JUAN 8:19 - Wanaadi A'deddu

¹⁹ Yaawä tönwanno cöneecamma’joicho: —¿Äsha oomo nai? quee cönä’döa’to. Töwö cönä’döaacä: —Änwanno odhoowanääcäiñe’da wa, Jaaja odhoowanääcäiñe’da mmaja. Odhoowanääcäiñe wei’jo mmaane, Jaaja odhoowanääcäiñe mmaja eichö dea; quee cönä’döaacä Jesuuquidiito.

JUAN 8:19 ပူးပေါင်းရင်းမြစ်များ

MATEO 11:25

Yääje mma yaawä Jesuuquidiito cönä’döaacä: —Ta’cwaiñe wäänene äjääcä Jaaja, amäädä caju Edhaajä, nono Edhaajä mmaja, edä anaawanaanö’ca’da awei’jödö weijäcä towaanojo’na’como wwä, töseedujä’na’como wwä mmaja. Mudeeshi’chä nönga’como wwä mmaane mawaananö’cane.

JUAN 1:10

Ñäädä A’deu cönä’jaacä edä nono de’wä. Töwö dhai tameedä yeichö wa’cä tödö’jödö weichaame Wanaadi wwä, edä nono de’woncomo aneene’jutu’da cöneiya’to.

JUAN 1:18

A’que Wanaadi eneenei ’je’da na, töwäädä ñäädä yäätonno ’jemjönö Iiñedö cöwwäiñe cöneecammajäätöiñe’, ñäädä Yuumö nijummadö.

JUAN 15:21

Tönwanno mädääje ayöödöaato’de sootoije aweichöcoomo jo’tädööje, towaanäcäiñe’da yeijäcä yaanontänei’jödö.

JUAN 16:3

Mädä äjääcäiñe nödööaato’de Jaaja towaanäcäiñe’da yeichomjäcä, öwö dhowaanäcäiñe’da weijäcä mmaja.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

JUAN 7:28

Yää etaadö’jo Jesuuquidiito täta cöna’deuwöi yaawä Wanaadi weichojo tawä owaanomaadawä. Töwö cönä’döaacä: —¿Odhoowanääcäiñe dämma wanä? ¿Weejö’jödö mmaja odhoowanääcäiñe nai chea? Öwö woije’da dajaane we’ne; ñäädä chäänöngato yaanontäne, ñäädä odhoowanoojönööcomo.

1 CODINTIYO 15:34

Odhoowadäädäiñe eichäcä; conemjönö männötäi’che; anejjacoomo adhantawäiñe Wanaadi dhowaanäcäiñe’da na. Ajöichojoodöcoomoje yääje wä’döa.

CAADATA 4:9

Eduuwa mmaane Wanaadi odhoowanääcäiñe na, Wanaadi owaanäcä mmaja änwanno maato dea. Yääje yeichaame, ¿ane’que’nei yää weicho’jönö weiñä aca awennaca’seiñe maato dea, tödööto’jönö weiñä aca mmaja, yoije tödöödö que awaatashiichuudädööcomo wetä mmaja?

EUJEESIYO 1:17

Wanaadi nödöödö jäcä asejjetaato’como töne’ca’e wäänene Cädhaajotoncomo Jesuuquidiito wwä. Tameedä Wanaadi nödöödö tö’tamme’tojo töne’ca’e wäänene dea; yaawä aashicha’cä jeene Wanaadi odhoowanääcäiñe eijai ña.

CODOOSENSE 1:10

Cajiichaana sotoi weichö nönge aweicho’como mmaja töne’ca’e ñaa weneene dea, imjummadö äwwäiñe tödöötojo mmaja, aashichaato ännödööcomo wejantojo mmaja, jooje’cä jeene Wanaadi odhoowanääcäiñe yä’dötoojo mmaja.

CODOOSENSE 1:15

Töwö Jesuuquidiito na Wanaadi äänejöönö cu’taajäje, tameedä tödööajä naadö e’jodhaato mmaja.

EEWEDEO 1:3

Töwö Jesuuquidiito aashicha Wanaadi weichö neneeja; töwö na Wanaadi weichö nönge dea. Töwö dha’deddu jäduujato que dea tameedäädä töweiye weneene. Cöcoone’nadiiyöcoomo choccadö’jo töwö Jesuuquidiito cönaatajiimai Wanaadi mudei yö’tä caju ña, ämu’demjönö dö’se.

1 JUAN 2:23

Ñäädä Iiñedö ijo’manei Cumöötoncomo ’je’da mmaja na dea. Ñäädä Iiñedö ecammanei mmaane Cumöötoncomo ’je na dea.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

2 JUAN 1:9

Ñäädä shaadijangajä, Quidiito wätunnäi ija’do’jonei, Wanaadi ’je’da na ñäädä. Ñäädä Quidiito wätunnäi chäänönge tödöönei mmaane, ñäädä Wanaadi ’je na, Iiñedö ’je mmaja.