JUAN 19:38 - Wanaadi A'deddu

³⁸ Yääje mma yaawä José Aadimaatea ñano Pidaato wwä cöne’catäi Jesuuquidiito equeejödö; Pidaato cönaadojoi chäwwä. Ñäädä José cönä’jaacä Jesuuquidiito ecaanö’nei, tacaade’daane, judhío tönnontä töweijäcä. Ñäädä cöntämä yaawä; Jesuuquidiito equeejödö cönaadäi.

JUAN 19:38 ပူးပေါင်းရင်းမြစ်များ

JUAN 12:42

Dhantai judhíocoomo Jesuuquidiito aneecamjö’da yeichaameiñe anejjacoomo cöneecamjöicho, cajiichaanacoomo jadä’jödöödä. Tacaade’da mma cöneecamjöicho, jaadiseeo nontädööcomooje, judhío jadä töweichöcoomo jonno tu’cadööcomo queiñe.

JUAN 7:13

Tönwanno tacaade’da töwa’deuwe cönä’ja’to chääjäcä, judhío nontädööcomooje.

JUAN 9:22

Tönwanno yääje cönä’döa’to judhíocoomo nontädööje, yääje yä’dö’jocoomo weijäcä: “Anejja wwä Äwaanacaaneije Jesuuquidiito e’ta’jäcä tu’ca na’de yaawä cöjaadäiñe yeichö jonno;” quee yä’dö’jocoomo weijäcä.

DOSECHO 13:29

Yaawä tameedä Wanaadi a’deddu imennaajä wä’dödö naichö nönge tödööa’jäcä cuduusa jäconno cöneenö’toicho, ewaacadö wetä.

JIDIIPENSE 1:14

Yääje yeijäcä jooje quedeiyentecoomo jäduuje’cä naato eduuwa Wanaadi a’deddu ecammajäätödö jäcä, jedeesoje weichö nijäädu’tädööje. Tösaade’da Wanaadi a’deddu töneecammajä’e weneeneto, Cajiichaana ecaanö’ancädä.