JUAN 6:64 - Wanaadi A'deddu

⁶⁴ Yääje yeichaame änwanno dhantai aneecamjö’da dea maato; quee cönä’döaacä Jesuuquidiito. Töwö Jesuuquidiito jenaadäde dhowaanäcä cönä’jaacä ñanno aneecanö’jöncomo, tu’neije töweiyemö mmaja.

JUAN 6:64 ပူးပေါင်းရင်းမြစ်များ

MATEO 10:4

Simón mmaja, ñäädä jäduujato wa’deuwödö; Juudha Icaadiyoote mmaja, ñäädä Jesuuquidiito u’nei’jödö.

JUAN 10:26

Yääje yeichaame aneecamjö’da maato, sootoije’da aweichomjäcä, jenaadä wä’döaaquennöje dea.

JUAN 18:4

Jesuuquidiito dhowaanäcä cönä’jaacä tameedä töjääcä yeeja’do’tojo; yääje yeijäcä töwö cöntämä ñanno wwadäädäiñe; cönä’döaacä chäwwäiñe: —¿Änääcö mujiiyato? quee.

JUAN 5:42

Yoowanääcä maato a’que äwwäiñe yeichö Wanaadi jummadö.

JUAN 6:36

Yääje wä’döaaquene äwwäiñe: “Öwö yeene’mataame äwwäiñe, aneecamjö’da maato;” quee.

JUAN 6:60

Yää eta’jäcä ñoowanoomadö wwäiñe tönwanno dhantai cönä’döa’to: —Äätaque’jönö mädä ecammajäätödö. ¿Änääcö mädä etaajai ñai? quee.

JUAN 6:61

Jesuuquidiito dhowaanäcä cönä’jaacä yääje ya’deuwödööcomo. Töwö cöneecamma’joicho yaawä: —¿Cone’da ca ayöödöjaato mädä ecammajäätödö?

JUAN 6:66

Yää etaadö’jo ñoowanoomadö wwäiñe tönwanno dhantai cöne’nomjaicho; chääjadä töwei’sheiñe’da cönä’ja’to yaawä.

JUAN 8:23

Jesuuquidiito cönä’döaacä chäwwäiñe: —Änwanno nono jo’como; öwö mmaane cacoiño. Änwanno edä nono de’woncomo; öwö mmaane edä nono de’wonoojönö.

JUAN 8:55

Yääje yeichaame odhoowanääcäiñe’da na töwö; öwö mmaane yoowanääcä na. Yoowanääcä’da e’ta’jäcä öwwä, juutuje mmaja eijai wa dea yaawä, awei’yejeiñe mmaja. Yoowanääcääne na töwö, dha’deddu woije tönnöe wäänene dea.

DOSECHO 15:18

que nä’döa Cajiichaana, ñäädä jenaadä mädä cöneecadeeme’joichö; quee cömmennoicho Wanaadi wa’deuwödö ecammannamo.

DOMAANO 8:29

Ñanno jenaadä töne’tä’jödö töwö Wanaadi cönnöicho Tönnedö nönge töwä’döaamoje, ñäädä Iiñedö tameedä yuichoncomooje yeichö wetä.

2 TIIMOTEO 2:19

Yääje yeichaame Wanaadi a’deddu yäätäädä na, yo’wadö töweiye naichöje. Edääje na chääjäcä imennaajä: “Cajiichaana dhowaanäcä na töwwoncomo;” quee. Edääje mmaja imennaajä nä’döa dea: “Ñäädä Quidiito sotoije yäätä’taajä nä’sancwa’ñojo conemjönö jonno;” quee.

EEWEDEO 4:13

Ane’cä’cä tödööajä ’je’da na Wanaadi wwä ootone’täjaicho. Tameedä täne na chäwwä, tacaade mmaja, ñäädä cämmencaneichomooje töweiyemö wwä.