JUUDHA 1:1 - Wanaadi A'deddu

¹ Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.

JUUDHA 1:1 ပူးပေါင်းရင်းမြစ်များ

MATEO 10:3

Jediipe mmaja; Waadotoodomé mmaja; Tomá mmaja, Mateo mmaja, ñäädä acu’shänä jödaatai i’jummanei’jödö; Jacoowo mmaja, Aadeujeeo nnedö; Deweo mmaja, ñäädä Tadheo täätö mmaja;

MATEO 13:55

¿Ñäädäjöönö ca määdhä, jatuuwa tödööjä’nei nne’jödööjönö? ¿Yeenö jönca Madía, dhacontomo Jacoowo, José mmaja, Simón mmaja, Juudha mmaja?

MAADOCO 3:18

Antedé mmaja cönä’ja’dea; Jediipe mmaja; Waadotoodomé mmaja; Mateo mmaja; Tomá mmaja; Jacoowo mmaja, ñäädä Aadeujeeo nnedö; Taadheo mmaja; Simón mmaja, ñäädä jäduujato dha’deddu;

MAADOCO 6:3

¿Ñäädäjöönö ca määdhä jatuuwa döjä’nei? ¿Yeenö jönca Madía, dhacontoncomo Jacoowo, José mmaja, Juudha mmaja, Simón mmaja? ¿Tameedä jönca cöjaadäiñe naicho ijaadui’chomo? quee cönä’döa’to soto. Tönwanno cone’da cönä’ja’to chääjäcä.

DUUCA 6:16

Juudha mmaja, Jacoowo acoono; Juudha Icaadiyoote mmaja, ñäädä Jesuuquidiito u’nei’jödö dea.

JUAN 12:26

Ñäädä sootoije töwei’shato waanontädö woije nödö’ñojo; öwö weichö dö’tä mmaja sootoi ña’de. Ñäädä öwö woije tödöönei jäcä Jaaja nödööa’de aashichaato.

JUAN 14:22

Yaawä Juudha cönä’döaacä chäwwä, ñäädä Icaadiyootejöönö: —Owaanomaanei, ¿ane’que’nei ñaa wwä mma määnejaanä’de, tameedä soto wwäiñe äänejo’da?

JUAN 15:16

Änwanno yei’cha meiya’quene; öwööne maneichäne. Öwö mane’tätääne aweejössataadöcoomo wetä, yeichöje adheejedöödöcoomo yeichö wetä. Tameedä öwö yeetö joi Jaaja wwä ane’catäädöcoomo, töwö nu’a’de.

JUAN 17:15

Edä nono de’wonno adääcoto, quee a’dö’da wa äwwä; Odo’sha wwä ewontäcooto, queene wä’döa.

JUAN 17:17

A’deu chäänöngato que shoomacooto; adha’deddu yää a’deu chäänöngato.

JUAN 17:19

Tönwanno chääjäcäinchädäiñe chäänönge wa, tönwanno mmaja chäänönge eiyetoode a’deu chäänöngato que.

JUAN 6:39

Jaaja, yaanontänei’jödö woije dea tooni’chä anennanö’ca’da wa’de ñanno öwwä inchudu; öwö wadoncaato’de yaawä anooto wataamedaawä.

DOSECHO 1:13

Yaawä jataaca töwä’döa’comjäcä taawa de’cäi cönäncuicho, yää ä’sa chaaca töwä’döa’como cönä’ja’todö döiña. Chääjadäiñe cönä’ja’to Peedhodo; Jacoowo mmaja; Juan mmaja; Antedé mmaja; Jediipe mmaja; Tomá mmaja; Waadotoodomé mmaja; Mateo mmaja; Jacoowo mmaja, ñäädä Aadeujeeo nnedö; Simón mmaja chääjadäiñe cönä’ja’dea, ñäädä jäduujato dha’deddu. Juudha mmaja cönä’ja’dea, ñäädä Jacoowo acoono.

DOSECHO 20:32

“Eduuwa jimmä, Wanaadi wwä maneedai’chajaato. Töwö dha’deddu aashichaato adheedai’chaato’de, äjäädu’taato’dede. Töwö dha’deddu tödöödö que änwanno ejoodöjai maato ñanno shooma’como jadäiñe aweicho’como.

DOSECHO 27:23

Edä coijaichawä amoode näänejoi öwwä, Waanadiiyö anoonö, ñäädä shootoije waadö.

DOMAANO 1:1

Öwö, Paudo, Jesuuquidiito anoonö, anontaajäje Wanaadi ne’tädö; Wanaadi chea yaanontäne ta’deddu ecammajä’e, yää aashichaato wätunnä.

DOMAANO 1:6

Ñanno mmaja änwanno dea chäwwäiñe täcammajä’aamo, Jesuuquidiito sotoije Wanaadi ne’tädö.

DOMAANO 16:18

Ñanno yääja’como Cädhaajotoncomo Jesuuquidiito anoonöje’da naato; tumjummadööcomo woije mma weneeneto. Tönwanno towoinchado’como tönencu’täiñe weneeneto aashichaato wa’coto ta’dedducoomo que, wäämu’nä’nä que mmaja.

DOMAANO 6:22

Eduuwa mmaane conemjönö jonno töwä’sancwa maatoodö Wanaadi anoonöje maato. Eduuwaane michaana’caato Wanaadi wwonooje aweeconeecato’como, aweichöcoomo eneetojo mmaja.

DOMAANO 8:30

Ñanno töne’tä’jödö Wanaadi cöna’dejjaicho dea; töna’dejja’jödö töjaadonooje cönnöicho; töjaadonooje tönnö’jödö aashicha töweiyaamoje mmaja cönnöicho dea.

