JUAN 18:5 - Wanaadi A'deddu

⁵ Tönwanno cönä’döa’to: —Ñaa nujiiya Jesuuquidiito, Naasade ñano; quee cönä’döa’to. Jesuuquidiito cönä’döaacä chäwwäiñe: —Öwö ñäädä; quee. Juudha mmaja chääjadäiñe cönä’ja’dea, ñäädä Jesuuquidiito u’nei.

JUAN 18:5 ပူးပေါင်းရင်းမြစ်များ

MATEO 2:23

Iiña töwä’döa’jäcä Naasade ña cöneejata’täi. Yää cöneeja’dätäi Wanaadi wa’deuwödö ecammannamo wä’dö’jocoomo nönge yeichö wetä, yää: “Naasade ñanooje Äwaanacaanei nätä’täja’de;” quee yä’dö’jocoomo naichö.

MATEO 21:11

Anejjacoomo soto cönä’döa’to yaawä: —Jesuuquidiito määdhä, Naasade ñano, yää Caadideea ñano jata. Wanaadi wa’deuwödö ecammanei töwö; quee cönä’döa’to.

JUAN 1:46

Yaawä Nataanaeede cönä’döaacä chäwwä: —Naasade ñanno mmädä aashichaato eja’cadööde’; quee. Jediipe cönä’döaacä yaawä: —Ma’che’ma, meneetaiye.

JUAN 18:4

Jesuuquidiito dhowaanäcä cönä’jaacä tameedä töjääcä yeeja’do’tojo; yääje yeijäcä töwö cöntämä ñanno wwadäädäiñe; cönä’döaacä chäwwäiñe: —¿Änääcö mujiiyato? quee.

JUAN 18:6

“Öwö ñäädä;” ca’jäcä Jesuuquidiito wwä tönwanno tönwadheedädäiñe cöne’duccaicho yaawä nono jo.

JUAN 19:19

Pidaato cömmennäjoi yaawä ta’de’täämö; cönaajoijojoi yaawä cuduusa jäcä. Edääje cönä’jaacä yää imennaajä: “Määdhä ñäädä Jesuuquidiito Naasade ñano, judhío Cajiichaanaichomo;” quee imennaajä cönä’jaacä.