Oweeja edai’chännamo töwwäädo’como wä’jummadö töweiye naichodö nönge tönwanno. Ca’dutu conoojo ’jemjönö töweiye naichöje mmaja naato dea, jejeichä nemannäjöödöje. Dee töweejössetaatojo cu’nädö awä ejössetaajönö nönge mmaja tönwanno. Aacäde töwääma naato, dee imo’dichaajä töweiye naichöje.

JUUDHA 1:12 ပူးပေါင်းရင်းမြစ်များ

MATEO 13:6

Yaawääne’, shii weja’ca’jäcä cöiñatui; tömiiche’da yeijäcä cuiñu’tai.

MATEO 15:13

Jesuuquidiito cönä’döaacä chäwwäiñe: —Tameedä Jaaja caju ñano niñaatö’tädööjönö nätu’caja’de imiichö jadäädä.

MAADOCO 4:6

Yaawääne’, shii weja’ca’jäcä cöiñatui; tömiiche’da yeijäcä cuiñu’tai yaawä.

DUUCA 12:45

Dha’da ’quene edääje ñäädä dhanoonö chö’tajä’a’jäcä: “Yeedhajä e’jai’cha dea na;” quee chö’tajä’a’jäcä, tädhaajä sotoi aiju’jätöödöcoomo yaajänta’jäcä, ñanno dhanwaacomo, wodiiñamo mmaja, töweewodoichadö yaajänta’jäcä, töwä’dacuudu mmaja,

DUUCA 16:19

“Dhanwa töweiye cönä’jaacä, tönsomaacato. Töwö töweewontä cönä’jaacä aashichaato que, camiisha täjeeto awä mmaja. Anooto waadäi jooje töwääwashinchä cönä’jaacä töjimmä jadäiñe.

DUUCA 21:34

“Odhoowoinchadäiñe’da eichäcä änwanno, wääwashinchänä jäcä tö’tajä’nä que moowoinchatäi’che, wä’dau’nä que mmaja, edä nono de’wono jäcä tö’tajä’nä que mmaja, äwwäiñe tacaade’da mma yää anootoi’chädö aca ä’dö’no.

DUUCA 8:6

Dhantai dhadöödö cönä’mei toojajaato de’wä. Töwa’tadööje mma cuiñu’tai yaawä, tuna ’je’da yeijäcä.

EUJEESIYO 4:14

Mudeeshi’chä nönge eijai’cha caato eduuwa, aneene’jutu’da’da; wätunnä waadäi ataadojoojai’cha caato dea, jejeichä nemannäjöödö töweiye naichöje. Ñanno wätäncu’tänä jäcä towaanojo’na’como wwäiñe ätäncu’tojoojai’cha mmaja caato dea, ñanno chäänöngemjönö ai cadä’seiñe weneenetoodö.

JIDIIPENSE 3:19

Tönwanno töwännanö’aamoje naato. Tujuunucoomo nijummadö mma tädhaajotoncomooje tönnöe weneeneto. Yää töjöichöcoomoje eijaicho’jödö yeewataashimaato’comooje mma na. Tönwanno chö’tajäätödööcomo edä nono de’wono jäcä mma.

1 TIIMOTEO 5:6

Ñäädä iiño wääma’jödö edä nono de’wono jäcoono cadootadö mmaane nudä töweichaame yäämaajä nönge na.

EEWEDEO 13:9

Anejja wätunnä que, chäänöngemjönö que mmaja mä’sadiijannä’cajootäi’che. Wanaadi nutuudu aashichaato queene cötö’tajäätödööcomo ijä’du’täjai caato, äwanshi amoi’chädö que’daane. Yää tödöödö que chäänönge ä’dö’da weneeneto ñanno tödönnamo.

SANTIYAACO 5:5

Edä nono de’wä aweichöcoomo wwadaadäädä ämjummadööcomo a’que’da’da weneene; tameedä ämjummadööcomo woije tönnöe määnetääne. Jaaca töweejuiye naichöje töweejuiye määnetääne. Amiiñä’cadö cu’nädö amoinche’da nä’döi eduuwa.