DOMAANO 9:24

Töwö Wanaadi ca’dejjatääne judhíocoomo, judhíojöncomo mmaja.

1 CODINTIYO 1:2

nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo. Änwanno Wanaadi sotoije mä’dötääne Jesuuquidiito jadä äwä’dödööcomo que. Wanaadi adha’dejjatääne aashicha aweicho’comooje tameedä yeichö wa’co’como Cädhaajotoncomo Jesuuquidiito ecaanö’nnamo jadäiñe. Töwö Jesuuquidiito na ñanno edhaajotoncomooje, cönwanno Cädhaajotoncomooje mmaja.

1 CODINTIYO 6:11

Mädääje mä’ja’quene änwanno dhantai, töwäädä adheecoccajootäneene’. Eduuwa Wanaadi wwonooje tösooma maato; Epíiditu Santo ai töwö Wanaadi töjaadonooje ayöödötääne Cajiichaana Jesuuquidiito joi.

EUJEESIYO 5:26

Töwö Quidiito cönä’tui quedeiyentecoomo shoomadööcomo wetä, tuna que choccadööcomo que, ta’deddu que choccadööcomo que mmaja.

1 TEESADOONISENSE 2:12

Edääje äwäätuujatäiñe ñaa cönä’jaacä: “Wanaadi sotoi weichö nönge deaane eichäcä, ñäädä tösootoije adhe’täneichomo’jödö, aashicha töweichö enennamooje adhe’täneichomo’jödö mmaja;” quee töwä’döe ñaa cönä’jaacä äwwäiñe.

1 TEESADOONISENSE 5:23

Wanaadi, ñäädä täncanoode’da weichojo edhaajä, chäänönge jeene ocoonecaato. Töwö dea yä’jödöödä adheedai’chaato conemjönö ’je’da aweichöcoomo wetä odo’tadööcomo jäcä, ätö’tajäätödööcomo jäcä mmaja, adheejöcoomo jäcä mmaja, Cädhaajotoncomo Jesuuquidiito weejödö jonaane.

2 TIIMOTEO 1:9

Töwö Wanaadi cäwaanacaatäne; ca’dejjatääne dea töwwonooje cöweichöcoomo wetä. Töwö cäwaanacaatäne aashichaato cönnödööcomo jäcäinchädä’da, tumjummadö woijeene, Jesuuquidiito jäcäinchädä cujummatäiñe töweijäcä mmaja. Töwö Wanaadi cujummatääne edä nono tödöödö owaajodääde.

2 TIIMOTEO 4:18

töwö dea yeewanaaca’de tameedä conemjönö jonno; aashicha yeedai’cha’de töjaatacäi caju ña wä’dödö jonaane. Töwö aashicha wa’deutojooje na, yeichöödäje. Amén.

EEWEDEO 3:1

Yääje yeijäcä jimmä shooma’como, änwanno Wanaadi sotoije a’dejja’como, Jesuuquidiito jäcä ätö’tajä’täcä, ñäädä Anontaajä, cöjääcäinchädäiñe Wanaadi wwä töwa’deuwemö, ñäädä queecanö’atoodö.

SANTIYAACO 1:1

Öwö Santiyaaco, Wanaadi anoonö, Cajiichaana Jesuuquidiito anoonö mmaja, ya’deujödö wadääja äwwadäädäiñe, änwanno iisadaaediitacoomo, amoojadooto de’wä aacä adhaadai’choncomo naadö, tameedä nono weichö wa’cä äwäämecanta’como maatoodö.

1 PEEDHODO 1:2

Jenaadä töntö’tammecöödö woije Cumöötoncomo Wanaadi tösootoije adhe’tätääne. Epíiditu Santo ocoonecaatäne Wanaadi woije aweichöcoomo wetä, Jesuuquidiito aquiiyö que töcocca aweichöcoomo wetä mmaja. Aashichaato, täncanoode’da aweicho’como mmaja, äwwäiñe yeejamö’se wa.

1 PEEDHODO 1:5

Änwanno Wanaadi töneecanö’e aweichomjäcä töwö töjäädudu que adheedai’chätäiñe weneene, äwääwanaacato’como ejoodödö wetä äwwäiñe, yää yaatameedawä täneejoomöje naadö.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

1 PEEDHODO 5:10

A’dhe äwäntunamjö’jejeiñe Wanaadi ocoonecaato’de. Töwö ä’wa’taato’de, yäätäädä äjäädu’taato’dede. Wanaadi ñäädä aashichaato edhaajä. Töwö ca’dejjatääne aashichaato töwaatamemjönö enennamooje cöweichöcoomo wetä, Jesuuquidiito jadä.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

JUUDHA 1:21

Wanaadi nijummadööje eichäcä. Töwäämaamöje’da cöweicho’como utuutojo anootoi’chädö yoomo’täcä, yää wentumje äneetä töweichö woije Jesuuquidiito cöwwäiñe nu’a’dedö.

JUUDHA 1:3

Jimmä umjummadö, cöwääwanaacadööcomo jäcä äwwadäädäiñe imennä’se wä’jaaquennö’je, yaawääne’ tujunne’cä jeene öwwä cöntö’taacä äwäätuujadööcomooje imennädö. Edääje äwäätuuja’seiñe wa: Töweewänä’tääne adheewänä’tätääcä aashichaato wätunnä jäcäinchädä, yää Wanaadi sotoi wwäiñe tooniye yeichöödäje cönä’tuichö.