JUAN 20:20 - Wanaadi A'deddu

²⁰ Yaawä tamäädö cöneenejoi chäwwäiñe, tusuudadö mmaja. Ta’cwaiñe ñoowanoomadö cönä’ja’to yaawä töwwäiñe Tädhaajotoncomo eneea’jäcä.

JUAN 20:20 ပူးပေါင်းရင်းမြစ်များ

MATEO 28:8

Yääje mma yaawä ñanno wodiiñamo cöneeja’caicho äwa tacanno. Tösaade cönä’ja’to, ta’cwaiñe mmaja. Cöneeca’tömöicho Jesuuquidiito nowaanomaadö wwäiñe ecammajä’e.

JUAN 16:20

Chäänönge yääje wä’döa äwwäiñe, änwanno maamoaato’de, wentumje maato’de. Edä nono de’woncomo mmaane ta’cwaiñe naato’de. Yääje yeichaame wentumje aweichöcoomo necamjiyaaca’de adha’cwaniiyöcoomoje.

JUAN 16:22

Mädääje mmaja änwanno, eduuwa mma wentumje maato. Öwö maneeneaato’dede äcuude; yaawä ta’cwaiñe maato’de. Anejja adhenwajiiñajaiñe’da na’de yaawä adha’cwaniiyöcoomo que.

JUAN 19:34

Tooni suddau sucuuji che cönwäi shuudadö ai. Munu cöneeja’cai yaawä, tuna mmaja.

JUAN 20:25

Yää ’jeje ijimmä cönä’döa’to chäwwä: —Cädhaajotoncomo ñaa cöneeneaacä; quee. Töwö Tomá cönä’döaacä chäwwäiñe: —Chaajuwa nöwä’jödö öwwä eneea’jäcääde, yää ajooja’jäcä öwwä, shuudadö ajooja’jäcä mmaja, yaawääne ecaanö’jai wa; quee.

JUAN 20:27

Yaawä Jesuuquidiito cönä’döaacä Tomá wwä: —Adhaamädö dhadaadö que cajoojocä; yaamädö eneecä; suudadö ajoojocä. Aneecamjö’da’daane eichä, töneecanö’eene; quee cönä’döaacä.

1 JUAN 1:1

Ñäädä yaajäntä’jödö jonnoto’jödöödä töweiye cönä’ja’dö, ñäädä Weichojo A’deu edhaajä, ñaa necammajä’a äwwäiñe. Ñäädä wa’deuwödö töneeta ñaa cönä’jaacä; tänuudu que töneene ñaa cönä’ja’dea; töneene’ma ñaa cönä’ja’dea; tamäädö que tönaajojo ñaa cönä’ja’dea.