JUAN 18:37 - Wanaadi A'deddu

³⁷ Yaawä Pidaato cönä’döaacä chäwwä: —¿Cajiichaana ca amäädä, yääje yeiya’jäcä? Jesuuquidiito cöneccujä’acä: —Ee, cajiichaana öwö, mecammaadöje. Mädääjatooje yennune; edä nono de’cäi we’ne a’deu chäänöngato ecammajä’neije. Tameedä ñanno a’deu chäänöngato woija’como ya’deddu töneeta weneeneto; quee cönä’döaacä Jesuuquidiito.

JUAN 18:37 ပူးပေါင်းရင်းမြစ်များ

MATEO 26:64

Yaawä Jesuuquidiito cönä’döaacä chäwwä: —Ee, ñäädä öwö, mecammaadö. Edääje mmaja wä’döa dea äwwäiñe, äcuude änwanno meneeato’de Soto nnedö weejödö ca’dutu de’wä, Jäduujato nnäcä, yaatajiimaajä, ämu’demjönö dö’se; quee cönä’döaacä Jesuuquidiito.

MATEO 27:11

Yaawä Jesuuquidiito cönä’jaacä acu’shänä je’taca. Ñäädä cöneecamma’joi: —Judhío cajiichaanaichomo amäädä? quee cönä’döaacä. —Ee, ñäädä öwö, mecammaadö; quee cönä’döaacä Jesuuquidiito.

MAADOCO 14:62

Jesuuquidiito cönä’döaacä chäwwä: —Ee, ñäädä öwö. Äcuude änwanno meneeato’de Soto nnedö weejödö ca’dutu de’wä, Jäduujato nnäcä yaatajiimaajä, ämu’demjönö dö’se; quee cönä’döaacä Jesuuquidiito.

MAADOCO 15:2

Yaawä Pidaato Jesuuquidiito cöneecamma’joi: —¿Judhío Cajiichaanaichomo amäädä? quee cönä’döaacä. Jesuuquidiito cöneccujä’acä; cönä’döaacä chäwwä: —Ee, öwö ñäädä; quee.

DUUCA 22:70

Tameedä tönwanno cöneecamma’joicho yaawä: —Yääje yeiya’jäcä ¿Wanaadi nnedö ca amäädä? quee cönä’döa’to. Töwö cönä’döaacä: —Ee, ñäädä öwö, mecammaatoodö; quee.

DUUCA 23:3

Yaawä Pidaato Jesuuquidiito cöneecamma’joi: —¿Judhío Cajiichaanaichomo amäädä? quee cönä’döaacä. Jesuuquidiito cöneccujä’acä: —Ee, ñäädä öwö, mecammaadö; quee cönä’döaacä.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:17

Moisé ai Wanaadi cuntui cöwwäiñe jenaado’jä waanontänä; Jesuuquidiito ai mmaane aashichaato cönä’tui cöwwäiñe, chäänöngato a’deu mmaja.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 3:32

Töwö na’deuwa töneene’jödö jäcä, töneeta’jödö jäcä mmaja. Yääje yeichaame soto eta’se’da naato töwö ñeecammajäätödö.

JUAN 7:17

Ñäädä Wanaadi woije tödö’sato dhowaanäcä na’de neecammajäätödö Wanaadi woijatooje yeichö, dha’da ’quene öwö woijato mma yeiya’jäcä.

JUAN 8:14

Jesuuquidiito cönä’döaacä chäwwäiñe: —Öwö dea wääcammataame chäänönge wääcammadö na. Öwö yoowanääcä na weejö’jödö, öötotoojo yoowanääcä mmaja. Änwanno mmaane odhoowanääcäiñe’da na öwö weejö’jödö, öötotoojo odhoowanääcäiñe’da mmaja na dea.

JUAN 8:45

Öwö mmaane yeecamjö’da maato chäänöngato töneecamma weijäcä.

JUAN 8:46

¿Änääcö adhantawäiñe ecammajai ñai conemjönö önnö’jödö? ¿Ane’que’nei aneecamjö’da maato, chäänönge ecammajä’taame öwwä?

JUAN 8:47

Ñäädä Wanaadi nnedö Wanaadi a’deddu töneeta töweiye nai. Änwanno mmaane aneeta’da maato, Wanaadi nnacoomoje’da aweijäcäiñe; quee cönä’döaacä Jesuuquidiito.

1 TIIMOTEO 6:13

Edääje wä’döa äwwä Wanaadi owaadäädä, ñäädä tämeedä yeichö wa’cä weichojo u’nei, Jesuuquidiito owaadäädä mmaja, ñäädä Ponsiyo Pidaato netaadöje töwääcammadaawä aashicha cönääcammajäätöichö.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 JUAN 2:21

Chäänöngato odhoowanääcäiñe’da aweichöcoomo jäcäinchädä’da äwwadäädäiñe wimenna, odhoowanääcäiñe yeichö jäcäinchädääne. Änwanno odhoowanääcäiñe wä’duntänä chäänöngato woije’da yeichö.

1 JUAN 3:14

Cönwanno töwäämaamöje cöwei’jocoomo jonno töwäämaamöje’da cä’dötääne; yääje cöweichöcoomo cowaanäcäiñe na cöjimmotoncomo tumjumma cöweijäcäiñe. Ñäädä töweichacoono ämjummajöönö töwäämaamöjeedä na.

1 JUAN 3:19

Mädääje ene’ju’jai caato chäänöngato woije cöweichöcoomo, töjöiye’da cöweichöcoomo wetä Wanaadi owaadäädä.

1 JUAN 4:6

Cönwanno mmaane Wanaadi sotoije caato. Ñäädä Wanaadi jadoono ca’dedducoomo töneeta weneene; ñäädä Wanaadi jadoonojöönö mmaane ca’dedducoomo aneeta’da na. Mädääje ene’ju’jai caato ñäädä chäänöngato woije ecammajä’nei, chäänöngemjönö woije ecammajä’nei mmaja.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

APOOCADIISI 1:4

Öwö Juan, äwwadäädäiñe wimenna, änwanno Aasiya ñancomo quedeiyentecoomo, aacä amoojato ajaatadööcomo naadö. Aashichaato, täncanoode’da aweicho’como mmaja äwwäiñe yei’she wa, Wanaadi nutuudu, ñäädä eduuwa naadö, jenaadä cönä’ja’dö dea, äcuude na’dedö dea, ñanno aacä amoojato’como Epíiditu nutuudu mmaja, ñanno Wanaadi mudei o’wawä naatoodö,

APOOCADIISI 3:14

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Daodiseea ñancomo quedeiyente edai’chäneichomo wwadäädä: “Edääje nä’döa ñäädä Chäänöngato, ecammajä’nei aashichaato, chäänöngato mmaja, tameedä Wanaadi nödöödö amoode’nänei’jödö: