JUAN 9:22 - Wanaadi A'deddu

²² Tönwanno yääje cönä’döa’to judhíocoomo nontädööje, yääje yä’dö’jocoomo weijäcä: “Anejja wwä Äwaanacaaneije Jesuuquidiito e’ta’jäcä tu’ca na’de yaawä cöjaadäiñe yeichö jonno;” quee yä’dö’jocoomo weijäcä.

JUAN 9:22 ပူးပေါင်းရင်းမြစ်များ

DUUCA 6:22

“Ta’cwaiñe eijai maato soto wwäiñe aquiiñeme’ca’comjäcä, asancwa’comjäcä mmaja, adheetana’ta’comjäcä mmaja, conemjönööje adhe’ta’comjäcä mmaja öwö, Soto nnedö, sotoije aweichöcoomo jo’tädööje.

JUAN 1:19

Yaawä judhío Jeduusadén ñancomo tanoonöcoomoje cönaanontoicho Wanaadi wwä töwa’deuwaamo; dewiitacoomo mmaja cönaanontoicho dea, Juan ecamma’jo. Ñanno Juan cöneecamma’joicho: —¿Änääcö amäädä? quee cönä’döa’to. Yaawä sa’donna Juan cönääcammai,

JUAN 16:2

Ñanno edä nono de’woncomo ayu’caato’de töjaadäiñe aweichöcoomo jonno. Äcuude tönwanno aja’ato’de, Wanaadi wwä aashichaato töwwäiñe tödööaatäi.

JUAN 19:38

Yääje mma yaawä José Aadimaatea ñano Pidaato wwä cöne’catäi Jesuuquidiito equeejödö; Pidaato cönaadojoi chäwwä. Ñäädä José cönä’jaacä Jesuuquidiito ecaanö’nei, tacaade’daane, judhío tönnontä töweijäcä. Ñäädä cöntämä yaawä; Jesuuquidiito equeejödö cönaadäi.

JUAN 20:19

Yää anooto co’momöödawä dea tujuumä ñoowanoomadö cönä’ja’to; semaana waajäntädö anootoi’chädö cönä’jaacä. Tönwanno iiñata’tadööcomo ta’duque cönä’jaacä judhío nontädööcomooje. Yaawä Jesuuquidiito cöneejä, dhantawäiñe cönä’jaacä; töwö cöna’dejjaicho; cönä’döaacä chäwwäiñe: —Täncanoode’da aweicho’como äwwäiñe yei’she wa; quee.

JUAN 7:13

Tönwanno tacaade’da töwa’deuwe cönä’ja’to chääjäcä, judhío nontädööcomooje.

JUAN 9:18

Judhíocoomo aneecamjö’da cönä’ja’to tänuuque’da yeichö jonno yääjichö’tä’jödö. Yääje yeijäcä tönwanno cöna’dejjaicho tänuuquemjönö’jödö umö, yeenö mmaja;

JUAN 9:21

Töneene yä’dö’jödö mmaane ñaa owaanäcä’da na; enu’tänei’jödö ñaa owaanäcä’da mmaja. Inchomo dajaane mä’dä, töwööne ecamma’jotääcä; töwö dea ääcammajai ña; quee cönä’döa’to tänuuquemjönö’jödö umö.

JUAN 9:34

Yaawä ñanno judhío cönä’döa’to chäwwä: —¿Amäädä mmädä ñaa mowaanomannea, conemjönö acaano wennuaajä mmädä? quee cönä’döa’to. Töjaadäiñe yeichö jonno cunu’caicho yaawä.

JUAN 9:35

Yääje mma yaawä Jesuuquidiito cöneetaacä tänuuquemjönö’jödö u’ca’jödö. Yaawä dhacä töwoojodööa’comjäcä töwö cönä’döaacä chäwwä: —¿Mecaanö’anä Wanaadi nnedö? quee.

DOSECHO 4:18

Yää ’jeje tönwanno Peedhodo cöna’dejjaicho, Juan mmaja; cönä’döa’to chäwwäiñe: —Jesuuquidiito jäcä maneecammajä’täi’che eduuwa; chääjäcä soto monoowanoomatäi’chede; quee cönä’döa’to.

DOSECHO 5:13

Anejjacoomo soto mmaane tösaade töweiye cönä’ja’to, chääjadäiñe töwoojodö’seiñe’da. Yääje yeichaame tameedä soto wacö’comje ñanno quedeiyentecoomo cönä’ja’to.

DOSECHO 5:40

Ñanno cöneeta’to dha’deddu. Anonta’como cöna’dejjaicho yaawä; taiju’jä’e mma cönaiju’jätöicho; cönä’döa’to chäwwäiñe: —Jesuuquidiito jäcä mma maneecammajä’täi’che eduuwa; quee cönä’döa’to. Cönenno’jaicho yaawä.

APOOCADIISI 21:8

Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.