JUAN 6:37 - Wanaadi A'deddu

³⁷ Tameedä öwwonooje Jaaja nutuudu ne’a öwwadäädä. Ñäädä öwwadoodono we’ajä änquiiñemeecö’da wa.

JUAN 6:37 ပူးပေါင်းရင်းမြစ်များ

MATEO 11:28

Öwwadäädä ä’täcä tameedä chincha’como, tameedä tänwasa’como mmaja, äwäädeetato’como wäntuiye.

MATEO 24:24

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno jooje ene’ju’tojo nödööaato’de, jooje täneemö mmaja, Wanaadi sotoi jadä’jödöödä encu’täto’comoojatö’jödö.

JUAN 17:11

“Edä nono de’wä o’somjo’da wa; canno mmaane no’somjaato edä nono de’wä, öwö ’quene adöiña wöta. Jaaja aashichaato, canno öwwä mu’netoodö edai’chocooto amäädä äjäädudu que, tooni mmaane chö’tajäätödööcomo eiye, cöwö cötö’tajäätödö naadöje mmaja.

JUAN 17:2

Amäädä Ännedö wwä mu’ne tameedä soto e’jodheiñe yeichojo, yeichöödoto weiñä utuiye yaawä tameedä chäwwä mu’netoodö wwäiñe.

JUAN 17:24

“Jaaja, canno öwwä mu’netoodö öwö weichojo dö’tä mmaja yei’sheiñe waato, o’jodhe weichö eneiyeto yaawä, yää äwwä jummadö weijäcä öwwä mu’nedö edä nono tödöödö owaajodä.

JUAN 17:6

“Aashicha aweichö öwö weneejone ñanno edä nono de’woncomo antawonnoiñe öwwä mu’netoodö wwäiñe. Amäädä äwwoncomooje cönä’ja’to; öwwä mu’neto yaawä. Tönwanno adha’deddu woije cönnöicho.

JUAN 6:39

Jaaja, yaanontänei’jödö woije dea tooni’chä anennanö’ca’da wa’de ñanno öwwä inchudu; öwö wadoncaato’de yaawä anooto wataamedaawä.

JUAN 6:65

Töwö cönä’döaacä: —Yääje yeijäcä yääje wä’döaanä äwwäiñe, anejja e’jai’cha na öwwadäädä Jaaja nenno’jadööje’da yeiya’jäcä; quee cönä’döaacä.

JUAN 9:34

Yaawä ñanno judhío cönä’döa’to chäwwä: —¿Amäädä mmädä ñaa mowaanomannea, conemjönö acaano wennuaajä mmädä? quee cönä’döa’to. Töjaadäiñe yeichö jonno cunu’caicho yaawä.

DOMAANO 5:20

Yää waanontänä imennaajä cönä’tui cöne’da’cä jeene conemjönö ene’ju’joneije. Yaawääne’, cone’da’cä jeene conemjönö wä’dö’jödö weichaame Wanaadi nutuudu aashichaato cho’jodhe’cä mmaja jeene cöneejamöi.

JIDIIPENSE 1:29

Änwanno maato Quidiito ecaanö’nnamooje töweiyaamoje mma’da, ijunnei töwäntunaanö’aamoje mmajaane.

1 TIIMOTEO 1:16

Yaawääne’ edä jäcäinchädä töwö Wanaadi wentumje yeeneaaquene, jääcä awa’deene Jesuuquidiito wwä eneejodö wetä aashicha töweichö. Mädääje täneemöje wä’döne, ñanno Jesuuquidiito töweicho’comooje ecaanö’nenaamo neneedöcoomoje.

2 TIIMOTEO 2:19

Yääje yeichaame Wanaadi a’deddu yäätäädä na, yo’wadö töweiye naichöje. Edääje na chääjäcä imennaajä: “Cajiichaana dhowaanäcä na töwwoncomo;” quee. Edääje mmaja imennaajä nä’döa dea: “Ñäädä Quidiito sotoije yäätä’taajä nä’sancwa’ñojo conemjönö jonno;” quee.

EEWEDEO 4:15

Ñäädä Jesuuquidiito, Tumö wwä cöjääcäinchädäiñe töwa’deuwemööje naadö, wentumje cäneetäiñe’da’da weneene jäduuje’da cöweichawäiñe, töwö töwä’yunaacajo’jödö weijäcä mmaja tameedä conemjönö jäcä, cönwanno cäänetäänedööje mmaja; yaawääne’, conemjönö ännö’daane’ töwö cöneiyacä.

EEWEDEO 7:25

Yääje yeijäcä töwö yeichöödäje ewaanacaajai ñaato ñanno töjoinchomo Wanaadi wwadäädoncomo wötäädö, yeichöödäje nudä töweijäcä; chääjäcäinchädäiñe töwö töwa’deuwe weneene Wanaadi wwä.

1 JUAN 2:19

Tönwanno cönä’sancwajoicho cöjaadäiñe töweichöcoomo jonno. Cöjimmotoncomo neenejöönö cönä’ja’to. Dha’da ei’jo mmaane cösancwatäiñe’da eichö cöneiya’to. Tönwanno cösancwatääne täne’ju’dhe yeichö wetä cöjimmotoncomo neeneje’da töweichöcoomo.

APOOCADIISI 22:17

Epíiditu Santo mmaja, Oweeja nnedö’ca jiñamo mmaja edääje nä’döaato: —Ä’cäde; quee. Ñäädä etaanei mmaja mädääje ä’döjai ña dea: —Ä’cäde; quee. Ñäädä emjätö’sato neejö’ñojo; ñäädä enö’sato weichojo tunai’chädö nenö’ñojo, täje’da.