JUAN 4:39 - Wanaadi A'deddu

³⁹ Jooje yäätoncomo Samaadiya ñancomo Jesuuquidiito cöneecamjöicho ñäädä wodi wä’dö’jödö weijäcä: “Tameedä wei’jödö necammai öwwä;” quee yä’dö’jödö weijäcä.

JUAN 4:39 ပူးပေါင်းရင်းမြစ်များ

MATEO 10:5

Ñanno amoojadooto de’wä aaco’como Jesuuquidiito cönaanontoicho; edääje töwö cönwätuujaicho: —Judhíojöncomo jataacäiñe mma mötäätäi’che. Samaadiya ña mma mötäätäi’chede.

JUAN 1:37

Ñanno aaconcomo Juan nowaanomaadö cöneeta’to yääje yä’dödö; Jesuuquidiito ncäcä cöntonto yaawä.

JUAN 11:45

Yaawä jooje judhío, ñanno Madía döiñancomo weejö’jödö, Jesuuquidiito cöneecamjöicho yääje iiñödö eneedö’jo.

JUAN 4:29

—Soto eneetantäcä. Töwö necammai öwwä tameedä wei’jödö. ¿Ñäädä’da ñäädä Äwaanacaanei? quee cönä’döaacä.

JUAN 4:30

Yaawä ñanno soto jata wwonno cöntonto Jesuuquidiito döiña.

JUAN 4:38

Öwö manaanontätääne anaatödööcomoojönö amu’que. Anejjacoomo cönnatö’toicho, änwanno mamu’cato eduuwa chaadawaajuichomo’jödö; quee cönä’döaacä Jesuuquidiito.

JUAN 4:40

Yaawä Jesuuquidiito döiña samaaditaanocoomo wä’döa’comjäcä tönwanno cönä’döa’to chäwwä: —Eetä eichä’de ñaa jadä; quee. Yäätä Jesuuquidiito cönä’jaacä chääjadäiñe aacä anooto.

JUAN 4:42

Tönwanno cönä’döa’to ñäädä wodi wwä: —Ñaa necaanö’a eduuwa amäädä aneecamma’jödö jäcäinchädä mma’da; ñaa daja ñaa cöneetai chea dha’deddu. Ñaa owaanäcä na Äwaanacaanei chäänöngatooje yeichö, tameedä soto Ewaanacaaneichomooje yeichö; quee cönä’döa’to.

JUAN 4:5

Yaawä töwö cönä’döi Sicaada ña, yää Samaadiya nonoodö de’wono jata. Yää Sicaada ñano cönä’jaacä amoinche’da Jacoowo nonoodö’jödö jäcä, tönnedö José wwä inchudu’jödö.

JUAN 4:8

Jesuuquidiito nowaanomaadö ’je’da cönä’ja’to yäätä; jataaca cönä’ja’to äwanshi ejeemadööje.