JUAN 7:6 - Wanaadi A'deddu

⁶ Yaawä Jesuuquidiito cönä’döaacä chäwwäiñe: —Ä’dö’da dea na wäänejootojo cu’nädö aca; änwanno mmaane äcu’nädööcomo töweiye weneene.

JUAN 7:6 ပူးပေါင်းရင်းမြစ်များ

MATEO 26:18

Töwö cönä’döaacä: —Jataaca ojoncomo. Yäätä dhanwa mejoodöaato’de; edääje caichäcä’de chäwwä: “Yääje Owaanomaanei nä’döaanä: Cu’nädö amoinche’da nä’döi eduuwa. Noowanoomadö jadäiñe ämmai chaca wääwashinchä’se wa eduuwa Weja’dätä’jä anootoi’chädö awa;” quee caichäcä’de chäwwä; quee cönä’döaacä Jesuuquidiito tönoowanoomadö wwäiñe.

JUAN 13:1

Tooni anooto mmädä a’que cönä’jaacä Weja’dätä’jä anooto comjedensiyai’chädö tödöötojo cu’nädö aca yä’dötoojo. Yaawä Jesuuquidiito dhowaanäcä cönä’jaacä chu’nädö aca yä’dödö Tumö döiña töötotoojo edä nono de’wonno. Yääje yeichaame töjaadoncomo jäcäiñe tötö’tajä’e dea cönä’jaacä, ñanno edä nono de’woncomo; ijummadööcomooje dea cönä’jaacä, tumjummaiñe cönä’ja’döje dea.

JUAN 17:1

Yääje töwa’deuwö’jeje Jesuuquidiito Tumö wwä cöna’deuwöi, caju ña ene’mancädä. Töwö cönä’döaacä: —Jaaja, eduuwa nä’döi chu’nädö aca. Aashicha Ännedö weichö eneejocä, aashicha mmaja aweichö eneejoiyede töwö.

JUAN 2:4

Jesuuquidiito cönä’döaacä chäwwä: —¿Ane’cotoojo mädä mecammaanä öwwä, maama? Cu’nädö aca ä’döjai’cha dea na; quee cönä’döaacä.

JUAN 7:30

Yaawä ñanno judhíocoomo Jesuuquidiito ajäi’she cönä’ja’todö’je; anaajäi’chaane cöneiya’to, chu’nädö aca ä’dö’da dea yeijäcä.

JUAN 7:8

Änwannoone äjoncomo comjedensiya döe; öwö mmaane tä’da wa, ä’dö’da dea yeijäcä cu’nadö aca; quee cönä’döaacä Jesuuquidiito

JUAN 8:20

Jesuuquidiito yääje cöna’deuwacä Wanaadi weichojo taca töweichö, jödaata ewöötö dö’tä. Ñanno soto anaajäi’cha cöneiya’to, chu’nädö aca ä’dö’da dea yeijäcä.

DOSECHO 1:7

Jesuuquidiito cönä’döaacä chäwwäiñe: —Änwanno odhoowanääcäiñe eijai’cha na yää cu’nädö, dhanootoi’chädö mmaja. Jaaja yää cuncu’nä’täi tumjummadö woije.