JUAN 18:36 - Wanaadi A'deddu

³⁶ Jesuuquidiito cönä’döaacä yaawä: —Edä nono de’wonoojönö cajiichaanaje weichojo na. Dha’da ei’jo sootoi ewäänä’tädö neiyaato, judhío wwäiñe tu’e’da weichö wetä. Edä nono de’wonoojönööne cajiichaanaje weichojooje na öwö; quee cönä’döaacä Jesuuquidiito Pidaato wwä.

JUAN 18:36 ပူးပေါင်းရင်းမြစ်များ

MATEO 26:53

¿Jaaja wwä a’deujai’cha ca cäcaanö’anä, amoojadooto de’wä aacä miide tamoodedö ene’jodö wetä chäwwä, ö’wa’tännamooje?

DUUCA 12:14

Töwö Jesuuquidiito cönä’döaacä yaawä: —Adheecamma’joneichomoojönö öwö, dhanwa, äwwäiñe ecammojooneijönö mmaja; quee cönä’döaacä.

JUAN 18:35

Pidaato cöneccujä’acä: —¿Judhío ca öwö? Ajimmä dea dajaane ayuutuicho öwwä, Wanaadi wwä töwa’deuwaamo edhaajotoncomo mmaja. ¿Ane’cäämö mödööne? quee cönä’döaacä.

JUAN 6:15

Jesuuquidiito dhowaanäcä cönä’jaacä töwoije’da cajiichaanaje täwaaca’se yeichöcoomo. Yääje yeijäcä töjääcäjeene cöntämä jöö de’cäi.

JUAN 8:15

Änwanno ajuunucoomo woije mma tönemmenca määnetääne; öwö mmaane anemmenca’da wa.

DOMAANO 14:17

Wanaadi sotoije weiñä töweiye nai äwanshi jäcäinchädä’da, wocö jäcäinchädä’da mmaja, chäänönge weiñä jäcäinchädääne, täncanoode’da weichojo mmaja, ta’cwaiñe weiñä mmaja, yää Epíiditu Santo nutuudu.

1 TIIMOTEO 6:13

Edääje wä’döa äwwä Wanaadi owaadäädä, ñäädä tämeedä yeichö wa’cä weichojo u’nei, Jesuuquidiito owaadäädä mmaja, ñäädä Ponsiyo Pidaato netaadöje töwääcammadaawä aashicha cönääcammajäätöichö.